¹ Hwɛ co bo yé na ɖu xwé xé nyi paki ɖéɔ jezu nyɔwɛnyi ɖɔ ganxixo wétn wa bɔ wé na jo sin anyihihɔn mɛ bo na yi wé tɔ dé xé é ɖo wan yinyi na amɛ xé lɛ nyi mɛ lɛ dé elɔn yé kaka sɔyi vivɔ nu. ² Do lɛgba ko sɔ do ji juda isikaliɔtu tɔn mɛ amɛ xé nyi simon sin vi ɖé do ninɔ mɛ xé wɛ éna sɔ sa jezu nyi ɖé. ³ Jezu nyɔwɛɛn nyi ɖɔ ko sɔ nu lɛ bii do alɔ wétɔn mɛ bɔ mawu dé wɛ un sin bo na lɛ lɛkɔ yi mawu dé . ⁴ Ecité sin nuɖu kplɔn lɔ kɔn bo ɖé awuun tɔn xɛ gidoɔ écɔ papa wu bo sɔ gba do alin. ⁵ Bɔ nɛ gido éyi basin ɖo aya wa gban mɛ bɔ éjɛ klɔ ɔ na nu kplɔn vi un tɔn lɛ ji bo nɔ sunsun kpo papa wu xé ésɔ gbaɖo alin dé kpo. ⁶ Ewa simon pyɛɛ de bɔ pyɛɛ nɛ bo ɖɔ axwétɔ hwiɔ wɛ n klɔ afɔ na un. ⁷ Jezu yi gbé nɛ nu xé un ɖo blo ɖé lɔ mi ka nyɔ wɛnyi ɖo din a vɔ mi wa nyɔ wɛnyi do nu kɔn mɛ. ⁸ Pyɛɛɖɔ nɛ bo ɖɔ aka klɔ afɔ cé lɛ na un gbé dé a jezu yi gbé nɛ bo ɖɔ nɛ nyɛn ma klɔ afɔ to wé lɛ na wé a ana mɔ alé dékpékpé do dali yé a. ⁹ Simon pyɛɛɖɔ nɛ bo dɔ axwétɔ ka nyi afɔ kɛɖɛɛ kɛ ana klɔ na un a ta ce kpo aba ce lɛɛkpo ga. ¹⁰ Jezu yi gbé nɛ bo ɖɔ amɛ xé lawu ɖé ɔ afɔ kiklɔ jin wɛ kpo nɛ bɔ éna klɔɔ u wu tu lɔ mi ko kɔn vɔ ka nyi mi mɛ biia . ¹¹ Do jezu nyɔn amɛ xé na sɔ wɛ sa ɖé nyi u wu tu wɛ éɖɔ mi mɛ bii ka kɔ à . ¹² Xé jezu klɔ afɔ na yé vɔ ɖé ɔ élɛ ɛdo awu un tɔn bo lɛ wa yi flanyi ɖé vo ké bo jɛ ɖi ɖɔ ji ɖɔ mi nyɔ nu xé un xé un blo na mi din ɖé nyi . ¹³ Mi nɔ yɔ un ɖɔ axwétɔ kpo cica kpo bɔ ni ɖɔ ɛ gan ji ɖo un wɛ un nyi. ¹⁴ Nyɛn amɛ xé nyi cica kpo axwétɔ kpo ɖé ɔ nɛ un klɔ afɔ na miɔ mi can mi na klɔ afɔ na mi ɖé ké lɛ ga . ¹⁵ Do nyɛn un blo mɔ bo sɔ na kpɔn dé wu mi na mi can na kpé wu bo nɔ blo mɔ na mi ɖéké lɛ ɖi alé xé un blo na mi gbɔn ɖé ɖɔ un. ¹⁶ Do nugbo nugbo mɛ nyɛ un ɖo ɖɔ na mi ɖɔ amɛ sɛntɔ ka hugan cica un tɔn a mɔ ké amɛ xé yé zɔn ɖéɔ ka hu gan amɛ xe zɔn ɛn ɖé a . ¹⁷ Nɛ mi nyɔn nu xé lɛ nyi lɔ be mi nyi do na nɔ lɛ nɛ mi gbɛ sɔ yé bo sɔ do walɔ mɛ lɔ. ¹⁸ Nyɛn un ka ɖo xo ɖɔ sin mi mɛ bii wua ɖo nyɛn un nyɔn amɛ xé un can lɛ ɖé nyi vɔ nyɛn un ɖo nu xé lɛ ɖɔ na xo lɔ na sɔ nyi cicɛ ɖo amɛ xé ɖo alɔ ɖo agban mɛ xɛ un ɖé ɔ é szé afɔgbɛnnu un cité . ¹⁹ Nyɛn un ɖo xé dɔ na mi do ɖin hwɛ hɛ co nɛ xé a wa wɛ mɛ nɛ éwa mɛ ɔ mi a kpé wu bo yisé ɖɔ nyɛn wɛ. ²⁰ Nugbo