¹ Ɖo zan anyizɛn jɛ nukɔn na paki, (egbɔn awuye ba wayi xwe) ɖe wɛ Jezu wa Betani ɖo afi xe Laza amɛ x efɔn sin amɛ kukulɛ mɛ ɖe tɛ ɖe , ² Ye blo nu ɖudu nɛ, bɔ Mata ɖo nuɖuɖu na ye bɔ Laza do amɛ xe ɖo kplɔn Wu, xɛ Jezu lɛ ɖe mɛ. ³ Mali sɔ celu ɖa gbe xe vɛ Jezu sin afɔ. Sunsun kpo taɖa untɔn kpo ji, bɔ xwé xe gbe ye te ɖe ɔ gɔ kpo wan celu lɔtɔn ⁴ Yuɖa Isikalyɔti xe nyi ɖokpo ɖo nukplonvi tɔ ɖo untɔnlɛ mɛ bo nyiamɛ xe flu ɖasi Jezu ɖe ɖɔ. ⁵ Nɔwutu ye manasɔ celu nɛ sa nyi caki kanwekodo atɔn bonasɔ akwɛ nɛ sɔ yi ma na wamamɔnɔlɛ á jà lɛ. ⁶ Ka nyi enɔ wlebo na wamamɔnɔ lɛ wutu kɛ eɖovɛ e ɖo mɔ ɖɔ á vɔɔ lɔ ajoto wɛ e nyi ɖo alɔ untɔnmɛ wɛ akwɛɖakavi lɔ nɔ nɔ̀ bɔ e nɔ sɔ xe jlwe ɖe ɖo xe d'emɛ ɖe wu. ⁷ Jezu ɖɔ, "mi jo e ɖo xwii, ɖo eblo xe na nukun ɖido kuzangbe ce wutu. ⁸ Wamamɔnɔlɛ naɖò midètɛgbɛ, vɔ lɔ nyɛ, ka nàɖo mide tɛgbɛɛ á". ⁹ Juɖanu gbogbooɖe se ɖɔ Jezu flɛn bɔ ye wa amɔ kanyi Jezu wutu kɛɖɛ kɛ ye wa ɖo á̀, amɔ ye din na mɔ Laza xe Jezu fɔn sin amɛ kuku lɛ mɛ ɖe ga. ¹⁰ Vɔsatɔ ɖaxolɛ blase vivɛɛɖe bo jlo nahu can Lazaa can. ¹¹ Ɖo Laza wutu wɛ Juɖanu susu ɖo hɔn jo yee do bo wa ɖo nuɖi na Jezu. ¹² Ɖo anyihɔngbe unlɔnlɔ amɛ susu wa xwé lɔ ɖu tɛn. Xe ye se ɖɔ Jezu jiya Jeluzalɛmu ɖe ɔ, ¹³ ye sɔ ademalɛ bo tɔn, bo na yi ɖogoe bo ɖo axwado bo nɔ ɖɔ ozana! Nyɔnanɔ wɛ nyi amɛ xe jiya ɖo unkɔ axwetɔ axɔsu Izlayɛli tɔn mɛ ɖe. ¹⁴ Jezu mɔ osɔ kpɛvi ɖe bo flɛn anyi ɖe ji, ɖi alexe ye ko ko wlan gbɔn de ɖɔwun. ¹⁵ "Nɔkpɔn o na ɖibu bo Zion nyɔnuvi, kpɔn, axɔsu twe jia, bo flɛn anyi ɖo osɔ kpɛvi ɖeji." ¹⁶ Nukplɔnvi un tɔ lɛ ka mɔ nujɛ nu xɛ lɛ mɛ trodo à́ amɔ xe ye sɔ Jezu sù vɔ ɖe lɔ yewa flin ɖɔ ye ko wlan nu xe lɛ dewu ɖ'anyi san: nu xe ye wlan ɖo wema mimɛ lɔ mɛ ɖe wɛ togun lɔ blo pɛɛ. ¹⁷ Ɖiɔnɔamɛ gbogbo xe ɖo kpɔ xɛ Jezu ɖo hwenu xe e ylɔ Laza sin yɔ domɛ bo fɔn ɛn sin amɛ kuku lɛ mɛ lɛ ɖe yi ɖe kunnu na amɛ ɖevolɛ. ¹⁸ Nuxe wutu agbɛtɔ susu nyi