¹ Gan xe mɛ Jezu ɖo xó nɛ lɛ ɖɔ ɖé agbɛtɔ wɔbu wɔ bu ɖé wa kplé ɖo fi xé é té ɖé amɛ lɛ su kaka bo ɖo afɔ tafɔ ji na yé ɖéké lɛ ɖé é ɖo ɖɔ na nukplɔnvi untɔn lɛ hwɛ ɖɔɔ mɔ ɖé mi nɔ wunzun ɖo falizinu lɛ sin azɔn xé nyi yɛmɛnuwiwa ɖé wu. ² Nu ɖé ka ɖo nuglɔ bo nɔ ma jɛ gbawungba a nuɖé ka ɖo hwlatɛn bɔ é nɔ ma mɔ nukunnu jɛ wu a. ³ Nɛwutu lɔ nuɖékpékpé xé mi na ɖɔ ɖo zɛnflu mɛ ɖé na nyi sisé ɖo kanlingbɛn nu bɔ xé mi na ɖɔ xwisi xwisi ɖo xɔganmɛ ɖé na nyi jlajla ɖo xwe lɛ bi gbe. ⁴ Ma ɖɔ na mi xɔntɔn é lɛ ɖɔmɔɖé nɔkpɔn mi a ɖi bu na amɛ xé nɔ hu agbasa bɔ nɛ gido bé yé mɔ nɔ wa nu ɖékpekpe ba a ɖé. ⁵ Vɔ lɔ ma ɖɔ xo sin amɛ xe mi na ɖi bu na ɖé na mi mi ɖi bu na amɛ xe hu amɛ vɔ bé é ɖo acɛ bo hɛn bé é na sɔ mi nyido vi vɛsise gblɔgblɔ mɛ ɖe ɛɛn ma ɖɔ na mi mi ɖi bu na ɛ. ⁶ Gbolivi atɔɔn wɛ è sɔ sa kpɔcnu mɔ jɛn é ka te co Mawu ka wɔn ɖokpo gee lɔsu ɖo yé mɛ bɔ nukun untɔn lɛ bakpo a. ⁷ Vɔlɔ ɖa xe ɖo ta mitɔn ɖé bi wɛ nyi xyaxya nɔkpɔn mi a ɖi bu bo mi vɛ afi hugan gbolivi susu. ⁸ Un ɖo ɖɔ na mi ɖɔ mɔ ɖé amɛ dékpékpé xe ɖekun nu na un ɖo agbɛtɔ lɛ nukɔn ɖɔmɔɖé nukplɔnvi nyɛtɔn wɛ we nyi ɖé ɔ Agbɛtɔvi lɔ can na ɖe kunnu nɛ ɛ ɖo awɛnsagun Mawu tɔn lɛ nukɔn. ⁹ Vɔ ɔ amɔ ɔ xe gbɛ ɖo agbɛtɔ lɛ nukɔn ɖé na nyi gbigbɛ ɖo awɛnsagun Mawutɔn lɛ nukɔn. ¹⁰ Amɛdékpékpé xe na ɖɔ xo nylanyla ɖo Agbɛtɔvi lɔ wu ɖé ye na sɔ kɛɛ vɔɔ ye ka a sɔ kɛ amɛ xe ɖɔ xo nylanyla ɖo yɛsinsɛn wu ɖé a. ¹¹ Ganxemɛ ye na kplan mi yi nukplɔntɛn Jwifu lɛ tɔn ɖo kojo ɖotɔ lɛ kpo togan lɛ kpo nukun ɖéɔ nɔkpɔn adika na so mi sin alexé mi na ɖɔ xo xé na hwlɛn mi ɖé wu alo xo xé mi na ɖɔ ɖé wu bo. ¹² Ɖo yɛsinsɛn na kplɔn mi xo xé mi ɖo na ɖɔ ɖé ɖo ganxixo nɛ mɛ . ¹³ Uwɛ amɛ ɖokpo ɖo amɛlɛ mɛ bo ɖɔ nɛ ɖɔ mɔ ɖe cica ɖegbe na anɔyevi na nɛ ma cinnɔɔ nu lɛ na ma yi cé. ¹⁴ Jezu ɖɔ nɛ ɖɔ mɔɖé Dawé amɛ nɔkɛ sɔ un ɖo kojogbotɔ alo cinnɔ matɔ mitɔn. ¹⁵ E lɛ ɖɔ na yé keba ɖɔmɔɖe mi cɔ mi ɖéké lɛ ɖo nuvɛwun wu ɖo agbɛ amɛɖékpékpé tɔn ka ɖo dɔkun susu xe e jɛ ɖé mɛ a. ¹⁶ U wɛ Jezu do lo ɖokpo na yé bo ɖɔmɔ ɖe Aji wa xwé ɖo dawé dɔkunnɔ de sin gbemɛ kaka. ¹⁷ E nɔ ɖɔ ɖo xomɛ ɖɔmɔɖe nɔkɛ un na wa wa ɖo fixé un na ya ajinukun ce lɛ ɖo ɖé ka tiin na un a. ¹⁸ E ɖɔ ɖo ayi mɛ ɖɔmɔɖe nuxé un na wa ɖé ɖie un na kija agɔ ɔ ce lɛ bo na blo ɖoxo ɖe voe bo na bɛ ajinukun ce lɛ kpo nu ɖevo ɖevo lɛ kpo ɖo flɛn. ¹⁹ Un na ɖɔ na ɖɔ na klan ce ɖɔmɔɖe klan a ɖo dɔkun susu ɖanyi na xwé nɛ muɖé gbɔjɛ ɖu nu nu ahan bo ɖu agbɛ. ²⁰ Vɔɔ Mawu ɖɔ nɛ ɖɔmɔɖé Dawé xlonɔ xé ɔ zan xe mɛ din jɛn é na yi agbɛ towe ɖo asiwe bɔ é na kpɔn amɛ xe tɔn dɔkun towe lɛ na nyi ɖe. ²¹ Mɔha pɛpɛpɛ é na nyi na amɛxé kple agbɛmɛ fi dɔkun geɖé geɖé bɔ Mawu tɔn ɖe ma demɛ a ɖé. ²² Jezu ɖo ɖɔ na nu kplɔnvi untɔn lɛ ɖɔmɔɖe nɛ wutu un ɖo ɖɔ na mi ɖɔmɔɖé nɔkpɔn mi a lɛn nu kpɔn ɖo agbɛ mitɔn nuɖuɖu xe na hɛn mi ɖo agbɛ alo agbasa mitɔn nu xe mi na do ɖé wu bo. ²³ Ɖo agbɛ lɔ ɖo vivɛɖé hugan nuɖuɖu bɔ agbasa lɔ ɖo vivɛɖé hugan nudido. ²⁴ Mi bo kpɔn avunsɔakɔwe lɛ ye ka nɔ do nukun a mɔké yé ka nɔ ya nukun a. yé ka ɖo xɔ alo agɔ a vɔɔ Mawu nɔ na nuɖuɖu yé mi vɛ afi hu xɛvi lɛ. ²⁵ Amɛ nɔkɛ ɖo mi mɛ bɔ nulɛnkpɔn untɔn wɛ na zɔn bɔ é na kpewu do azan kpɛɖe agbɛzan untɔn ji. ²⁶ Nɛ mi ma kpé nu kpɛvi cɛnkɛn nɛ wu a nɔwutukɛ nu e lɛ ka nɔ ɖo hun mɛ na mi. ²⁷ Mi kpɔn flawa lɛ yé mɔ nɔ wa azɔn ye mɔ nɔ lun avɔɔ mɔ jɛn é té co un ɖo ɖɔ na mi ɖɔ mɔ ɖé salomɔ dɔkunnɔlɔ ka kpéwu ɖo acɔ ɖokpo géé tɔn ɖo yé mɛ can a. ²⁸ Ama xe ɖo te gbe lɛ mɛ ye bɔ nyi xe na hɔn ɖé ye sɛnɛ ɛ kɔn nyi gbe ɖo myɔ mɔ ɖé ényi Mawu kpewu ɖo cɔ nɛ gbogbo nɛ mɔ lɔ nakɛ é ma ka na na mi nuxe mi na do lɛ ɖé agbɔn nuɖiɖi kpɛvinɔ lɛ ma. ²⁹ Mi lɛ ɔ nɔkpɔɔn nɛ nu xé mi na ɖu ɖé kpo nu xé mi na nu ɖé kpo nɛ hɛn hun na mi bɔ mi na ɖo wezun ji magbɔjɛ magbɔjɛ bo. ³⁰ Ɖo akɔta lɛ bi sésé xé ɖo agbɛ lɔ mɛ ɖé nɔ ɖo dɔkun nɛ lɛ din bɔn mitɔɔ nywɛ nyi ɖɔ mi ɖo hudo untɔn . ³¹ Vɔɔ mi din acɛkpikpa Mawu tɔn kpo nukun vɛɛ kpo nɛ lo ɔ é na sɔ na nu nɛ lɛ sɔ deji na mi. ³² Alɛngbɔhwan kpɛvi nɔkpɔn a ɖi bu bo ɖo mi tɔ na sɔ acɛkpikpa lɔ na mi ɖo yɛyi mɛ. ³³ Mi sa dɔkun mitɔn lɛ bo ma akwɛ lɔ na wama mɔ nɔ lɛ mi hɛn aɖɔkɛn xe ma na gbi a lɛ ɖé mi sɛ dɔkun mitɔn lɛ kplé ɖo Mawu dé fi xé nu ɖé ma na waɛ te a ɖé alo ajotɔ ɖe ma na kisiya a ɖé bɔ nu ma na jɛ akaɖa te a ɖe. ³⁴ Ɖo fi xé dɔkun amɛtɔn te ɖe flɛn nɛ wɛ ayixa amɛtɔn can na nɔ ga. ³⁵ Mi sin gojigblanu na kanlingbɛn mitɔn nɛ ɖo tita. ³⁶ Bɔ mi na ci amɛdenɔ vi xé lɛ ɖo té kpɔn gan yétɔn xé yi nyɔnukplantɛn bo lɛ kɔ wa hweɖkpékpénu bo xuxu hɔn bé ye na hun nɛ bléun ɖé ɖɔhun. ³⁷ Nu nyɔ na azɔnwavi nɛ lɛ xe gan yétɔn na wa mɔ ɖo wunzun lɛ ɖɛ ma ɖɔ nugbo na mi ɖɔ mɔ ɖe e na sɔ gojiblanu sɔ sin bo na sɔ yé flɛn anyi bɔ ye na ɖu nu bɔ unlɔsu na gbɔn yé ji ɖokpo ɖokpo bo na ma nuɖuɖu na ye. ³⁸ Enyi gan lɔ wa ɖo zanxwété alo zanflun futuu bo mɔ azɔnwavi nɛ lɛ ɖo wunzun lɔ nu nyɔ na yé. ³⁹ Mi bo nywɛ nyi keba ɖɔmɔɖé enyi axwetɔ ɖé nyɔ gan xe mɛ ajotɔ na wa do ɖé é ka na lɔn bɔ ajotɔ na fla kpa untɔn a. ⁴⁰ Mi lɔsu can mi nɔ aceji ɖo gan xe mɛ mi ma na ɖo ayi untɔn a ɖé wɛ nyɛ agbɛtɔvi lɔ na wa. ⁴¹ Piyɛɛ ɖo ɖɔmɔɖé Axwetɔ mi lɛ kɛɖɛ wɛ a ɖo lo xé do na alo amɛ bi wɛ a ɖo do na. ⁴² Axwetɔ lɔ ɖɔ amɛ nɔkɛ nyi azɔn wavi gbéjinɔtɔ nunywɛtɔ Azɔnwavi gbéjinɔtɔ nunywɛtɔ lɔ wɛ nyi amɛ xe gan untɔn xwe to mɛ bo na sɔ ɛ ɖo azɔn wavi ɖe lɛ nu bo na na nuɖuɖu xe nyi amɛ ɖokpo ɖokpo tɔn ɖé ɖo ganmɛ . ⁴³ Nu nyɔ na azɔnwavi nɛ xe axwetɔ lɔ na wa mɔ ɖo azɔn lɔ kɔn mɔha pɛpɛpɛ ɖo gan xe mɛ e na gbɔn ɖe . ⁴⁴ Ma ɖɔ xonugbo na mi syɔ é na sɔ ɛ sɔ ɖo nu untɔn lɛ nu. ⁴⁵ Vɔɔ ényi azɔnwavi nɛ ɖɔ ɖo a yi mɛ ɖɔ mɔɖé gbingbɔn ɖo dɛn na gan ce bo jɛ azɔnwavi