nugbo wɛ nyɛn un ɖo ɖɔ ɔ na mi amɛ xé yi unɖé yi amɛ xé un zɔn ɖé bɔ amɛ xé yi un ɖé lɔ éyi amɛ zɔn un ɖé é. ²¹ Hwé nuyé jézu ɖo mɔ ɖɔ ɖé ɔ écaka ɖo gbi gbɔ un tɔn mɛ bɔ éɖé kunnu bo ɖɔ nugbo nugbo nyɛ un ɖo ɖɔ na mi mi do mɛ tɔ ɔ ɖo kpo na sa un. ²² Nukplɔnvi untɔn lɛ jɛ yé déké lɛ kpɔn ji bɔ yé jɛ xo kan byɔ yé ɖéke lɛ ji ɖɔ mɛ xo wɛ jezu ka ɖo ɖɔ. ²³ Amɛ ɖokpo ɖo nukplɔnvi un tɔn lɛ mɛ xé jezu nyiwan na ɖé ésɔ ta un tɔn bo sɔ do akɔnu na jezu do kplɔn lɔ kɔn. ²⁴ Sinmon pyɛɛ blo gési do dé na nukplɔnvi nɛ bo ɖɔ na mi amɛ xé xo jezu ɖo ɖɔ dé. ²⁵ Nukplɔnvi nɛ xé gba ɖo jezu kɔ nu ɖéɔ ékan byɔ jezu sé ɖɔ axwétɔ amɛ nɔ kɛ. ²⁶ Nɛ gido jezu yi gbé nɛ bo ɖɔ amɛ xé wɛ un sɔ akpɔn nɔn kankan fifa sɔ na ɖe wɛ ɛ xé ezin kpɔn nɔ lɔ do asin mɛ vɔ ɖéɔ ésɔ wɛ na juda isikalɔtu amɛ xé nyi simon sin vi ɖé. ²⁷ Xé éɖu kpɔnnɔn lɔ vɔ ɖéɔ lɛgba byɔ juda mɛn bɔ jezu dɔ nɛ ɖɔ nu xé ajlo na blo ɖé blo é koba. ²⁸ Amɛ ɖékpékpé xé ɖo kplɔn lɔ wu ɖé ɔ ka nyɔn nu xé wutu jezu ɖɔ mɔ dé a. ²⁹ Amɛ ɖe lɛ vɛdo ɖɔ xé juda wɛ ɖo akwɛ gba lɔ ji ɖéɔ wutu jezu ɖɔ nɛ ɖɔ yi xɔ nu xé lɛ wɛ mi bo na sɔ ɖu xwé lɔ ɖé. amɛ ɖe lɛ vɛ sin ɖɔ un dé na wama mɔ mɔ lɛ wɛ sin. ³⁰ Xé yi kpɔn nɔ lɔ vɔ ɖɖé juda tɔn a zɔn ɖo kpo ɖo zan mɛ wɛ. ³¹ Xe juda jo yi déɔ jezu ɖɔ din ɔ agbɛtɔ vi lɔ yi gigo bɔ mawu can yi amɛ gigo ɖo vi lɔ mɛ. ³² Mawu na sɔ gigo sɔ nɛn ɖo u lɔ sumɛ bɔ é na nɛn gigo lɔ hadokpo tlolo. ³³ Yɔkpɔ cé lɛ é mi nyɛn lé xɛ mi ɖo jlɛ kpɛ vi ɖé mɛ na din un din alé xé un ɖɔ na jwifu lɛ gbɔn ɖé ɖɔ afixé un ɖo yi ɖé mi ka kpé wu bo na wa a ɖin ɔ un ɖo mɔ ɖɔ na mi wu lɛ can ga. ³⁴ Nyɛn un ɖo sɛn yɔyɔ na mi dɔ mi na yi wan na mi ɖé kélɛ ɖi aléxé un lɔn mi gbɔn ɖé ɖɔ un mɔ wɛ mi na lɔn mi de kelɛ gbɔn dé nɛn ga. ³⁵ Sɔ gbɔn nɛ mɛ wɛ amɛ lɛ na nyɔn wɛnyi ɖɔ mi nyi nukplɔnvi ce lɛ nɛ mi ɖo wanyinyi na mi wu ɖé ké lɛ lɔ. ³⁶ Simon pyɛɛ ɖɔ nɛ ɖɔ axwétɔ flé kɛ aɖo yi jezu yi gbe nɛ ɖɔ afi xe wɛ nyɛn un ɖo yi dé ɔ aka kpé wu bo na xo do un din a vɔ ana wa xodo un ɖo un kɔn mɛ . ³⁷ Pyɛɛɖɔ nɛ ɖɔ axwétɔ nɔ wutu un na kpe wu bo na xo do wé din a nyɛn un na sɔ agbɛ ce na wé. ³⁸ Jezu yi gbé nɛ bo ɖɔ hwiɔ ana sɔ agbɛ to wé na un do nugbo nugbo mɛɔ nyɛn un do dɔ na wé koklo ka na kun so hwɛ co bɔ ana gbɛ nu sin awuyé ye agbaa tɔn a .