¹ N la yennu sie kpia maluŋ binbintir na ki yet a, fann jiantu ŋasaakuk na jaan tariina yura paak nan paŋa k lin te ŋaak na kur n jek. A bitir ki lin boa niib nax paak, k niib nba biar na, n saa kpib bobii niŋ, kib sua kan chiar paak, koo ki boti. ² Ki bii lekii gbiir bue tuk ki sik kpietiŋ ŋaan n saa soriba, ŋanika bii le kii duo san-pagboŋ niŋ ŋan n saa n saa duo sikiniba. ³ Lii tie k b bonn kamel juar paak, ŋan n saa kpan bi bvol k sariba, lii tie kib bonin, ki si mok gbeŋin tinŋ po n saa te ki nyun ni waagbeŋire n jumm. ⁴ Ki lii tie k b datai sarib ki yaat nammi n sa te ki bin kpib, n lor mon biiribe n ki yaa n sommib kaa. ⁵ Yamdaanua yabint yennu tuu tingboŋ noe k lin jekir, k binba kur be leŋ na mua ki fabin, ki durinya na kur saa do ki tan ŋmat sik nan Ejipt mɔkir na. ⁶ Yennu maa u ŋaak yem (ɔŋ niŋ, ki senn li fiakir tingboniŋ na paak. U tuu yiin nyume k lin nyi mɔgbeŋa ni ki kuan tingboŋ na paak u sanne yennu. ⁷ Yennu yet a Israel tieb, n luon suelann tieb nan maa luoni biaŋinba nae, n jii filistia tieb k nyi namm kret tinŋ niŋ, ki bia jii siria tieb ki nyii namm kir tinŋ niŋ, nan ma jii-i k nyioi nani Ejipt biaŋinba na. ⁸ Min yabint yennu gorii Israel nigboŋ nba tieb tuonbit damm noe, k saa buotib tingbonŋ na paak, ŋaan n kan buot bi maaru kuri. ⁹ N, saa yet mobe, k lin yebir Israel tieb nan baa tuu yekir jiet yekitik niŋ bianŋinba na, n saa yekiribe digbana kur niŋ, ki nyinn binba kur ki mɔk nyuat na. ¹⁰ Yanbuondamm nba kur ben n niib ni na b saa kpib bobii niŋ, binba yaa yennu kan te bonbiir n baarit na. ¹¹ Yennu ŋamm yeta, daar baate ki n tan saa ŋamm fiin David naan gbonŋ nba tie nan ŋaak nbo baa ki tie nam taa din tuu tie sianyoo binŋinba na. ¹² Ki te Israel tieb kon ki nyann Edom tinŋ nba biar na, nan digbanbia nba kur din te yar na. Min yennu nba saa te linba na kur n tun nae pak na. ¹³ Yennu, ŋam yet a: yuo baate, k b tu tan sii jaan je yent k gbent na k jee liet kpaan jaamuwa k daan tiini saa lɔn bonciann k damani sii nyi juat nan kun kɔna paak k puub. ¹⁴ N saa jiin niib k jen nanm b tinŋ ninŋ, k b saa fiin b langbente ki kua lenŋ, k saa bul daan tilɔnti ki nyu l daan, ki ko k paant ki di jiet nba k b bul na. ¹⁵ N saa kaan n niib tinŋ nba k n tulb na ninŋe k sua ji kan ban fiinmi i yuomdaanua yennue paak na.