sunnu kpo nyɔnu kpo xo ji bo jɛ nu din ɖu ji ahan nu ji bo huzu ahannu munɔ. ⁴⁶ Axwetɔ azɔnwavi nɛ tɔn na wa gbɔn ajijimɛ gbeɖokpo ɖo ganxixo xe mɛ ma ɖo nukun a ɖé bo na dɔn to nɛ kaka bɔ atɛn untɔn mɛ na vɛɛ jlɛ bo na dɔn ɛ ɖo gbéjimanɔtɔ lɛ gbɛ mɛ. ⁴⁷ Azɔnwavi nɛ xe nyɔ nu xe nɔ jlo axwétɔ untɔn ɖé nyi bo ma sɔ nu bo na blo nu xe gan untɔn nɔ jlo ɖe a ɖe wɔ é na ɖu kpo susu. ⁴⁸ Vɔɔ amɛ xe ma nyɔ jlo gan lɔ tɔn nyia bo ka wa todindɔn nu ɖe ɔ ba kpɛviɖé jɛn é na ɖu ɖo amɛxe é na nu susu ɖé wɛ é nɔ byɔ nu susu bɔ amɛxe é zɔn nu susu wɛ é nɔ byɔ nu susu. ⁴⁹ Myɔ wɛ un bɔ ɖo anyigba lɔ ji nɛ gblɛ wlé. ⁵⁰ Un ɖo na do mawusin awuvɛ tɔn ɖé ta bɔ aji ce ɖo xo gblagblagbla kaka yi jɛ ganxemɛɛ nu na nyi mɔ ɖé. ⁵¹ Fifa wɛ un hɛn wa anyigba lɔ ji mi vɛ do Eeo ma ɖɔ na mi ɖɔmɔɖé vɔ lɔ gbemaɖokpɔ wɛ un hɛn wa. ⁵² Ɖo bɛsin din ɔ amɛ atɔɔn xe ɖo xwe ɖokpo lɔ gbe ɖé gbemaɖokpɔ na byɔƥ ye mɛ bɔ amɛ atɔn na fɔn gu ɖo amɛ awe ji alo amɛ awe na fɔn gu ɖo amɛ atɔn ji . ⁵³ Yé na ma tɔ na si té ɖo vi nyɔnuji bɔ vi nyɔnu na site ɖo nɔ ji. Asunɔ na sité ɖo vi si ji bɔ vi si na si té ɖo asunɔ ji. ⁵⁴ Jezu ɖɔ na togun lɔ san ga ɖɔ nɛ mi mɔ ji ɖo sin hweyixɔ mi nɔ ɖɔ ɖɔ ji na ja tlo lo din bɔ é nɔ ja nugbo . ⁵⁵ Nɛ jɛhɔn ɖe ɖo nyi sin axu ji be mi nɔ awufyɛ na gbɛ bɔ e nɔ wa. ⁵⁶ Yɛmɛnuwatɔ lɛ mi nɔ mɔ nukunnu jɛ gesi anyigba tɔn kpo jixwesin tɔn k po wu bɔ nakɛ e ka nyi bɔ mi ma ka mɔ nukunnu jɛ nu xe ɖo jɛ ɖo hwe mitɔn nu din ɖé wu a. ⁵⁷ Nɔwutu kɛ mi ma nɔ mɔ nukunnu jɛ xe sɔgbe na ɖokpo ɖokpo mitɔn lɛ ɖé wu a. ⁵⁸ Enyi ɖɔ amɛɖé ylɔ we kojo bɔ axwe hwɛ nukɔn lɔ tɛn kpɔn bo byɔ sisɔkɛ hwenu xe mi kpo ɖo alixo ɖe nɛ ma nyi mɔ a lɔ é na kplan we sɔ yi na ahwɛɖɔtɔ bɔ ahwɛɖɔtɔ na sɔ we sɔ yi na sɔjagan bɔ sɔ jagan lɔ na sɔ we sɔɔ yi do gankpamɛ . ⁵⁹ Ma ɖɔ na we ɖɔmɔɖé akwɛ xe ye gbo na we ɖé a ma su bi a ɔ a ka na tɔnsin gankpa lɔ mɛ kpɔn a.