¹ Nɛ ɔ, sɛxwé tɔ mɛ ɔ. É ci ahwlivu wo xé sɔ kanlingbɛn bo yi agó xo yé su gbé dé. ² Atɔɔn ɖo yé mɛ lunu, bɔ atɔɔn nyonnu nyi. ³ Ɖó, xé lunu lɛ ɔ bɛnu ɔ, yé ka sɔ ka sɔ kanligbɛn mi lɔ a. ⁴ Amɔ, xé nyɔnu nyi bɔ ayixa yé tɔn lɛ do té dé ɔ, ye benu ɔ, yé sɔ amigo yé tɔn bodó kanlingbɛn yé tɔn lɛ wu. ⁵ Vɔ lɔ, xé yé su lɔ ɖin gamɛ ɔ, ye jɛ kɔmlɔngɔ sa j, kaka bo jɛ amlɔn dǒ ji. ⁶ Amɔ, xé éxo zan gan wéawé ɔ, ahwa dé di "mikpɔn! Assisunɔ lɔ wa! Mi yi dó go é!" ⁷ Lo ɔ, ahlui lɛ fɔn, bo jla kanlingbɛn yé tɔn lɛ do. ⁸ Xé ma zin awu lɛ a dé dɔ na xé nyɔnunyi lɛ dé bo ɖɔ, "mi na mii ami mitɔn kpèviɖé dó kanlingbɛn mitɔn lɛ do ci ɔ." ⁹ Amɔ, xé zin awu dé wu na yé ɖɔ "xé ami lɔ ma na kpé mii mɛ bi a déé, mi gbɔ bo yi amɛ xé nɔ sa lɛ dé bo xɔ (jɛ) mitɔn lɔsu." ¹⁰ Hwé xé nu yé yi yi jijɛ gbé dé ɔ, assisu nḷ lɔ wa, bɔ yé mɛ xé do gbéssisɔ lɛ ɔ, ye xo do é bo yi alɔ lé tɛn, bo ye su hɔn lɔ. ¹¹ Gido mɛ untɔn, ahlivi dé lɛ wa bo ɖɔ: "cica! hun hɔn na mii" ¹² Amɔ, é dé wu na yé ɖɔ, " nugbomɛ ɔ, unka ɖigéssi (nyɔminyi an) mi an". ¹³ Mi nɔ nzin, dó mi ka digéssi azan lɔ aló ganxixo lɔ a. ¹⁴ Dó, é na lɛ ci ɖi ame xé na yi o tɔ ɖévɔ mɛ. Bo ylɔ azɔn wavi untɔn lɛ bo sɔ ɖɔkun untɔn do alɔ mɛ na yé dé dɔhun. ¹⁵ É sɔ akwé ganu atɔɔn do alɔmɛ na mɛ nukɔntɔn ɔ, amɛ awégɔ ɔ ganu awé bo amɛ atɔn gɔ, ganu dokpó. Amɛ dokpó dokpó yi ɖi a lé xé nɔ dó gan gbɔn do azɔn wu dé, bɔ hwétɔ lɔ ɖidó tɔmɛ. ¹⁶ Azɔndokpo ɔ (hadokpo ɔ), amɛ xé yi ganu atɔɔn ɔ, é sɔ untɔn bo jɛ ajɔ wa ji. É téwu kaka ɔ lɛ vɔ mɔ ganu atɔɔn dévɔ ɖéji. ¹⁷ Mɔnké ɔ, amɛ xé yi ganu awé ɔ, é lɛ mɔ ganu awé ɖéji. ¹⁸ Amɔ, amɛ xé yi ganu dokpo ɔ, é yi kundó do anyigba mɛ, bo sɔ akwɛ gan untɔn tɔn bo sɔ démɛ. ¹⁹ Xé é ɖin vɔ dé ɔ, gan yé tɔn wa, bo biɔ yé alé xé yé wa akwɛ lɛ nugbɔn dé. ²⁰ Azɔnvi xé yi akwɛ atɔɔn dé na bo hɛn akwɛ atɔɔn dévɔ bo ɖɔ:"gan ce, a zɔn akwɛ atɔɔn hɛn bo kpɔn, atɔɔn dévɔ ké dié." ²¹ Gan untɔn do nɛ ɖɔ, " é nyɔ, azɔnvi dagbé wé a nyi bo dó gbéji hélé! a nɔ gbéji dó nukpévi mɛ, na sɔ nu susu do alɔmɛ na wé. Wa jɛ awa xɛ gan towé ²² Azɔnvi xe yi ganu dé wa bo dɔ. "Kpɔn, akwè awé dévɔ ké dié". ²³ Gan untɔn dɔ nɛ ɖɔ, " é nyɔ, azɔnvi gbéji nɔ tɔ dagbéé! A nɔ gbéji do nu kpévi mɛ, na sɔ nu daxo (susu) do alɔmɛ na wé. Wa jɛ awa xɛgan to wé." ²⁴ Vivɔnu untɔn ɔ, azɔnvi xé yi akwɛ ganu dokpo dé wa ɖɔ: "gan ce, un nywen ɖɔ mɛ syɛnsyɛn we a nyi, bɔ fi xé a ma dó nukun do a dé wɛ a nɔ ya té, bɔ fi xé a ma sɔ nu do a dé wɛ a nɔ yi sɔ té. ²⁵ Un ɖi bu si wé, wɛzɔn bɔ, un yi sɔ akwɛ to wé hwla do