¹ ŋaaant k a nuu ii yaa, k a saa la nyuat daasial. ² jiin a mɔkit k tul niib banlole koo banniin, kimaan a k mi yuboninba saa baala tingbouŋ na ni. ³ Sanpaagbant ii gbie nan sanyun, saak tuu baae, tiik i baa sianinba po, l dua libianŋe. ⁴ wunba kul bia golii wonpaaluk daanu, u tan kan bul, k wunba bia golii sayunŋ, u tan kan jaan. ⁵ Nan faa k mi wonŋ sɔnu na, n na e k a mun kan bann bik nba naan puo puolin bianŋba. ⁶ A tuu bul bonbubulit sannyaɔk ni nan daajuok kul. k l maa a k mi l kul nba saa nan k gal liel bianŋba. ⁷ Yentu man k l ŋan k tul ninbina nan waa laat yennu na. ⁸ Bina nba k a sii be manfuol ni na, ii di manu faa lek saa wei bianŋba, ŋaan ii tian nan a saa mantik wei kpientinŋe, linba kul saa baal, l k mɔk nyuat. ⁹ Nipaaunŋ, i di manu i bisuk ni, ii mɔk palpienn, yaa daa paan na. tumin, linba k i luon k manŋ i pala, ŋaan ii tian man nan yennu tan saa bu i buut linba kul k i tun na paaka. ¹⁰ Ii daa te k sial biil i pala, koo k toni. kii tuon tie tie nipaaunŋ kaa.