¹ Wɛnsagun angɛli dokpo xé do angɛli canwé lɛ xé sin alɔmɛ wé kɔfu canwé lɛ té ɔ sɛ kpɔ un bo ɖɔ wa un na xlɛ wé kojo dido agalɛtɔ ɖaxo lɔ xé flɛn anyi do asyn otɔ sisa susu ji. ² Bɔ axɔsu anyigba ji tɔn lɛ aga xɛ bɔ agbɛtɔ xé do agnigba ji lɛ bi séséé nu ahan agalilɛ untɔn tɔn kakaa bo nu. ³ Angɛli lɔ kplan un do gbigbɔ mɛ sɔ yi biblɛ mɛ bɔ un mɔ nyɔnu dé bɔ é flɛn anyi do kanlin vɛ cɛcɛ dé ji bɔ nu ylan ylan ɖiɖɔ do mawu wu kpé awutu na kanlin lɔ kanlin lɔ otaa canwé kpodo ozo wo kpo do taa. ⁴ Nyɔnu lɔ dp cigan vɔ vɛ cɛcɛ kpodo koklo jo tɔn dé kpo bɔ akin xé xɔ akwɛ lɛ dé kpo o jɛ hwɛ vivɛ lɛ tɔn téwu alɔ un tɔn nɛ ɔ sika kɔfu xé mɛ gɔ kpo sudumu lɛ kpo aga lilɛ untɔn lɛ kpo. ⁵ Do ungonu é tɔn ɔ yé wlan anyikɔ dé bɔ twɛn mɛ untɔn nyi babylɔnu daxo lɔ o nɔ agalɛtɔ lɛ tɔn kpodo onu xé yé gbɛ wan na do anyigba ji lɛ dé tɔn . ⁶ Un mɔ bɔ nyɔnu lɔ mu kpodo ahun nuditɔ lɛ tɔn kpo ahun amɛ xé yé hu ganu ganu do jézu mɛ lɛ dé tɔn kpo xé un mɔɛn ɔ é kpaca un susu. ⁷ Amɔ wɛnsagun mawu tɔn lɔ ɖɔ na un ɖɔ nɔ wutu wɛ a caka do xi de ké mɛ sɔ mɔ un na wa na wé twɛn mɛ nyɔnu lɔ tɔn kpodo kanlin xé ji é té dé tɔn kpo kanlin xé do taa canwé kpo azo wo dé. ⁸ Kanlin xé a mɔ ɔ é ko tiɛn wanyi é ma lɛ do anyi égbé gɛ amɔ é do aliy bo na lɛ wa gbɛ sin do gigɔn lɔ mɛ nɛ ɔ gido ɔ é na yi vasudo mɛ agbɛtɔ xé do anyigba ji amɛ xé sin anyikɔ yé ma wlan do agbɛ wéma lɔ mɛ a dé zin bibɛnu agbɛ lɔ biblo tɔn an é na kpaca yé nɛ yé mɔ kanlin xé tiɛn danyi bo na lɛ tiɛn din an amɔ bo ka lɛ do ali ji bo jia. ⁹ Nu xé ɔ lɔ biɔ ɖɔ yé do na do linlin xé nɛ nu ywɛn kpé dé o taa canwé lɛ ɔ nyi oso canwé xé ji nyɔnu lɔ flɛn dé. ¹⁰ Mɔnké axɔsu canwé lɛ tiɛn atɔɔn ko janyi dokpo tiɛn din bɔ dokpo xé kpo ɔ ma ko wa gɛ nɛ é wa wa ɔ é ma na na nyi susu gɛ . ¹¹ Kanlin xé nɔ anyi wayi bɔ é ma lɛ do anyi din an wu lɔsu ɔ nyi axɔsu canwé lɛ mɛ bo ka ko do vasudo mɛ yi ɔ. ¹² Azo xé a mɔ lɛ ɔ nyi axɔsu wo xé ma ko yi xɔ tɔ a amɔ yé na yi acɛ kpikpa do ganxixo dokpo ɔ mɛ xɛ kanlin lɔ. ¹³ Yé do linlin dokpo ɔ lɛ bɔ yé sɔ xuhlɔn yé tɔn lɛ na kanlin lɔ . ¹⁴ Yé na fun ahwan xɛ lɛngbɔvi lɔ amɔ lɛngbɔvi na du do yé ji do wu wɛ nyi aklumɔ aklumɔ lɛ tɔn be lɛ nyi axɔsu axɔsu lɛ tɔn bɔ kpowu ɔ kpo ɔ yé nyi amɛ yiylɔ amɛ xé yé can danyi lɛ dé gbé ji nɔ tɔ lɛ. ¹⁵ Wɛnsagun lɔ ɖɔ na un ɖɔ otɔ xé amɔn lɛ ɔ xé zin cincin mɛ nyɔnu agalɛtɔ lɔ flɛn azinkpo jité yé nyi agbɛtɔ oto vɔvɔ mɛ tɔn lɛ kpodo ogbé vɔvɔ mɛ tɔn lɛ kpo. ¹⁶ Azo wo xé a mɔ lɛ ɔ yé é kpo kamlin lɔ kpo na gbɛ wan na agalɛtɔ lɔ yé na yi nu xé é do lɛ bi bo na dé é jɛ mɛn yé na ɖu lan untɔn bo na fiyɔɛ bi sésé kpo ozo kpo . ¹⁷ Do mawu yi yé zan bo sɔ jlo untɔn do ayixa mɛ na yé bɔ éna nyi biblo kpodo yé na yi gbé bo sɔ hlɔnhlɔn yé tɔn lɛ na kanlin ɔ kakaa na oxo mawu tɔn na nyi cicɛ. ¹⁸ Nyɔnu xé amɔn ɔ wɛ nyi toxo daxo xé kpa acɛ na axɔsu anyigba ji tɔn lɛ ɛdé o.