¹ T din ŋmaat tunna, k tɔkin duo sanjɔk nba saa Basan na. Og kpanbal din nyi k cetit, ŋua nan u niib kul, a bin kɔn nant Edlei. ² K kagbennu yet ma: daa tiin jaŋmaami, k maan n jiib tien a nuu ni waa, ŋua nan u niib kul nan u duo, a tienm nan faa tien Sihon, kpanbal nba tie Amolen nba kpanbal k be Hesbon na. ³ K kagbennu nba tie t yomdanɔ jii Og kpanbal nba tie Basan kpanbal na nan u niib kul k tienm t nuu ni, t din kpiib buob k k nyiik b ninŋ sua k u paaki. ⁴ T din gaal b digbana kule k ki nyiik jennkɔ k l k baa ti yiikuo ni: digbana piinluob, nan Algob yial kul, nan Og yent kul nan Basan. ⁵ L digbana kul din tie digban gbenŋae, nan juonna nba be sanpaapo, k l ŋanna tie kuuta yaal, digbanlia muun din be k ki mɔk juonna k l yaabi. ⁶ T din biil l kul k ki sii siali, nan taa din tien Sihon kpanbal Hesbon biaŋnba na, t din biil l digbana k ki jii siali, jaa, puob nan waas. ⁷ ŋaan t bia din biil b bonkobt nan b mɔkint l digbana ninŋ kule. ⁸ L din tie n nae l yuo na, k t gaal Amolen nba kpanbala banle nba nba suuldain puotl po na, la nyii tolen Alnon k saa tu jual nba be Helmon. ⁹ Sidonien nba tul Helmon saann nba tie Silion,k Amolen nba nyii l senil, ¹⁰ Digbana nba kul din be paanu ninŋ, Galaad kul nan Basan k sa tu Salka nan Eldlei, digbana nba tie Og Basan yent. ¹¹ Og, Basan kpanbal, nba din bial u kuunkuae k tie Lefaim buolu ni. Gotl, u Godo din tie kuut gadoe, Labbat din k tie Ammon waas digbann kaa? l fɔkint din tie taakabu ŋanyiae, k l yaalmu tie taakabu ŋanna, l taakabu tie jab yaale. ¹² L yuo na t din gaal duo manŋe. laa piin Abel k saa tolen Almon nan Galaad jual na bɔkl nan li digbana, n din jii tul Lubenit nba nan Gadite nba e u jial. ¹³ N din tul Galaad bɔkl nba din tenn na nan Og Basan yent kul Manase ŋaak tiebe: Algob yent kul, nan Basan kul, ŋanne k b jiil lefaim nba duo. ¹⁴ Sial, Manase bija, din gaal Agob kul k sa tu Geskulien nba nan Makatin nba telik paak, k tul u sann bul basan, k b yiil dinna bulg sail. ¹⁵ N din tul Makil galaad e. ¹⁶ Lubenit nba nan gadit n din tulb galaad bɔkle k saa tu tolen Almon, k l sinsuk ni tie l bɔktin, k laa jii tolen jabbok, k l tie Ammon wass telik sinsuk. ¹⁷ N bia din tulib paanu k pukin, k l telik tie suuldain laa nyi kinnelet k sa tu mɔkl nba be paanu manŋ ni na, k mɔkjɔkinn na tie taal pisga, k saa yomba po. ¹⁸ L yuo na, n din tuli sennu na. kagbennu nba tie i yomdanɔ na tieni duo na a yin yent. yinm nba kul tie sejenm i si sonm nan gbiate Islael waas tuann po. ¹⁹ I puob kunkua nan i waas bis nan i bonkobt, n ban nan i mɔk bonkobt bonciann k b bial digbana nba k n tuli na ni, ²⁰ Mɔkmɔk nan i yuonba k kagbennu tan saa tuli ninjanm fuon nan waa tuli na, k bin yent duo nba k kagbennu nba tie i yomdanɔ tulib suulden bɔkl po na. ŋaan yinm ŋaalin saa ŋmaat sua kul faal nba k n daan tuli na nie. ²¹ L yuo na, n din tul senni Sosue k yetɔ a: a ninbina la linba kul k kagbennu nba tie t yomdanɔ tien kpanbala banle nba na: n nae k kagbennu saa tien yent damm kul nba k a saa sonm k cetib. ²² A daa tiinm jaaŋmami, k maan kagbennu nba tie i yomdanɔ saa kɔn u mɔnŋ k tuli ya. ²³ L yuo na, k n mial kagbennu yet ŋanm k yet a: ²⁴ Kagbennu yennu, a piin k waann. a tuontuunɔ a yaabint nba jaan nan a nuu panŋ yabint, k maan yennu lan nu poe, sanpaapo nan tinŋ ni, sa fiit tok i a tuonna nan yaabintinba ka tien ni? ²⁵ Nyikimin man gaal, n balmae nyikin min mon laa duo ŋann nba be suuldain puotl po na, nan liban juafaana na. ²⁶ ŋaan k kagbennu wuutuol duo naanin i paak, k u k gbiinti mi. kagbennu yeti ma a: l jaanŋa jii daa piakin l maami. ²⁷ Don Pisga juul paak, k got yendopo, nan yenbapo nan yensuuk po, k a ninbina n laa faanu, k maan a kan gaal suuldain. ²⁸ Tulin senni Sosue k paan u paal, k bia ŋaanm cie u paal, k maan ŋuae saa gaal niib na tuann po k saa jii duo nba k a goli na k tulib. ²⁹ T din bial be baauk nba be k ki fuok na Bet Peol na.