¹ Nɛ nyi Mawu fɔn mi sin ku kpo klisu kpo lɔ din agaxomɛ nu lɛ fixe klisu flɛn anyi te ɖo Mawu sin a ɖisi mɛ te ɖe. ² Mibu nuxe ɖo aga(jixwe) lɛ ɖe kpɔn kanyi nuxe ɖo anyigba ji ɖe à. ³ Do miku bɔ yéhwla agbɛ mitɔn ɖo klisi mɛ ɖo Mawu mɛ. ⁴ Hwenu klisi xe nyi agbɛ mitɔn ɖe nawaze ɖe lɔ mii can mi na ze xɛ ɖo susu lɔ mɛ. ⁵ Enyi mɔ lɔ mi bo gu kun na nuxe do anyigba ji fi lɛ ɖe yée wɛ nyi. Agalilɛ nuxoɖi xoɖi wiwa agbaza mitɔn sin jlo lɛ jlo nylanyla kpo nu mɔ ma ɖe nuku sii wu kpo d nukun ci nuwu lɔ hunsinsɛn . ⁶ Nu xe lɛ wutu wɛ xo mɛ sin Mawu tɔn nɔwa amɛxe manɔ se tonu nɛ a lɛ ɖe ji. ⁷ Nu mɔwunkɔ tɔn lɛ mɛ wɛ mii can miɖo zɔnlin zin te san ɖo gan xe mɛ miɖo agbɛ ɖo yée mɛ ɖe. ⁸ Amɔ din ɔ miɖo alɔ sin nu nɛ lɛ bi wu nɔkpɔn mi a sin xomɛ bo nɔkpɔn mi a do xomɛsin na amɛɖe bo nɔkpɔn mi a nɔ ɖo ayixa nyla nyla ɖe bo amɛzunzun kpo xo nyla nyla ɖiɖɔ kpo nɛ nɔ zɔ na mi. ⁹ Nɔkpɔn mi a nɔ ɖo alɛlo na mii ɖeke lɛ bo ɖo miko tɔsin agbɛtɔ xoxo lɔ kpo walɔ untɔn lɛ kpo mɛ. ¹⁰ Din lɔ miyi amɛyɔyɔ xe ɖo aɖe ke ɔ lɔ gbɔn wa yɔyɔ ɖo mi mɛ ɖe sɔ do sɔ gbɔn nunywɛ xe sɔxɛ ɖo e ɖe mɛ ɖe. ¹¹ Gbɔn nɛ mɛ wɛ amɛɖe kanyi glɛki jwifu adagbotɔ atɔtɔnɔ kannumɔ xwevi amɛjo amɛ ma hun nukun à amɔ klisi wɛnyi nulɛ bi boɖo mii mɛ. ¹² Misɔ nu ɖi amɛ cincan Mawu tɔn lɛ ɖɔwun mimɛ kpo wan yiyi mɛ kpo ɖo xo mɛnyɔ sin kunkanmɛ kpo alɛnukpɔn namɛ amɛɖeke sɔhwe fifa kpo sɔxwixwe kpo. ¹³ Minɔ mii ɖeke lɛ wu ɖo nɔvi kpo nɔvi kpo mɛ hun xomɛ mii ɖeke lɛ wu ɖo nɔvi kpo nɔvi kpomɛ nɛ amɛɖe jɛ agɔ do nɔviɔ lɔ hwɛ sɔkɛ nɛtiin ɖi alexe axwétɔ lɔ sɔkɛ mi xwe ɖe ɖɔwun. ¹⁴ Do nuxe lɛ bi sin ta lɔ mi ɖo wan yiyi xe nyi nusɔgbe kpegan lɛ bi sin nyɔ na ɖe. ¹⁵ Fifa klisi tɔn nɛnɔ ayixa mitɔn lɛ mɛ ɖo fifa xe utu wɛ yeylɔ mi ɖo agbaza ɖokpo lɔ mɛ mido gesii . ¹⁶ O xo klisi tɔn nɛnɔ mi mɛ kpo dɔkun untɔn bi sese kpo ɖo nunywɛ lɛ bi mɛ mikplɔn nu mii ɖeke lɛ bo nɔ xo aɖɛ na mii ɖeke lɛ kpo kanjiji alo gbigbɔ mɛ hanjiji lɛ kpo minɔ ji han na Mawu kpo ayixa xe hun xomɛ ɖe kpo. ¹⁷ Na nuɖe kpe kpe xe mina wa ɖo xoɖiɖɔ mɛ alo alɔ nuwiwa mɛ ɖe lɔ miwa bi ɖo nyikɔ axwétɔ jezu tɔn mɛ minɔ d'akpɛ na Mawu tɔ lɔ gbɔn wɔ ji. ¹⁸ Nyɔnu lɛɛ misɔ mi ɖe ke lɛ hwe na mi su lɛ ɖi naxe esɔxɛ xwe ɖe ɖo axwétɔ lɔ mɛ. ¹⁹ Mi sunnu lɛ can mi yi wan na mii si lɛ nɔkpɔn mi a nyi nuvivɛ ɖo hlomɛ na yee bo. ²⁰ Vi lɛ mise tonu na ajitɔ mitɔn lɛ ɖo nulɛ bi mɛ ɖo nu vivi ɖe wɛ nyi xe ɖo axwétɔ lɔ mɛ. ²¹ Ajitɔ lɛ nɔ kpɔn mi a nɔ din xo vi vi mitɔn lɛ nu nqa kanmɛ atun yee bo. ²² Kannumɔ lɛ mi si axwétɔ mitɔn lɛ ɖo agbaza mɛ ɖo nulɛ bi mɛ kanyi nukun yétɔn mɛ kɛɖɛ bo nanyɔ nukun yétɔn mɛ à amɔ kpo ayixa nugbo ton kpon miɖibu si Mawu. ²³ Nuɖe kpe kpe xe minawa ɖe lɔ mi wɛ sin ayixa mitɔn lɛ mɛ ɖi axwétɔ. ²⁴ Minywɛ ɖɔ mi ɖo cinnɔ ɖe yi ɖo axwétɔ lɔ de ɖo atɛn untɔn mɛ axwétɔ jezu wɛ miɖo bo le nà a. ²⁵ Do amɛɖe kpe kpe xe ɖo hwɛ majɔmajɔ mɛ ɖe nayi axɔsu ale hwɛ majɔ majɔ tɔn bɔ yeka naɖe amɛɖe ɖovo à