1 Sɔkni kuo damiit buntitua saa fit k paka baktanauŋ kuo cinŋcinŋ maan, 2 a wun kpanna k a jiant yenni nba k a k mi jianti. Lii tie maan nba k uyet set tan tien mɔnni, 3 ŋaan a daa gbiin, kaagbennu k ji'u a wun bikna, k naan a loon ŋua kaagbennu, a yennu nan a pal kulii. 4 I saak k wei kaagbennu, i yennu, k tinnɔ jaaŋmaani, k sak u sennü, kii jiantl'ɔ kü waa ŋua kunkua. 5 L sɔkni kuo damiit buntitua na tubŋmaanu sii tie kuume. nK maan u kɔn nan kaagbennu, a yennu, wun nba din t ki yii Ejipt tinŋ, siamnba kii din tie daabaa na. L niibuolu tie nibii ukuo, k u nuunm mɔn a wun nyini kaagbennu, i yennu sonnuu nba kuu yaa i be li na. A saa kpi'u wee k nyiinn i mɔnŋ li binbenbiik na ni. 6 Lii tie k a ninja, kuo a bija, kuo a bipuo, kuo a ŋaapuo nba k a luon'ɔ fanu, kuo yuanin mɔn komla a fin nan ŋua n saan k jiant yensaanii nba k fin nan a yijanm k mi jianti, a daa saaki. 7 B yenɔ saa kolmii a ijiant niib nba kpiai na yennii, kuo niib nba be banfuaka tinŋ na lokaa kul po na yennii. 8 A daa t k u kpanni, a daa gbintl u maan, a daa tiinɔ ninbaauk, a bia daa dɔk u paak, ii kpi'u. 9 Ii kpi'u. Ii tie bin nba saa jaal'ɔ tan sinsinn, k bia t k sua kul n jaatua. 10 Ii jaatua tana k kpi'u, k maan waa u nunm nba mɔn a wun kpanni kii daa jiantl kaagbennu, i yennu nba nyinnii Ejipt tinŋ ni, sian nba ki dan tie daaba na. 11 Lii sii tie nae bin nba tie Islael tieb kula n gbat lin nba tun, k jaŋmaanii sii mɔkb, k sua ji kan mi tun l bonbiil buolu. 12 Yuo nba ki kua duo nba k kaagbennu, i yennu tieni na nii saa gbat; 13 Nan niyuonsiab be i ni k kpann b doi niib, k b jiantl yennii nba k b k mi jianti. 14 A saa luon maan nba k a gbat manŋ budu, a saa boi fiitl fannu, k nan li tie mɔnnie nan bonbilan kant manŋ tuumii. 15 Yin kpi niib nba kul be duo manŋ ni, nan bibɔnkobit kula nan juk-banjiak, k biil lin nba be duo manŋ ni kul. 16 A saa tan duo na mɔnt kul duo na sinsuuk ni, k juo duo manŋ nan lin nba kul be lenŋ muu k lii tie malunŋ k tul kaagbennu, a yennu tuaan. Li saa nyinte k kpant langbent, k jii kanmi tien duo, k sua ji kan mi k maa lenŋ. 17 I mi tan jii a nuu k si sial k jiil, lin nba k i bo saa biil, k kaagbennu sa lebt wutuol k k maan u pal, k tinnii nin baauk, k tul'i palmaasl nan nyikcabu, k t ki pot nan waa din lol nan i yiijanm na. 18 Lii tie k i gbiint kaagbennu, i yennu kunkɔl, k dia u sennii nba k u tieni dinna na, k tun lin nba tok kaagbennu, i yennu nuum ni.