¹ Nɛ ɔ gudo ɔ un sé gbe di hilli dé sin sinsɛnxɔ mimɛ lɔ mɛ bo do dɔ na wɛnsagun canwé lɛ ɖɔ mi yi bo huzu xomɛsin mawu tɔn xé do kɔfu canwé lɛ mɛ ɔ kɔnyi anyigba jio. ² Awɛnsagun nukɔntɔn sɛwa bo huzu kɔn kɔfu untɔn lɔ do anyigba ji nɛ ɔ akpa agada badabada nyinyɔ dé lɛ tɔn té amɛ xé wu gésido kanlin ɔ tɔn té lɛ wu yé mɛ xé nɔ sɛn ³ Awɛnsagun awégɔ ɔ huzu kɔn kɔfu sinnugannu untɔn do axu mɛ bɔ axu ɔ huzu bo ci amɛkuku sin ahun dɔhun bɔ nu xé ko nyi nu agbɛgbɛ do axu ɔ mɛ bi ku. ⁴ Wɛnsagun atɔn gɔɔ huzu kɔfu untɔn nyi tɔsisa lɛ mɛ kpodo otɔ sin jɔtɛn lɛ kpo mɛ bɔ yé bi huzu ahun. ⁵ Un sé bɔ wɛnsagun otɔ sisa tɔn ɔ dɔ bo dɔ xi mɛ xé nyi wiwé xi mɛ xé tiin bo ko tiin danyi ɔ hwɛjijɔnɔ wɛ a nyi wɛzɔn bɔ a dɔ ahwɛ ɛdo mɔ. ⁶ Do yé kɔn ahun amɛ mimɛ to wa tɔn lɛ kɔn anyi kpodo dɔdanyi to wé tɔn lɛ kpo é na yé ahun bo dɔ yé nɛ ɛ nu nu xé jɛɛ xɛ yé dé nɛ. ⁷ Un sé bɔ vɔsakpé yi gbé bo ɖɔ ééé mawu aklunɔ nubiwukpetɔ nugbo wɛ hwɛ didɔ to wé ɔ sɔgbé. ⁸ Awɛnsagun énɛ gɔ ɔ huzu kɔfu untɔn kɔndo vlévɔ ji bɔ yé nɛ acɛ ɖɔ nɛ ɛ fiɔ agbɛtɔ lɛ kpo ozo kpoagbɛtɔ lɛ fiɔ kpodo yozo ɖaxo dé kpo. ⁹ Bɔ yé ɖɔ xo nylanylan do mawu nyikɔ xé do acɛ do awuvɛ sisé nɛ lɛ ji ɔ yé lɛvɔ jɔ a mɔnké yé ka kpa gigo nɛ ɛ an. ¹⁰ Awɛnsagun atɔn gɔ huzu kɔfu untɔn kɔndo axɔsu zinkpo kanlin lɔ tɔn ji bɔ axɔsu ɖuɖu untɔn ci zinflu mɛ é ɖu ɖɛ kpodo awuvɛ sisé kpo. ¹¹ Yé ɖɔ nu nylanylan do mawu jixwé tɔn lɔ do awuvɛ sisé yé tɔn wutu kpo agaɖa baɖabaɖa yétɔn lɛ wu bɔ yé lɛ kpo do toli vɛ ɔ bo gbɛ yi lɛ vɔ jɔ ɔ. ¹² Awɛnsagun ayizɛn gɔ huzu kɔfu untɔn kɔn nyi otɔ sisa xé yé nɔ ylɔ dɔ éfrati ɔ mɛ bɔ asiɛn untɔn bi xu nɛ tɔn ɔ é na do ali axɔsu xé jia zɔn hwézɛdo dé. ¹³ Un mɔ gbigbɔ mamɛn mamɛn mawé atɔn déélɛ bɔ yé di bésé ɖɔ hun bo tɔnzɔn omu mɛ na alagun ɔ kpodo kanlin ɔ kpo ɖɔ danyi dɔtɔ alɛɛlo tɔn lɔƴ kpo. ¹⁴ Do gbigbɔ nyla nylan xé nɔ blo nu jawu lɛ tɔn wɛ yé tɔn bo do yi axɔsu xé ko do anyigba ji lɛ bi dé bo na kplé yé na ahwan fufu azan daxo mawu nubiwu kpétɔ lɔ tɔn. ¹⁵ Wu ɖié un na wa di ajotɔ dɔhun jijɔxo nɛ nyi amɛ xé do nuzin dé tɔn amɛ xé nɔ hɛn nu dido untɔn do awu bo na do mɔtɛn bo na tɔn xé yé ma na mɔ amɛn minɔ untɔn kpodo wiɛnyan untɔn kpo a. ¹⁶ E kplé yé bi do kpɔ do atɛn xé yé nɔ ylɔ do éblé mɛ ɖɔ amagéɖɔn ɖé. ¹⁷ Awɛnsagun canwé gɔ huzu kɔfu untɔn kɔn nyi jɔhɔn mɛ bɔ do sinsɛn xɔ lɔ mɛ kpodo axɔsu zimpko ɔ kɔn ɔ gbé daxo dé di bo ɖɔ é nyi blo blo . ¹⁸ Hwé nɛ nu ɔ jikɛwun bɔ jido gbé bɔ anyigba hunhun tawun mɔnkɔ tɔn dé ma ko hunhun sin hwé xé nu yé ko blo agbɛtɔ lɛ dé gɛ ésien susu tahun. ¹⁹ Otoxo daxo lɔ man do atɔn bɔ toxo lɛ bi hɔɔ nɛ ɔ é na toxo nɛ ɔ lɔ kɔfu xé gɔ kpo vɛn ahan xé tɔnzɔn xomɛsin untɔn mɛ dé. ²⁰ Tɔcincin nyigba lɛ bi bu bɔ oso lɛ lɔsu bu. ²¹ Akɛn ji daxo daxo dé lɛ ja kɔn nyi agbɛtɔ lɛ ji bɔ ye do nu mawu do akɛnji lɔ wutu do akɛn lɛ dokpo ɔ é daa kilo komdé mɔ bo ka vɛ tahun kakaa kɛnji siɛn susu