¹ Wlanwéma xé ɖo hla n agun Jesu tɔn xé ɖo Efɛzi ɖé: "wuɖ'yé xo xé wɛ amɛ xé hen sunvi canwé lɛ ɖo alɔ huntɔn adusixwé mɛ ɖé ɖ'yé. Amɛ xé ɖo alɔ huntɔn aɖusixwé mɛ ɖé ɖ'yé. Amɛ xé ɖo zɔn linzin gbɔ atɛntɛnmɛ na kanlingbɛn hɛnnu cánwé sika tɔn lɛ ɖɔxoxé: ² "Unnyɔn nuxé na éblo ɖé nyi, azɔn sinyɛsinyɛn twé kpo vivɛdonu twé ɖo suúlú ɖiɖo mɛ un nyɔwɛnnyi ɖɔ aka nɔn ɖo ɖanu watɔ lɛjiá. Unnyɔwɛnnyi ɖɔadó amɛxé lɛ wɛ nɔn ɖo yéwuɖéké jla ɖɔ mi nyi amɛzɔzɔn ǰezu tɔnlɛ ɖé kpɔn vɔ lɔ yé ka nyi Jezu tɔn lɛ áɖé, bɔ anyɔn yé nyi ɖɔ alɛlo ɖotɔlɛ wɛ yé nyi. ³ Un mɔn nujɛwu ɖɔ aɖɔ suúlu táhun bosé awuvɛ ɖo unkɔ ce wutu bɔ aka gbɔjɔ á. ⁴ Amɔn, nutwé xé wɛ ma nyɔn ɖo nukun ce mɛ á ɖéɖ'yé: wannyi nyi twe nukɔntɔn lɔ wɛ á jodó ⁵ Hun, donukun afixé na á já yi té ɖé ji. Bo vɔ hwiɖékèjɔ bo lɛ jɛ nu waji ɖi aléxé na anɔn blogbɔn ɖo bibɛmɛ sán ɖé ɖɔhun. Amɔn nɛ ama lɛ vɔjɔ álɔ wu wɛ na zɔn bɔ un na wa bo na ɖé kanlin-gbɛnhɛnnu twé sin atɛn untɔn mɛ ⁶ Éɖomɔn co, unnyɔn adin dagbé xé nyiu na yé: ɖo àgbɛ-wan-na nikolayiti lɛ ɖi álé xé na nyɛn cán hun-gbɛ-wan-na yégbɔn ɖé pɛ ɖo nuwiwa yétɔn lɛ wu. ⁷ Na amɛ xé ɖo tò sénu lɛ ɖé nɛ sénuxé na gbigbɔ lɔ ɖo ɖɔ na agun Mawu tɔn lɛ ɖé. Na amɛ xé wɛ na núji ɖé, un na nɛn acɛ bɔ èna ɖu sinsɛ́n agbɛ sin atin lɔ tɔn xé wɛ ɖo ajikpa Mawutɔn mɛ ɖé bo na ɖú." ⁸ Wlan wéma do hlan agun siminutɔn sin wɛnsagun boɖɔ nɛ ɖɔ: "kpɔn bo sé nu xé na amɛ xé nyi nukkɔntɔn kpo gidotɔn kpo ɖɔ ɖe amɛ xé kú bó fɔn wa agbɛ ɖé. ⁹ Un nyɔn awuvɛsisé twelɛ nyi kpo awaɖuɖu twe ca (vɔ lɔ ányi dɔkɔnnɔn); Un nyɔn xo ɖɔ doamɛ wu xé lɛ wɛ amɛ xé lɛ wɛ nɔn ɖo ɖɔ́ dɔ́ mi lɛ wɛ nyi Jwifu (vɔlɔ yé ka nyi mɔn á ɖé, amɔn kplé kléxɔ tɛn wɛ yé nyi na lɛgba.) ¹⁰ Nɔn kpɔn na ana ɖibu ɖo awuvɛ xéɖo tékpɔnwé ɖébo. Wuɖ'yé, lɛgba ɖoté bonasɔ amɛɖé èlɛ sɔ yi wlan gánkpamɛ yéna tɛn mokpɔn bɔ mina sé awuvɛ kaka na azàn wo. Mi nɔn gbéji kaka yi kúmɛ na ma nami agbɛ sin tablanu. ¹¹ Na amɛ xéɖo tó sénu ɖé nɛ sé xoxé na gbigbɔ lɔ ɖo ɖɔ na agun Mawutɔn lɛ ɖé. Amɛ xé wɛ na ɖuji ɖé ka na wa sé awuvɛ ó ku awégɔ ɔ lɔ tɔn á." ¹² Wlan wéma ɖo hlan pɛluganu sin wɛnsagun: "wuɖ'yé xo xé na amɛ xé wɛ hɛn adinkpé xé ɖo nú awé ɖóɖɔ̀ ɖé: ¹³ " hunnyɔn afi xé wɛ à ɖo agbɛ boɖogbɔ té ɖé nyi, flɛn nɛ wɛ axɔsukpo lɛgba tɔn té. Amɔn ahɛn nyikɔ ce wu gban hun gan hun, bɔ aka gbɛnusin yisé twe xé ɖo nyɛn mɛ ɖéwu á, do kunnun ɖé na un tɔ ce Antipasi sin azan lɛ gbé. Cán lɔ, amɛ gbéji nɔn na untɔ ce xé na yé sɔ hú ɖo atɛntɛn mɛ nami ɖé, ɖo afi xé wɛ lɛgbatéɖé. ¹⁴ Éɖo mɔn co, un ɖo xo ɖébo na ɖɔ nawé bo vɛ awuwé: ɖó àɖo amɛ ɖé èlɛ ɖo