anyigba mɛ. U ɖié, kpɔn nu xé nyi to wé dé dié." ²⁶ Gan untɔn déwu nɛ ɖo: "azɔnvi adiɖɔ nɔ, ɖiɖa a, xéa nywɛn ɖɔ un nɔ ya nukun do fi xé un ma dó do a dé ɔ, ²⁷ A na ko sɔ akwɛ ce yi do akwe sɛ do tɛn nɛ ɔ, un wa gbɔnɔ na yi akwe ce kpo ovi jiji lɛ kpo." ²⁸ Mi yi akwɛ lɔ déssi, bo sɔ na amɛ xé dó ganu woo dé. ²⁹ Dó amɛ xé do dé ɔ, yé nanɛ déji, amɔ, amɛ xé ma do a dé ɔ, yé na lɛ yi kpévi xé é do dé sin é si. ³⁰ Mi sɔ azɔnvi nuvɔnu nɛ ɔ nyi gbé do kɔxɔ do zinflu mɛ, flɛn wɛ é na vi avi bo na ɖu aɖukli té." ³¹ Hwé xé nu gbetɔ vi lɔ na wa kpo susu kpo angɛli lɛ kpo ɔ, é na flan nyi do axɔsu zinkpo untɔn ji. ³² Akɔta lɛ bi na wa kplé do nukɔn nɛ bo é na ma yé mɛ vɔ vɔ, di a lɛ xé lɛngbɔ nyitɔ nɔ cyan lɛngbɔ lɛ do vo, bo nɔ cyan gbɔgbwɛ lɛ do vɔ dé dɔhun. ³³ É na sɔ lɛngbɔ lɛ do adissi mɛ bo na sɔ gbɔgbwɛ lɛ do amyɔ mɛ. ³⁴ Bɔ axɔsu lɔ na dɔ na amɛ xé do adissi xwé untɔn tɛ dɔ: "mi wa mi mɛ amɛ xé atɔyé yma lɛ dé, sin hwé xé nu é ko blo agbɛ lɔ é, mi wa axɔsuɖuɖu untɔn mɛ. ³⁵ Dó xovɛ hu un, bɔ mi na un bɔ un ɖu: sin hu un bo mi na un sin bɔ un nu; un nyi jonɔ do tɔ mitɔn mɛ bɔ mi yi do xwé mitɔn gbé; ³⁶ Un do mɛ̌, bɔ mi na avɔ un; un do azɔn zanji, bɔ mi wlé bo na un; un ɖo gan mɛ bɔ mi wa ɖin un kpɔn. ³⁷ Bɔ mɛ dagbé nɛ lɛ na yi gbé nɛ ɖɔ; "aklunnɔ, hwénɔnu wɛ mi ka mɔwé do xovɛ bo na wé nuɖuɖu dó? ³⁸ Hwénɔnu wɛ nugbla hu wé dó, bɔ mi na wé sin dó? Hwenɔnu wɛ a nyi jonɔ bɔ mi yi do xwé mi tɔn gbé ɖó? A ló mɛ̌ bo cɔ avɔ na wé ɖó? ³⁹ Bɔ hwé nɔ nu wɛ mi mɔ wé do azɔn zanji aló gan mɛ bo wa ɖinwé kpɔn? ⁴⁰ Bɔ axɔsu na ɖéwu na yé ɖɔ" ɖó núgbomɛ ɔ, un do ɖɔ na mi ɖɔ, nu dé kpékpé xé mi wa na amɛ dé kpékpé dó anɔyévi xé é lɛ mɛ ɔ, nyɛn wɛ mi blo na." ⁴¹ Nɛ ɔ, é na dɔ na amɛ xé ɖo amyɔ mɛ untɔn lɛ ɖɔ: "mitɔn nukɔn na un, mi mɛ xé Mawu ko donu lɛ ɔ, mi yi ozo mavɔ xé yé blo ɖanyi na lɛgba kpodó angɛli untɔn lɛ kpo dé, ⁴² Dɔ xovɛ hu un bɔ mi ma na un unɖuɖu gɛ, sin nugbla hu un amɔ mi ma na un sin bɔ un nu gɛ; ⁴³ Un nyi jomɔ, bɔ mi ma yi un gɛ; un ɖo mɛ̌ bo mi ma gba avɔ na un gɛ; un do azɔn mɛ bo lɛ yi gan mɛ, mi ma ka lɛ wa ɖin kpɔn gɛ." ⁴⁴ Nɛ ɔ, yé na yi gbé bo ɖɔ: "aklunɔ, hwé nɔ nu wɛ mii mɔ wé dó xovɛ, aló sin nugbla, aló jonɔ, aló azon zan ji, aló gan mɛ bɔ mii ma gɔ alɔ na wé (aló bo ma sɛn wé gɛ)? ⁴⁵ Nɛ ɔ, é na ɖéwu na yé ɖɔ: ɖo nugbomɛ ɔ, un do ɖɔ na mi ɖɔ, nu xé mi ma bló na yɔkpɔv kpɛvi léxa tɔn lɛ gɛ ɔ, yɛn wɛ mi ma blo na gɛ.' ⁴⁶ Mɛ nɛ lɛ ma yi tó ɖinɖɔn namɛ tɛgbɛ tɔn ló́ mɛ bɔ amɛ xé wa jló Mawu ton lɛ ɔ na yi gbɛ mavɔ mavɔ mɛ."