ahwan bo wa dogo e ɖe nɛ ɖo ye se ɖɔ e do nu mɔwunkɔtɔn asin. ¹⁹ Falisinu le, ɖɔ ɖoye ye ɖekelɛ mɛ, bo ɖɔ "mikpɔn mi ka kpe nu ɖe wa wu, à́ mikpɔn, amɛlɛ bi wɛ jɛ giɖo nɛ. ²⁰ Din ɔ glɛkinu ɖeelɛ ɖo amɛ xe xwe sinsɛngɔ lɔ ɖutɛnlɛ ɖe mɛ. ²¹ Amɛ xe lɛ wa Filipu xe ɖo Betaida do Galile ɖe de, bɔ ye ɖe kuku nɛ bo ɖɔ, "amɛɖaxo din na mɔ Jezu." ²² Philipi wa, yi ɖɔ na Andre bɔ Andre kpo Filipu kpo yi ɖɔ na Jezu. ²³ Jezu de wu na ye bo dɔ "ganxixo lɔ ko su nɛ ye na so vi agbetɔ tɔn lɔ sɔ sú ù. ²⁴ Nù́gbo maɖɔ na mi ɖɔ hwenu gbade kun ɖokpo majɛ anyi bo ku á ɖe jan'e nɔ nyi kun dokpo amɔ̌ nɛ eku alo evo janwɛ lɔ e nɔ sɛn kun susu hugan. ²⁵ Amɛxe yiwan na agbɛ un tɔn ɖe na bui, bɔ amɛ, xe do vɔnu na agbɛ untɔ ɖo agbɛmɛ fi ɖe na jla ɛ ɖo na agbɛ mavɔ mavɔ. ²⁶ Vɛ amɛ ɖe ɖo sɛn un lɔ nɛ xodowun, bɔ afixe un té ɖe flɛn wɛ amɛsɛntɔ ce lɛ na nɔ ga, nɛ amɛ de do sɛnwun lɔ, atɔ ye na . Sɔ ɛ sɔ sú ù ²⁷ Alin dɔn ce ɖo xwixwe sa ɖo ganxixo xe mɛ na un na ɖɔ gbɔ? "Atɔye hwlɛn un ɖo awuvɛsise sin ganxixo xe mɛ? Amɔ ganxixó xe wutu wɛ un wa. ²⁸ Atɔye sɔ nyikɔ twe sɔ su "gbe ɖe ɖi bo ɖɔ un ko sɔ'ɛ su bo ka lɛ sɔɛ, su kee" ²⁹ Nɛ gido togun xe ɖo xe ɖo akpa nɛ bo se ɖe ɖo ɖɔ jixwesin wɛ dogbe. Amɛ ɖee ɖɔ awɛnsagun ɖe wɛ dɛ xo nɛ ɛ. ³⁰ Jezu yi gbe na ye bo, ɖɔ na ye bo ɖɔ "nyɛ kɛ gbe xe wa na ǎ amɔ mi lɛ wu tu wɛ ewa ɖo. ³¹ Din lɔ kojo ɖiɖo agbɛ xe tɔn wɛ: lo bɔ agbe xe sin axɔsu lɔ e na nyi nyinya. ³² Bɔ nɛ ye ze nyɛ yi aga sin anyigba ji lɔ un na dɔn agbɛtɔ lɛ bi hɛnwa daliye ("wa nyɛ ɖeke de"). ³³ E ɖɔ xe, bo sɔ ɖe ɖo xlɛ okuxe unkunmɛ wɛ ena ku ɖe. ³⁴ To gun lɔ yi gbe nɛ, bo ɖɔ "Mise ɖo sɛnlɔ mɛ ɖɔ klisi na nɔ agbɛ kaka sɔ hɛnyi mavɔ mavɔ. Nakɛ a ka ɖo xwe bo ɖɔ " e na ze vǐagbɛtɔ tɔn yi aga sin anyigba lɔ ji? Amɛ nɔke nyi vi gbɛtɔ tɔn nɛlɔ bɔ a ɖo ɖɔ?" ³⁵ Nɛ ɔɔ Jezu ɖɔ na yee ɖɔ "hinhon lɔ ɖo mi mɛ kee na azan susu. Mi zinzɔnlin ɖo gan xe mɛ hinhɔn tiin na mi ɖe na nɔkpɔ zɛflun na wa wle mi bo. Ɖo amɛ xe ɖo zɔnlin zin ɖo zɛflunmɛ ɖe ka nyɔ fi xe e xwe ɖe nyi ǎ. ³⁶ Mi ɖinu na hinhɔn lɔ ɖo naxe miɖe e xwe ɖe na mi akpewu huzu hinhɔnvi lɛ." Jezu ɖɔ xo xelɛ vɔ bo wa yi bɛ do yee ɖo kaka dɔn ɖaa. ³⁷ Bɔ̀ mǒ xe Jezu blo nǔ susu be ɖe gesi susu xlɛ yee can ɖe ɔ ye ka ɖinu nɛ'ɛ ǎ. ³⁸ Na xo xe ɖɔdanyi ɖɔtɔ Ezayi ɖɔ ɖe na kpewu wa cicɛ mɛ ɖi alexe e ɖɔ xwe ɖ'anyi ɖe "Axwetɔ amɛ nɔkɛ ɖinu na gbeɖiɖo mitɔnlɛ? Amɛ nɔkɛ kpewu mɔ axwetɔ lɔ sin alɔ alo abǎ?" ³⁹ Nɛ wutu wɛ zɔn bɔye ka na kpe wu bo ɖinu ǎ ɖo Ezayi ɖo ɖɔ kee ɖɔ ⁴⁰ "E gba nukun yetɔnlɛ bo hɛn ayixa yetɔn lɛ sinyɛ e doxle ɖɔ ye na mɔ kpo nukun yetɔnlɛ kpo lɔ e na byɔ ayi yetɔnlɛ mɛ bɔ ye na lɛkɔ wa bɔ un na gbɔ azɔn na yee." ⁴¹ Ezayi ɖ ɔnuxe lɛ ɖo emɔ, susu Jezu tɔn, bo dɔxo siin wu. ⁴² E ɖo mɔ co gǎnlɛ susu ɖinu nɛ'ɛ vɔɔ ɖo Falisinulɛ wutu ɔ ye kɔnnɔ kpe wu bo nɔ hwinmɛ ǎ ɖo ye nawa ɖe ye sin kplekple yetɔnlɛ mɛ wutu. ⁴³ Ye yiwan na kpikpa agbɛtɔ lɛ tɔn sɔ wugan kpikpa xe sin Mawu ɖe, ɖe. ⁴⁴ Jezu daxwa bo dɔ "amɛ xe ɖi nu nawun ɖe, nyɛ ɖokpo kɛ edinu na ǎ, e ɖinu na amɛ xe zɔn un ɖohlan ɖe ga. ⁴⁵ Bɔ amɛxe ɖo mɔwun ɖe e mɔ amɛ xe zɔn un ɖo hlan ɖe. ⁴⁶ Un waɖi kanlingbɛn anyihɔn tɔn ɖɔwun, nɛ amɛ ɖekpekpe, xe na ɖinu na un ɖe, xe na ɖinu na un ɖe, ka na lɛ nɔ zinvlu mɛ ba. ⁴⁷ Nɛ amɛ ɖe ɖoto xo celɛ, bo maso yee sɔ do azɔn wiwa mɛ ǎ, lɔ nyɛ ka na da ahwɛ ɛ ǎ do un ka wa bo b na wa ɖo kojo na anyihɔn lo ǎ amɔ un wa bo na wa hwlɛn'ɛ gan wɛ ⁴⁸ Amɛ xe gbɛwan na un bo ma yi xo celɛ hɛn a ɖe ɔ e ɖo amɛ ɖe bɔ e ɖo amɛ ɖe bɔ e ɖo kojo ɖo xɛ'ɛ: xo xe un ɖo ɖɔ ɖe wɛ ɖo kojo xɛ ɖo azan dokpwetɔn gbe. ⁴⁹ Ɖo un ka ɖɔ xo sin jlo ce mɛ ǎ ehumɔ lɔ atɔye xe ɖo un ɖohlan ɖe wɛ nawun acɛ xo ɖiɖɔ tɔn sin xo xe un ɖo naɖɔ lɛ ɖe wu, ⁵⁰ Un nywɛnyi ɖɔ sɛn untɔn lɔ agbɛ mavɔmavɔ wɛ enyi e ɖo mɔ lɔ nǔxe un ɖo ɖɔlɛ ɖe lɔ un ɖo yee ɖɔ ɖi alexe atɔye lɔ ɖɔ na un xwe ɖe ɖɔwun mɔ pɛɛ wɛ u ɖɔ'ɛ xwè