¹ Xé Jézu ɖɔxo nɛ lɛ bi vɔ ɔ,é ɖɔ na nukplɔnvi untɔn lɛ ɖɔ: ² «mi nywɛn ɖɔ Páki xwé lɔɔ azan awé jɛn kpó; bɔ agbétɔ vi lɔ́, yé na sɔɛ sɔ san avɔ nyi» ³ Hwénɛnu ɔ, avɔ san na Mawu tɔ daxo lɛ kpodó tɔmɛ mɛxó lɛ kpo kplé dó kayifu xwégbé. ⁴ Yé ɖɔ bla dɔ mii na wélé Jézu bo na hui. ⁵ Dó ye do dɔ na yé dé ké lɛ dɔ «nɛ ma nyi xwé zan gbé o, nɛ ɔ ma wa hin gu fifɔn wa tɔlɔmɛ o » ⁶ Jezu do Betani hwénɛnu do simɔn guɖunɔ lɔ xwé gbé ⁷ Xé yé dó tavó tɔ ɔ, nyɔnu ɖé wa é ɖé kpodo o zin xé yé sɔ kɔɔ xé yé nɔ ylɔ ɖɔ alubatlu blo na dé wɛ bɔ célu xé vɛ akwɛ dé wɛ témɛ, bɔ é sɔ kɔnɖɔ taa nɛ. ⁸ Amɔ, xé nukplɔnvi untɔn lɛ mɔ do mɔn ɔ, yé sin xomɛ bɔ ɖɔ: «nɔ wɛ zɔn bɔ yé na hin nu gblé mɔ? ⁹ Célu nɛ ɔ, yé hin yé na sɔ sa nyi akwɛ daxo dé bo na sɔ akwɛ man na wa ma mɔ nɔ lɛ (ya nɔ lɛ).» ¹⁰ Vɔ ɔ xé Jezu ko nyɔ yé nyi ɔ, éɖɔ na yé ɖɔ:«nɔ wutu wɛ zɔn bɔ mi do awuvɛ do na nyɔnu lɔ? u dagbé é bló na un. ¹¹ Wa ma mɔ nɔ lɛ na dó mi ɖé tɛgbè è amɔ, nyɔ ɔ lɔ, un ma na dó mi dé tɛgbè è gɛ. ¹² Xé é kɔ célu ɔ dó taa na un ɔ, didi ce zan gbé wɛ é blo na. ¹³ Dó nugbomɛ ɔ, un do ɖɔ na mi ɖɔ,fi dékpékpé do agbɛ lɔmɛ xé yé na jla ahwɛndagbé xé té ɔ, yé na dɔ nu xé nyɔnu xé blo dé bo na sɔ flin na.» ¹⁴ ɖokpó dó wéawé lɛ mɛ, xé yé nɔ ylɔ́ dó Juda Iscariɔt dé, yï vɔsa na Mawu tɔ lɛ ɖé, ¹⁵ Bo ɖɔ:«un nɔ xa wɛ mi na na un bɔ na sɔɛ do alɔ mitɔn mɛ?» Yé jlɛ gankwɛ gban bo sɔ dó alɔ mɛ nɛ. ¹⁶ Siin ganxixo nɛ ɔ lɔ mɛ ɔ, wɛ é jɛ ali ɖinji bo na saa Jezu na yé. ¹⁷ Azan nukɔntɔn xé nyi kpɔnɔ xé mɛ lévin ma té a dé zan ɔ, nukplɔnvi Jezu tɔn lɛ kanbiɛ ɖɔ:«fi nɔ xa wɛ a jró ɖmii na ɖa Paki sin nuɖuɖu lɔ na wé té?» ¹⁸ é dé wu na yé ɖɔ:«mi yi tɔxo lɔ mɛ dó amɛ xé dé, bo ɖɔ nɛ ɖɔ"cica lɔ ɖɔ:«ganxixò cé xwé towé gbé kpodó nukplɔnvi cé lɛ kpo»" » ¹⁹ Nukplɔnvi lɛ bló nu xé Jezu ɖɔ dé, bɔ yé ɖaa Paki sin nuɖuɖu lɔ. ²⁰ Xé gbadanu wa ɔ, é yi tavó to xɛ nukplɔnvi untɔn wéawé lɛ kpó. ²¹ Hwé xé na yé do nu ɖu ɔ, é ɖɔ na yé ɖɔ:«dó nugbomɛ ɔ, un dó ɖɔ na mi ɖɔ, amɛ dokpó mi mɛ bo na sa un.» ²² Lan mɛ kukan na yé é, bɔ dokpó dokpó yé tɔn lɛ jɛ kikan bi ɔ ji ɖɔ:«nyɛ wɛ a, aklunɔ?» ²³ é yi gbé