¹ Gotl sennii nan mɔsaku nba ki si dia e na, yuo nba kul ki kua, k be tinŋ nba ka Kangbenuk i baa nba yennu tuli a yi kua lenŋ. ² Ii bit bit sinba kul, k buolu nba saa belb ne mani b yennu ne, jua nba fɔk buol kunkona paak, tiinii nyua ka ni. ³ Ii fikt fikt b malunŋ binbinta, i yel b jiantu tanchaaka i juo b tingbana muu, i biil b ciceli nba k b kpel k l tie b Yennu na i yan b sana buol niŋ. ⁴ Ii daa jiantl Kangbenuk i Yennu nan biaŋinba k niib na jiantl b yennii na. ⁵ Yime sa kpan u binbebuol ki saa l k tie Kangbenuk i yennu ka saa kpan i buolu kul nba be i yent kul ninŋ k kuan u. ⁶ Lenŋe k i sii bat nan i maluunŋ, i sali, nan i bonapiik ni yenn, nan i bonkpiaka, nan i piinii nba tie pebik yialin, nan i yanbua piinii, nan i bonkobgbenŋa, nan i bonkobit sinsinn maal. ⁷ Lenŋe ki sii dii kangbemuk i yennu tuan, k yinm nan i ŋei yab, si bitl nan palpienn linba kul ki tun paa k Kangbenuk i yennu n yet yetŋanm i paak. ⁸ I ji daa tie nan yaa tuun na bianba, k sua kul tuun wa luon binŋinba. ⁹ Kiman i daa k fit k baal sinninba tie i fon buol, faalin nba buol k kangbenuk i Yennu, tuuli. ¹⁰ ŋann i sa puot juldin, i sa kua tinŋ nba k Kangbenuk, sa te i sonm k kua lenŋ; u sa tuuli foon, nba nyini dataii nba kaan k linti ne nuni k guuni ki be binbe ŋannŋni. ¹¹ Nne Kangbenuk i yennu sa gann boyen buol ki si jiantilo ki tan u sann, lenŋe ki si baatu buol nan linba kul k n wanni ne, i maluunŋ, i sali nan i bona piik ni yenu ,nan i bonkpiaka, nan i piinii nba ki senn k si tien kangbenuk k u tien ya lon linba. ¹² K lenŋe ki sii mɔk palpien i Kangbenuk i Yennu tuann, yim nan i bonpobi nan i tuon tun ja ii nan tuontun-poii nan liifaitieb nba kua i tanmoii na kman B k mɔk bɔktin yal k k mɔk btiɔnŋ faal. ¹³ I guu i mɔni k daa mann malunŋ sianinb kul kila. ¹⁴ ŋaan i si mann i malunŋ boyenn kua buol nba k kangbenuk gann i buolu ni yenn k lenŋ ki si tie linba kul k n wanni na. ¹⁵ ŋaan li tu ki tan mɔk niɔnŋ, i saa fi kpi bonkobit k ŋman nant siaminba kul ki be na, piism nba k Kangbenuk i yennu tuuli e ne, wunba k tie kasii nan wunba tie kasii saa fit ŋman nan ba ŋman tan nan pialua bianŋnba ne. ¹⁶ ŋaan i da ŋman sɔn: i tuu muan sɔn ne tinŋ ni nan ba tu muan nyun n ¹⁷ Ii kan fit ŋman i tanmoi ni la tie i dii, ŋaan nika kpan, ŋaan nika sinsinn bonkobgbenŋa nan bɔnkobit piit matii pab n nabiliok ŋaan nika piinii nba ki senn mɔsonn ŋaan nika piinii ŋaan nika i bonkukuot cincinna piinii. ¹⁸ ŋaan Kangbenuk, i yennu buol e ki saa ŋman sianinba k Kangbenu, i yennu gann, fin nan a bijabik nan a bipuobik nan nan tuontunjak nan a tuontun-pok nan levit tieb nba kul be i duo ni, k Kangbenuk i yennu tuann e ka sa juab fa mɔk linba di nan palpienn. ¹⁹ Nan yaa saa wei tinŋ manŋ ninŋ bianŋinba, i yabil man k daa tammt livit tieb ne po. ²⁰ Yo nba k Kangbenuk, a yennu, yaalk a kaa nan waa senn mɔsonn bianŋinba na, k nanŋman nienŋ tan mɔka ni fan yet a n bolon min ŋman nant a sa fit k ŋman nan ya lon biaŋinba ne. ²¹ Li tie k sianin nba k Kangbenuk i yennu k i jiantl u sann ne i fɔkt nani. ŋann i saa fit kpii bonkobgbenŋa ŋanni bonkob bit ŋman nan yaa luon biaŋinba na i saa fit k ŋman i ŋei ninŋ nan ya lon biaŋinba. ²² I saa fit ŋman nan ba ŋman tankpal nŋ nan pialua biaŋinba ne kul, wunba k tie kasii nan wunba tie kasii kul yeno safit ŋman k lua n ŋman. ²³ ŋann i da ŋman sɔn, kmaan sɔn tie manfool e, i daa kpab nan sɔn k ŋman. ²⁴ I daa ŋman man, i tu kpaal mɔɔn tinŋ ninŋ nan nyun ne. ²⁵ I da ŋman man, n ne i si mɔk palpienn, yin m nan i waat, li tie ki ka i yaabona mun si tie n ne Kangbenuk ninbina ni. ²⁶ ŋann bona nba ka bolon k bi mann maluŋ nan piinii nan mɔsona nba ki senn k tul nan nanlibiɔk k saa nane sinba k Kagbenuk bo gann k wanine. ²⁷ I si mann malunŋ, nan nant nan sɔn, Kangbenuk i yennu binbintl paak, ŋaan ŋman nant. ²⁸ Sakin k gbint linba kul k n wanni ne i sa be palpienn ninŋ yinm nan i waat li tie ki ka , b si be fanu yuo n tu yuo. ki tuun linba ŋan kangbenuk: i yennu ninbina ni. ²⁹ K yuo nba k Kangbenuk i yennu sa biil dingbana nba k i saa belieb i tuann na i belieb yin kua k yent b tinii. ³⁰ I mi man ki nsa tokib k ba b balk ninŋ, k sua k b dak yanm a nun ni, a guul a manŋ k da boi bi yennu na l buolu nba jiantil b yennu biaŋinba ki tan saa mann k yet a siitun n ne. ³¹ I daa jiantl Kangbenu i yennu nan ba jiantl b yennu biaŋinba k tuun linba k ŋan, k biil kangbenu b fit k jokt b bonjaï nan b bonpoï muu b yennu sann paak. ³² I da diak bia tie sial linba kul kin wanni na, i daa puki sial paak, i bia daa nyint sial l ninŋ.