mìi tɛn tɛn xé lɛ ɖinu tahun na nukplɔn amɛ sin balaam wulɛ tɔn, amɛ xé lɛ wɛ nɔn kplɔ nu Balaki ɖɔ nɛ nyi kpɛn afɔklɛn tɔn sɔn ɖo nukɔnu na izlayɛli-vi lɛ, na ɖúnu ɖuɖu xé wɛ lɛ yé sɔ avɔ nyi na vodu lɛ ɖé tɔn bo na zɔn bɔ yé na sɔ yé wu ɖékéna agalilɛ. ¹⁵ Ɖo mɔn kélɔ, ɖo mi tɛntɛn lɔ mɔn wɛ amɛ lɛ tin bo tɛ do nukplɔn Nikolayitu nu lɛ tɔn wu vɛna vɛna ɖé. ¹⁶ Hun lɛvɔ-hwiɖéké jɔ! na manyi mɔn à lɔ un nawa ɖo madinmɛ bɔ un na tɔnahwan yé xɛ adinkpé xé nɔn tɔnsin o nuce mɛ dé. ¹⁷ Na amɛ xé ɖó ɖɔ̀ agun mawu tɔn lɛ ɖé. Amɛ xé na ɖúji ɖé, un na nɛn Manna hwlahwla lɔ sin manman kpawé ɖé bo na lɛ nɛn à kpɛn wé pépé xé jiwɛ yé wlan nyikɔ yɔyɔ ɖé ɖo xé na amɛ xé wɛ yi kpɛn nɛ lɔ ɖé jànwɛ na nyɔn unkɔ lɔ nyi." ¹⁸ Wlan wéma ɖo hlan Tyatilusin wɛnsagun lɔ: "xo ɖiɖɔ sunnun-vimawu tɔn lɛ ɖ'yé, amɛ xé wɛ ɖo nukun ɖi myɔn ɖɛ ɖɔhun, bo ɖo afɔ ɖi gănvɛ xé awutu ɖiɖina ɖé ɖɔhun: ¹⁹ "Un nyɔn azɔn wi wa twé lɛ nyi, yisé twe, sinsɛn zɔn wiwa kpo vivɛdonu twé kpo. Un nyɔn nyi ɖɔ azɔn wiwatwe dintɔn lɛ sú hugăn azɔn wi wa twe nukɔn nukɔn tɔn lɛ. ²⁰ Éɖomɔn co, unɖo nuɖé na ɖɔ xó dó na wè: À nɔn sɔnu sɔkɛ nyɔnun Jézabɛli amɛ amɛ xé na wulɔsu nɔ ɖɔ ɖɔ unnyi nuɖɔɖayitɔ. Sɔ gban wulɔsu sin nukplɔn mɛ. Énɔn blɛ azɔn wana un tɔ ce lɛ bɔ nɔndɔn yé byɔ agalilɛ mɛ bɔ yé nɔn ɖú nuɖuɖu xé na yé sɔ savɔ na vodu lɛ dé. ²¹ Unjo hwénu dó nɛ na énalɛvɔ adéké ɔjɔ loɔ ka jlo ɖagbé ɖé ɖo bo na lɛkɔ-jɔ sin ágalilɛ untɔn mɛ ă. ²² Wuɖ'yé, un na sɔwɛ yihlan azɔnzan ɖokpo ji bɔ amɛ xé lɛ na lɛ aga xɛ lɛ ɖé lɔ, un na sɔ yédó awuvɛsisé găngăn ɖé é lɛ mɛ, na ékalɛ vɔjɔ sin nu gblégblé xé na éwa ɖé mɛ lɔ hun. ²³ Un na sú okú ba sɔxó vi lɛ bi nyi, lobɔ agun lɛ bi na mɔn nujɛwu ɖɔ nyɛn wɛ nɔn mɔn nu yi linlɛn lɛ mɛ kaka yi jimɛ lɛ kpo. Bɔ unna sɔ azɔn xé amɛ kaka yi jimɛ lɛ kpo. Bɔ unna sɔ azɔn xé amɛ ɖokpo dokpo wa ɖé sinajɔnɛn. ²⁴ Amɔn nami amɛxé lɛ wɛ kpoɖo TyaTilu ɖé, nami amɛxé lɛ wɛ ma tɛdo nukplɔn kplɔn untɔn lɛ wu à ɖé, bɔ yé ma nyɔn nu titótitó Satanan tɔn ɖé nyi bonɔn ylɔ lɛ ă ɖé, miwu lɛ wɛ un ɖo ɖɔ na: "Un ka na sɔ agban kpipkɛn ɖé ɖo miji ă;" ²⁵ Ɖo nulɛ bimɛ lɔ, mi bo ɖo té ganji ka kasɔjɛ găxémɛ wɛ un na wa dó ɖé. ²⁶ Na amɛ xé na núji ɖé, bo nɔn blo nu xé na unnɔn blo ɖé kaka yijɛ vivɔnu ɖé, un na nɛn acɛ kpikpa ɖo akɔtalɛ biji, ²⁷ bɔ éna nugăn dó yéji kpo kpotin găn tɔn yé nyi sɛn ɖó ayi tɔn ɖokpo kpo ɖé; éna gbidi yé bona jă yé yli yli yli kɔ zɛ́n ɖɔhun. ²⁸ Ɖi álé yéna un nyi sin àtɔwé ɖéɖé, un na nɛn sùnvi zănflu tɛntɔn. ²⁹ Na amɛ xé si tó sé nu té lɛ ɖé nɛ sénu xé wɛ gbigbɔn lɔ ɖɔ hlan agun Mawuntɔn lɛ ɖé."