ɖɔ:«amɛ xé sɔ alɔ untɔ dó ka dokpo ɔ mɛ xɛ un ɖé, wu wɛ na wa sa un. ²⁴ Agbɛtɔ vi lɔ na yi ɖi a lé xé ko wlan ɖé wu dó ɖé, amɔ, nuɖó wɛ é na nyi na amɛ xé lɔ kɔ é na yi do ɖé! é na nyɔ na amɛ nɛ ɖɔ yé ka na wó jii a.» ²⁵ Juda, xé ɖó ɖin na saɛ ɔ, ɖɔ nɛ ɖɔ:«nye wɛ a, aklunɔ?» é ɖé wu nɛ ɖɔ: «a ɖɔ ɛ xi ɖé su nɔ» ²⁶ Xé é nyi ɖɔ nu wɛ yé ɖó ɖu ɔ, Jezu sɔ kpɔnɔ bó xoɖɛ ɖéji bo wɛn na yé bo ɖɔ:«mi sɔ bo ɖu.Xé ɔ lɔ wɛ nyi agbaza cé.» ²⁷ é sɔ kɔfó xé mɛ vɛn té ɖé, bo xóɖɛɖéji bo sɔ na yé bo ɖɔ:«mi nu, mi mɛ bi; ²⁸ ɖó xé ɔ lɔ wɛ nyi ahwun cé, xé dó nyi alɛ yɔyɔ lɔ tɔn xé kɔn ɖanyi na amɛ susu ɖé na hwɛ sɔ ké nu wa nyi do lɛ tɔn. ²⁹ Amɔ un dó ɖɔ na mi ɖɔ, un ka na lɛ nu vinyi han xé kaka na hwé xé nu un na lɛ nu ɖévó xɛ mi ɖó atoyé sin axɔsu tɔ mɛ.» ³⁰ Xé yé ji han vɔ dé ɔ, yé yi Olivié si só lɔ ji. ³¹ Nɛ ɔ, Jezu ɖɔ na yé ɖɔ:«mi na jó un ɖó gbadanu xé ɔ; ɖó yé ko wlan ɖɔ:" na xó lɛngbɔ kplantɔ lɔ bɔ lɛngbɔ lɛ bi sésé na gba ɖó." ³² Amɔ, nɛ un fɔn sɔn ku gudó ɔ, na yi nɔté kpɔn mi dó Galilé.» ³³ Vɔ ɔ, Piɛre ɖɔ nɛ ɖɔ:«nɛ mɛ lɛ bi na bo hɔn jó wé do ɔ, nyɔ ɔ ka na jó wé ɖó gbédé a» ³⁴ Jezu ɖɔ nɛ ɖɔ: «dó nugbó mɛ ɔ, un dó ɖɔ na wé ɖɔ, zan xé ɔ lɔ mɛ cɔ, có kokló na kun só ɔ, a na gbɛ ɖɔ wié ka ɖi gé si un agba atɔn.» ³⁵ Bɔ Piɛre ɖɔ nɛ ɖɔ: «nɛ un tɛ na ku xɛ wé can ɔ, un ka na gbɛ wé a.» bɔ nukplɔnvi untɔn lɛ bi ɖɔ xó ɖokpo ɔ. ³⁶ nɛ ɔ mɛ ɔ, Jezu xo dó yé yi atɛn xé yé nɔ ylɔ ɖɔ Getsémané ɖé, bo ɖɔ na nukplɔvi un tɔn lɛ ɖɔ: «mi flin anyi dó fii nɛ ma yi nukɔn bo xo ɖɛ.» ³⁷ é kplan Piɛre kpodó Zébédéé sin vi sunu awéé lɛ hin dó awu; bɔ awu jɛ kan kui ji, bɔ adó jɛ ji hui ji ³⁸ Nɛ ɔ, é ɖɔ na yé ɖɔ: «alindon cé dó awubla mɛ kaka a sɔ yi kumɛ. Mi nɔ fii, bo nɔ un zɔn bo xo ɖɛ xɛ un.» ³⁹ é sɛ yi nukɔn kpɛvi ɖé, bo sɔ nukumɛ cɔn annyi bo xo ɖɛ bo ɖɔ:«atɔ yéé, nɛ é hin ɔ, é na nyi mɔ ɔ, sɛ wu vɛ kɔfu xé ɔ yi akpa na un (ala na un gbiɖi-gbiɖi).amɔ, nɛ ma nyi jló ce o, vɔ ɔ nɛ nyi jló to wé.» ⁴⁰ é lɛ kɔ wa nukplɔnvi untɔn lɛ ɖé bɔ mɔ yé dó amlɔn mɛ. Nɛ ɔ, é ɖɔ na Piɛre ɖɔ: «un nɔ? mi ka kpéwu na nɔ nuzɔn xɛ un na gan xixó dokpo géé a yé?» ⁴¹ Mi nɔ un zɔn bo xó ɖɛ nɛ ɔ, mi ma na wa jɛ tintɛnkpɔn mɛ gɛ. Agbɛtɔ sin gbigbɔ ɔ dó jló dagbéé amɔ, agbaza lɔ ka dó hlɔnhlɔn dé a. ⁴² é lɛ tɔn zɔn yé dé agba awé gɔ ɔ, bo xo ɖɛ bo ɖɔ: «atɔ yé, nɛ é ma kpé wu na nyi mɔ bɔ wuvɛ kɔfu xé ɔ na sɛ yi dɔn na un xé un ma na nui an, jló towé nɛ nyi bibó.» ⁴³ é lɛ lɛkɔ wa, bo lɛ mɔ yé dó amlɔn dó; dó nukun yétɔn lɛ kpɛn. ⁴⁴ Nɛ ɔ, é lɛ jó ké bo sɛ yi, bo xo ɖɛ atɔn gɔ ɔ kpodó xogbé dokpo ɔ lɛ kpo. ⁴⁵ Nɛ ɔ gudó, Jezu lɛ kɔ wa yi nukplɔnvi untɔn lɛ dé, bo ɖɔ na yé ɖɔ: «mi lɛ kpo dó amlɔn dǒ bo lɛ kpodo gbɔjɛ a? mi kpɔn, ganxixo lɔ wa bɔ agbɛtɔ vi lɔ ɔ, yé na soɛ dó alɔmɛ na ahwɛ hu to lɛ (nu nylan watɔ lɛ). ⁴⁶ Mi cité na miia yi.Mi kpɔn amɛ xé do sa un ɔ, kodó gbésisɔ.» ⁴⁷ Hwé xé nu yé kpo dó xo dɔ dé ɔ, Juda, dokpó do wéawé lɛ mɛ ɔ, wa. Agbɛtɔ susu xé sɔn vɔsa na Mawu tɔ lɛ kpodó o tomɛ mɛhó de dé e xo do é. Yé wa kpó adinkpé kpodó kpo kpo. ⁴⁸ Amɛ xé na sa Jezu na yé ɔ, ko ɖɔ na yé ɖɔ: «amɛ dé kpékpé xé un na kisi na ɔ, wu wɛ, mi wélélé.» ⁴⁹ Hadokpo ɔ, é wa Jezu dé bo ɖɔ: «un do gbé na wé gan cé!» bo kisi nɛ. ⁵⁰ Jezu ɖɔ nɛ ɖɔ: «Huntɔ cé, bló nu xé blo gbé atɔn dé (awa ɖé).» Nɛ ɔ lɔ, yé wa bo bɔ alɔ do Jezu wu bo wléé. ⁵¹ Wu ɖié, amɛ dokpo do amɛ xé do Jezu dé lɛ dé mɛ ɔ, é sɔ aɖinkpé untɔn bo sɛn tó na azɔnvi vɔsa na Mawu tɔ daho ɔ tɔn. ⁵² Nɛ ɔ, Jezu ɖɔ nɛ ɖɔ: «sɔ adinkpé towé dó atɛn untɔn mɛ, dó amɛ dékpékpé xé na hu mɛ kpodó hivi kpo ɔ, é na wa ku kpo hii kpo. ⁵³ A di ɖɔ, un ma kpé wu na ylɔ atɔyé bɔ é na sɛ angɛli (wɛnsagun)un tn susu gédé gédé ahwankpa donu wéawé bɔ nu téj do hlan un gɛ a? ⁵⁴ Amɔ, na wè nu wlanwlan lɛ na wa cicɛ mɛ gbɔn, nɛ nu nɛ xa jɛ ɔ? » ⁵⁵ Dó ganxixo nɛ mɛ ké ɔ, Jezu ɖɔ na otogun xé wa lɛ dé ɖɔ: «mi wa kpodó okpo kpo hii kpo bo na wa wléé un di ajotɔ dɔhun wɛ a? Un dó kpɔ xɛ mi dó anyi flɛnflɛn azan lɛ bi gbé dó cɔci xɔmɛ bo dó kplɔn na bi mi ma wléé un gɛ. ⁵⁶ Vɔ ɔ, nu nɛ lɛ nyi gbɔn mɔ nɛ tɔn ɔ nu xé yé wlan dó nu wlanwlan lɛ mɛ ɔ nɛ nyi cicɛ.» Xé ényi mɔ ɔ, nukplɔnvi untɔn lɛ bi hɔn jó é dó. ⁵⁷ Amɛ xé wlée Jézu lɛ dé kplɛn sɔ hɛn yi kayifu, vɔ sa na Mawu tɔ lɔ dé do