¹ Do gan nɛ mɛ lɔ amɛ ɖé lɛ ɖo Galilée nu xe wa vɔ sa gbé bɔ Pilatu ɖe gbé bɔ e hu yé lɛ ɖé xo ɖɔ na Jezu. ² Jezu ka ɖɔ na yé ɖɔ Mi vɛdo ɖɔ Galilée nu nɛ wa nu nyanyla hugan Galilée nu ɖe lɛ wutu wɛ zɔn bɔ ye se awuvɛ gbɔn mɔ ha nyi siin. ³ Eewo un ɖo ɖɔ na mi ɖɔ Enyi mi ma lɛkɔ sin nunyanyla wiwa mitɔn lɛ mɛ a lɔ mi na gu jkun bi xwe mɔ ha nyi. ⁴ Alo amɛ afɔtɔn unkun atɔn wo do ɖokpo unkun cantɔn xe ji aglin mu jɛ bɔ ye ku ɖo silokwe lɛ ɖe ye wa nu nyanyla hugan Jeluzalɛmunu ɖe lɛ bi wɛ mi vɛdoo? ⁵ Ee wo un ɖo ɖɔ na mi ɖɔmɔɖe syɔ Enyi mi ma lɛkɔ sin nu nyanyla wiwa gido a lɔ mi na gukun ɖi yé ɖɔ wun. ⁶ Jezu do lo na yé bo ɖɔ Dawe ɖe do atɔtin ɖokpo ɖo adegbo untɔn mɛ bɔ e wa bo wa din sinsɛn ɖo atɔtin lɔ ji be e kɔn nɔ mɔ nu ɖe a. ⁷ Dawe lɔ ɖɔ na aglejikpɔntɔ lɔ ɖɔmɔɖe kpɔn sin xwé atɔn ɖye ɖokpo wɛ na un wa atɔɔ gbɛ gbé ɖo atin xe ji bɔ un kɔnnɔ mɔ nu ɖe d'eji a gbo e sin nɔɔ wutu kɛ e na joe do bɔ e na ɖo anyigba hɛn gu vɔnu. ⁸ Aglejikpɔntɔ yi gbé nɛ bo ɖɔ ɔ jo e do xwé xe mɛ nɛ ma kun do lilɛdo e bo kɔn gbojikɔ d'emɛ. ⁹ Nɛ e sɛn xwé ɖelɔ e nyɔ vɔɔ ye e nyi e ma sɛn a lɔ a na gbo e sin . ¹⁰ Jezu ɖo nu kplɔn amɛ lɛ ɖo nu kplɔntɛn lɛ ɖokpo mɛ ɖo gbɔjɛzan jwifu lɛ tɔn gbé. ¹¹ Kpɔn nyɔnu ɖe ko ɖo flɛn bɔ yɛ nyanyla ɖe d'emɛ ɛbo sɔ ɛ sɔ blo asɛkunɔ nyɔnu nɛ ɔ kpotɔnɔ wɛ e nyi bɔ e kɔnnɔ kpéwa nɔ te a. ¹² Xe Jezu mɔ ɛ ɖe ne ylɔ ɛ bo ɖɔ ɔ nɛ ɖɔ Nawe gan dɛn amɛ sɛsin ji we . ¹³ E sɔ alɔ lɛ déji bɔ e jlɔ tlo lo haɖokpo bo jɛ Mawu kpa ji. ¹⁴ Vɔɔ e vɛ ɛnu kplɔn tɛn gan lɔ wu ɖo Jezu gbɔ aɔn ɖo gbɔjɛzan jwifu lɛ tɔn gbe lo bɔ nu kplɔnt tɛngan lɔ ɖɔ na amɛ lɛ ɖɔ Azan anyizɛn wɛ tin bɔ e nɔ sɔ wa azɔn nyi mi wa yi azɔnhɛngbɔ ɖo azan nɛ lɛ ji nɔkpɔn e a nyi gbɔjɛzangbe bo . ¹⁵ Axwétɔ ka ɖéwu nɛ bo ɖɔ yɛ mɛnu watɔ yé Amɛ nɔkɛ ɖo mi mɛ bɔ e ma nɔ ɖekan na sɔ untɔn alo anyibu untɔn bo na kplan ɛ yi asin nugbé ɖo gbɔjɛzangbé a? ¹⁶ Mɔ ha ké jɛn wɛ bɔ nyɔnuvi Ablaxamu tɔn xe na awovi ko bla ɖo kanmɛ sin xwé gaa wodo ɖokpo unkun cantɔn ɖye ɖé ma kpewu na nyi tuntun ɖo gbɔjɛzangbé a. ¹⁷ Xéna e ɖo xo ɖɔ xwe mɔha nyi dé amɛ xe lɛ na azɔn nɛ xe e wa ɖé ko jɛ akpa na lɛ ɖé winnya hu yémɛ bi vɔɔ togun lɔ ɖo awajijɛ mɛ ɖo nu xe e ɖo blo lɛ ɖe wu. ¹⁸ Jezu ɖɔ nu tɛ axɔsuɖuɖu Mawu tɔn ɖi nu tɛ wu wɛ ye na jlɛ do . ¹⁹ E ci ɖi atinkun