¹ Yenlintu k jiin tiluana nba be kpancubukni po kin la yelintu biak i nyii yabint yennu buol yelintu manŋ ni, kin la tiluana be kpancubuk ni. ² K yennu boi a "Amos, a la bia?" k n jiinna: "n la tiluanae be kpancubuk ni." k yennu betin a, "n niib Islael tieb yuo gbenna n ji kan lebt n dudukit nan man dat b tuba. ³ Daal manŋ ni, yanii nba k b tuu yiin naan ŋaak ni na, i saa kpant kpemɔnii, k ni kpie na sii dua sial kul po, k b saa lub ŋminŋminn. ⁴ Gbiintl momaan nba na, yinm nba tabit talas dann, k bia biit tinŋ na nan danm na. ⁵ K piak i mɔnŋ a, "kasii daa na saa gal nlee yue k tin fit kɔi t jieti? fuon daal saa gbenn gbenn nlee yuoe k tin fit pii kii kɔi? L yuo e k t saa kɔi daapaaluk, kii bik kulwa junt, kii ŋmab daala. ⁶ K t saa fit kɔi punouta daapaaluk, k saa luon nandaanua k fit pa pann, k ponŋ kan fit pa taasaat paak gba, k daa-u k tiennua daabl. ⁷ Islael tieb yomdaanua yennu pol a, "n kan ban tan tanm b tuonbiit po. ⁸ K i saa te tinŋ n danm, k wunba kul be tinŋ na paak saa di falaa, k tinŋ na kul saa jekl, kl saa di falaa, k tinŋ na kul saa jekl, kl saa pukl do k tan maak, nan Ejipt mɔkl nba tuu publ k maakit bianŋinba na. ⁹ Min yabint yennu-e yet a: yuo baate kin tan saa te yonnu n kpil baa yonsuuk ni, k bia te lin bonn yonsupieoŋ ni. ¹⁰ N saa te k i jaamm na malunŋ n kpant kuun malunŋ. n saa lebt, palpienn yanii k tien pal biil wuyikinii, n saa te k yin kuol i yut ŋaan liea bɔtuot liant k i sii tie nan bitdaanua nba tuu mɔ k fabin, u bi yenmil kuun paak bianŋinba na, yuo manŋ tan sii tone nan juontu. ¹¹ Yuo baate k n tan saa te kon n baa tinŋ na paak, k kon sii mɔk niib, ŋaan l kii tie jiet kon kaa. K nyun nyunluk sii mɔk niib, ŋaan i kii tie nyun paak kaa yennu mɔmaan kon nan nyunnyuklu tan sii mɔk niib min ya bint yennu-e yet na. ¹² Nii saa yilib k nyi mɔk-kpié nn po, k saan sinsuuk ni mɔkgbenŋl na, k bia nyi nii ganŋ po k saan yondo po, k saa lin luon yennu mɔmaan na sial kul po, ŋaan kan lal. ¹³ K daal manŋ ni, l naa sinpaala nan sapaan fanii gba, nyunnyiklu saa te k bin fib. ¹⁴ K niib nba puol Samali tingbana, ko binba puol dann tingbana, ko binba puol Balseba tingbana na, saabaa tinŋ ni k ji kan ban fiil."