fi xé sknbu kpodó tomɛ mɛxo lɛ kpo kplé té dé ⁵⁸ Piɛre ka xodoé bo do gido nɛ do ala kédéé do vɔsa na Mawu tɔ lɔ sin kɔxó é biɔ émɛ bo flɛn anyi xɛ hwé cɔ tɔ lɛ kpo bo na kpɔn nu xé na jɛ dé ⁵⁹ Vɔsa na Mawu tɔ nukun téji lɛ kpodó kpikplé lɔ bi séséé dó kunu didé alɛlɔ tɔn dé ɖin dó Jézu wu bo na do hwui ⁶⁰ Yé ka mɔ nu dé déwu a, cógancó, alɛló sin kunu dé tɔ susu ka wa yi gidó mɛ, amɛ nɛ lɛ tɔn lɔ, amɛ awé wa ⁶¹ bo ɖɔ«amɛ nɛ ɔ, éɖɔ" un dó hɔnhlɔn bo hɛn ɔ nm na kikan cɔci xɔ Mawu tɔn bi séséé, bo na lɛ vɔ gbaèè do azan atɔn gbla mɛ"» ⁶² Vɔsa na Mawu tɔ daxó lɔ citéé bo ɖɔ" a ma na dó xo lɔ dé wu gɛ a?" xo nɔ xa wɛ nyi xa xé lɛ bɔ amɛ xé lɛ do ɖɔ do awuwé?" ⁶³ Amɔ, Jézu hwan nyi tototo vɔsa na Mawu tɔ daxó lɔ ɖɔ nɛ "un dé gbé na wé do Mawu agbé agbé (gbɛtée) lɔ mɛ ɖɔ, ɖɔ na mii ɖɔhwi wɛ nyi klisi lɔ, Mawu vi lɔa" ⁶⁴ Jézu déwu nɛ ɖɔɛ, hwi désu nɔ vɔɔ, un do ɖɔ na wé ɖɔ din ɔ a na mɔ Mawu lɔ dó anyi flɛnflɛn do adissi hwé Mawu tɔn bɔ é na sɔn jixwé dó azizɔ lɛ ji" ⁶⁵ Nɛɔ vɔsa na Mawu tɔ ɖaxó lɔ voun awu untɔn bo ɖɔ,"é ɖɔ xo nylan do Mawu wu! nɔ wɛ zɔn bɔ mii na lɛ ɖin kunu ɖiɖé dévó? mi kpɔn, mi séé xo nylan nylan xé éɖɔ ɔ ⁶⁶ Nɔ mi lɛn dó?" yé yi gbé bo ɖɔ"oku wɛ jɛ xɛ è" ⁶⁷ Yé twun tan kɔn ɖéwu, bo xo é kpo alɔ kpakpa yé tɔn lɛ kpo, ⁶⁸ Bo ɖɔ:"ɖɔ ɖɔɖanyi na mi klisi mɛ nu wɛ xowé?" ⁶⁹ Piɛre ka dó anyi flɛn flɛn dó kɔ xo, azɔnvi nyɔnu dokpo wa é dé bo ɖɔ:"hwi lɔsu a téé kpɔ xɛ Jézu galilé nu lɔ" ⁷⁰ amɔ, é gbɛ dó amɛ bi nukunmɛ ɖɔ un ka digéssi xo xé mi do ɖɔ dé a " ⁷¹ Xé é tɔn bo do yi hɔn kɔn dé ɔ, azɔnvi nyɔnu dévɔ lɛ mɔ ɛn bo ɖɔ na amɛ xé da flɛn lɛ dé bo ɖɔ"amɛ xé ɔ, wu lɔsu dó kpɔ xɛ Jézu Nazareth tɔn lɔ" ⁷² Bɔ, Piɛre lɛ gbɛ dévó ké bo tanu déji bo ɖɔ"un ka ɖigéssi amɛ nɛ a" ⁷³ Ganxixo , klecan dé mɛ gudo ɔ, amɛ xé do flɛn lɛ dé wa bo ɖɔ na Piɛre:"nugbomɛ ɔ, xi lɔsu a té kpɔ xɛ yé dó xoɖiɖɔ towé ɖé xlɛ" ⁷⁴ Nɛ ɔ, Piɛre jɛ nu ɖɔ do wu ɖé ké ji, bo xwlé(tanu) bo ɖɔ:"un ka ɖigéssi amɛ nɛ a " Hadokpo ɔ, kokló kun só ⁷⁵ Piɛre flin xo xé Jézu ɖɔ nɛ dé:"cɔ kokló na kun só ɔ a na ko gbɛ un agba atɔn " nɛ ɔ é tɔn bɔ vi avi susu ta wun