¹ Nù xe ɖo hwlatɛ́n bɔ jezu klisu sɔ̀ do xlɛ́ cekeceke lɛ́ ɖe we má xe mɛ.ɛ Mawu dó nù nɛ́ lɛ́ xlɛ̀ ɛ ná e nà dó nù xé na wa jɛ ɖo madɛn madɛn lɛ ɖé xlɛ̀ amɛsɛ́ntɔ́ untɔ̀n lɛ́. jezu klisu zɔ̀n amɛzinzɔ̀n untɔ̀n ɖohlán amɛsɛntɔ̀ untɔ̀n jan bó sɔ̀ nù lɛ̀ do xlɛ ɛ. ² Jan ɖekunnu ná nù xe é mɔ lɛ̀ bi Àwɛn ce Mawu dó ɖé kpó núgbò xé jezu klisu dó xlɛ́ ɖé kpó sin xó wɛ e ɖɔ ɖo fi. ³ Nù nyɔ̀ nà amɛ xé ɖo wemá xe xya ɖé bò nyɔ̀ nà amɛ xé ɖo tò ɖó awɛn xélɛ xe Mawu dó gbɔn gbe yiɖɔ untɔ̀n lɛ́ ji bó nɔ bló déji lɛ́ ɖé. dó gaxemɛ Mawu ɖo bɔ nù nɛ́lɛ́ bi na jɛ̀ ɖe kó ɖó yá. ⁴ Nyɛ jan wɛ ɖó wemá xe ɖóhlán agún klisu tɔ̀n cánwe xe ɖo tokpɔ́n azi tɔ̀n mɛ lɛ̀ ɖe Mawu xe tiin din bó ká kó tiin sán bó ná wa nɔ anyi nɛ na fɛnu kpòfifá kpó mi gbigbɔ canwe xe ɖo axɔsúzinkpo untɔ̀n unkɔ lɛ nɛ ná mi fɛ́nú kpó fifá kpó. ⁵ Jezu klisu xe nyi kununɖetɔ́ gbejinɔtɔ̀ bó nyi amɛ hwɛtɛtɛtɔ̀n xe Mawu fɔ̀n sin kú ɖé bó hú gán axɔ̀sú xe ɖo anyigbaji lɛ́ ɖe nɛ ná fɛ́ nú kpó fifá kpó mi jezu klisu yi wan ná mi e hwlɛn mi sin ahwɛ́ mi sin fɛ́nú kpó fifá kpó mi. jezu klisu yi wan ná mi e hwlɛn mi sin ahwɛ́ xe mi hú lɛ́ ɖe mɛ gbɔn ahún untɔ̀n gbla mɛ. ⁶ Bó sɔ̀ mi sɔ wa azɔn ná tɔ́ɔ lɔ́ Mawu súsú́́ kpó hɔnhlɔ̀n kpó nɛ nyi untɔ̀n kákà sɔ̀yi mavɔ mavɔ nɛ́cɛ́. ⁷ Mi kpɔ̀n e jya ɖo azizɔ mɛ Amɛ bi ná mɔ ɛ Amɛ xe tɔ́ hwanɛ lɛ́ ɖe cán ná mɔ ɛ Akɔta xe ɖo anyigbaji lɛ bi ná ná alɛ ɖo wɔ wútú. Nù gbó wɛ é ná́ nyi mɔ̀ nɛcɛ. ⁸ Axwetɔ̀ Mawu nùbiwùkpétɔ̀ xe tiin din bò ká kó tiin sán bó ná wà ɖé ɖɔ un nyi alufa bó nyi omɛga un nyi bibɛ́ bò nyi vivɔ̀. ⁹ Nyɛ jan mi nɔvi wɛ un nyi ɖo kpɔ̀ xe mi te xɛ jezu dé mɛ lɔ un ɖo ya ji xɛ mi bó ɖo axɔ́súɖúɖú lɔ̀ mɛ xɛ mi un ɖo tɔtɛntɛn nyigba xe e nɔ ylɔ̀ ɖɔ patimɔsi dé ji ɖó un jlá Mawuxo lɔ̀ bó ɖekunmi ná jezu wútú. ¹⁰ Aklunɔzangbe lɔ̀ gbigbɔ mi mɛ ɖé wa ji e bɔ un nɔ se gbé syɛn syɛn ɖé ɖo gidó ce bɔ gbé lɔ̀ nɔ̀ ɖɔ nu kpɛ́n ɖáxó ɖé ɖɔwun. ¹¹ Bó nɔ ɖɔ wlan nu xe a ɖó mɔ lɛ́ ɖé ɖó wema mɛ bó sɔ̀ ɖóhlán agún klisu tɔn cánwe xe lɛ́ Agún filadɛlufitɔn kpó lawodisée tɔ̀n kpó. ¹² Un lilɛ́ bó ná kpɔ̀n amɛ ɛ xe ɖo xó ɖɔ̀ ná un ɖe ɔ un mɔ sikakanlingbɛn hɛn nu canwe. ¹³ Nu ɖi agbɛtɔ́ ɖɔwun ɖé ɖo atɛntɛn mɛ na yé é do awu gblɛ́lɛ́ gaa ɖé bɔ awu lɔ̀ ɖi aga káká wa afɔ̀ untɔ̀n lɛ́ tá e sɔ akɔntablánú xe é sɔ̀ siká sɔ bló ɖé sin dó akɔ̀ntá . ¹⁴ Tá untɔ̀n kpó ɖaɖ untɔ̀n lɛ́ kpó wé sé kańfún aló akplobawée ɖɔwun unkun untɔ̀n lɛ́ ɖó hún ɖi myɔ̀ ɖɛ́ ɖɔwun. ¹⁵ Afɔ̀ untɔ̀n lɛ nɔ kɔn ɖi gán vɛɛ xe e lolo ɖo myɔ̀ mɛ bó ɖi ɖi awu nɛ ɖe wun gbé untɔn nɔ ɖɔ nù ɖi asin ɖaxó ɖé ɖo kɔ̀n nyi anyi wɛ ɖɔwun. ¹⁶ É hɛ́n súnvi canwe ɖo alɔ untɔ̀n aɖisi lɔ̀ mɛ bɔ hwi ɖi ɖá nù awe nɔ̀ ɖé nɔ̀ tɔ̀n sin nù untɔ̀n mɛ unkún untɔ̀n mɛ nɔ ɖitɔ̀ alé xé hwe vɔ̀ kɔn gbɔn ɛ ɖo nyidɔ̀n mɛ ciɖiɖi ɖé ɖɔwun. ¹⁷ Xe un mɔ ɛ alé ɖé ɔ un janyi jɛ asá mɛ́ mɛ bó ci amɛkúkú ɖɔwun. e sɔ alɔ untɔn aɖisi lɔ̀ ɖó jie, bó ɖɔ nɔ̀kpɔn a ɖi bú bo. Nyɛ wɛ nyi amɛ xe jɛ̀ unkɔn ɖé bó nyi amɛ xe gbɔn gidó ɖé. ¹⁸ Bɔ nyɛ wɛ nyi amɛ agbɛté lɔ̀ un kó kú sán vɔ dinɔ un ɖo agbɛ tɛgbɛɛ kú kpó kùtomɛ hɔnwungan kpó ɖo asie. ¹⁹ Bo wlán nú́ xe a mɔ lɛ́ ɖé lo: xé ɖó jɛ́ din lɛ́ ɖe kpò xe ná wá jɛ́ ɖo nɛ́lɛ gidó mɛ ɖé kpó. ²⁰ Súnvi canwe xe a ɖo mɔ̀ ɖo alɔ̀ aɖisi ce mɛ ɖé kpó kanlingbɛ́n hɛ́nnú siká tɔ̀n canwe lɛ́ kpó lɔ̀ nubudó xe e ɖo doxlɛ́ ye ɖe ɖyé súnvi canwe lɛ́ lɔ̀ agún klisu tɔ̀n canwe lɛ́́ sin awɛnsagún lɛ wɛ bɔ kanlingbɛ́nhɛ́nnú canwe lɛ́ nyi agún klisu tɔ̀n canwe lɛ́.