kpɛvi xe dawe ɖé sɔ yi do ɖo ajikpa utɔn mɛ ɖé ha E wu bo hwɛn bo wa huzu atin ɖaxo ɖé bɔ xɛ vi lɛ ɖo adɔ ala utɔn lɛ mɛ. ²⁰ Jezu lɛ ɖɔ nu tɛ wu un na jlɛ axɔsuɖuɖu Mawu tɔn do . ²¹ E ci ɖi wɔ fɔƥnnu xe nawe ɖe sɔ nya yovo linfin nujlɛgban atɔn kpo ɖé ha bɔ linfin xé e zin ɖé bi fɔn . ²² Jezu ɖo toxo lɛ kpo do agletoxo lɛ kpo mɛ gbɔn bo ɖo nu kplɔn amɛ lɛ bo ɖo yi Jeluzalɛmu. ²³ Amɛ ɖe ɖɔ nɛ ɖɔ axwetɔ amɛ kpɛvi ɖe jan wɛ Mawu na hwlɛn gan nugbo ɔ Jezu yigbe nɛ bo ɖɔ. ²⁴ Mi xe do gan bo gbɔn ali kpɛvi lɔ nu bo byɔ Axɔsuɖuɖɖu Mawu tɔn ɔ mɛ Do ma ɖɔ na mi. amɛ susu na jlo na byɔ ɛ mɛ Amɔ ye ma ka na kpewu a. ²⁵ Hwe xe axwetɔ lɔ ɔna waci té bo su hɔn ɔ mi na ci kɔxo Bɔ gannɛmɛ ɔ mi na jɛ hɔn ɔ xuxu ji bo na nɔ ɖɔ axwetɔ hun hɔn na mi bɔ e na yigbe na mi bo ɖɔ un ka nyɔ afi xe tɔn sin ɖe nyi an. ²⁶ Amɔ mi na jɛ ɖi ɖɔ ji ɖɔ mi kpo hwi kpo bi jan wɛ ɖu nu bo nu ahan ɖo fi xe e bɔ a nɔ kplɔn nu amɛ gbɔn tokpletɛn mitɔn lɛ mɛ ma. ²⁷ Bɔ e na ɖɔ na mi ɖɔ un ka nyɔ afixé mi tɔ sin ɖe nyi an mi bu do un nubaɖabaɖa watɔ xe lɛ wɛ. ²⁸ Bɔ ganxemɛ xe mi na mɔ Ablahamu Izaki, Jakɔbu, kpo gbeyiɖɔtɔ Mawu tɔn lɛ kpo ɖo Axɔsuɖuɖu Mawu tɔn mɛ bɔ e na ɖe mi jɛ kɔxo mi na wa bɛ avi bo na ɖu aɖuklin. ²⁹ Amɛ lɛ na tɔn sin hwezɛtɛn sin awaji, hweyixɔ sin awa ji totaligbe kpo tofɔligbe kpo bo na wa flɛn ayi bo na ɖo nu ɖo axɔsuɖuɖu Mawu tɔn mɛ. ³⁰ Gannɛmɛɔ amɛ gido tɔn ɖelɛ na wa gbɔn gido . ³¹ Ganxemɛ xe jezu ɖo xo nɛ lɛ ɖɔ ɖe ɔ falizyɛn ɖé lɛ wa gogo e bo ɖɔ nɛ ɖɔ tɔn ɔ sin fi yi afi ɖe vo Ɖo Elodu jlo na hu we. ³² Jezu ɖɔ na yé ɖɔ mi yi ɖɔ na dawe nu hɛngbletɔ ɖi alwi na nɛɔ ɖɔ na nya yɛ nyananylan lɛ bo na gbɔ azɔn na amɛ lɛ ɖo yé kpo sɔ kpo bɔ ɔ azan atɔn gbeɔ na wa azɔ ce vɔ. ³³ Amɔ un na ɖo Jezulɛmu sin ali lɔ ji yé sɔ kpo azan atɔn gbé kpo Do ye ka ɖo na hu gbeyiɖɔtɔ Mawu tɔn ɖe ɖo afi ɖevo sin Jeluzalɛmu wu a. ³⁴ Bɔ Jezu ɖu Jeluzalɛmunu lɛ Jeluzulɛmunu lɛ mi nɔ hu gbeyiɖɔtɔ Mawu tɔn lɛ bo nɔ nyi hwan do amɛ xe Mawu zɔn ɖo hlan mi lɛ kaka bo nɔ hu yé E jlo un agba nabi xe un ɖɔ ma kple mi ɖi ale xe koklonɔ nɔ ɔ kple vi utɔn lɛ doawa utɔn lɛ glɔ gbɔn ɖe ha bɔ mi ka jlo a. ³⁵ Din ɔ Mawu na jo to mitɔn do na mi Amɔ ma ɖɔ na mi bɛ sin din kaka yi jɛ ganxemɛ xe na ye ɖɔ gigoo na amɛ xe axwetɔ zɔn ɖo hlan ɖe e mi ka na sɔ lɛ mɔ un ba a.