¹ Do un din ɖɔ mi a nywɛ ɖɔ azɔn xe un ɖo wa na mi lɛ ɖe klo na laodisenu lɛ na amɛɖevo ɖee xe ma mɔ nukun ce mɛ kpɔn ɖe. ² Un ɖo azɔnwa na ayimɛ yetɔn lɛ na kpewu mɔ awusyɛn sɔgbɔn kplekple ɖo wan yiyi mɛ ɖo dɔ kunnu lɛ mɛ ɖo jiɖiɖe adodowe nu mɔ jɛnnmɛ tɔn nunywɛ xonugbo hwlahwla Mawu tɔn tiin mɛ untɔn wɛ nyi klisi. ³ Wɔ mɛ wɛ ye sɔ dɔkun nunywɛ tɔn nukunnumɔ jɛ nu mɛ tɔn lɛ hwlaɖo. ⁴ Un ɖɔ xe na mi na nɔkpɔn amɛɖe na kpewu flu mi sɔ gbɔn xomaɖixo lɛ mɛ bo. ⁵ Un ka ɖo mi de ɖo agbaza mɛ a vɔɔ un ɖo mi de ɖo gbigbɔ mɛ. ji nɔ jɔ un nɛ un mɔ gbeɖiɖe mitɔn gbɔn nuɖiɖi mɛ ɖo klisi mɛ. ⁶ Mɔ ha ke mi yi klisi axwétɔ lɔ mi zinzɔnlin demɛ. ⁷ Mi do aɖɔ do demɛ ganji mi tun miɖeke lɛ ɖo klisi mɛ mi blo mi ɖeke lɛ ɖo ɖo nuɖiɖi mɛ ɖi ale xe ye kplɔn mi gbɔn ɖe bo nyɔ nu xe Mawu ɖo wa na mi ɖe nyi ganji. ⁸ Mi cɔ mi ɖeke lɛ na nɔkpɔn ameɖe na wa sɔ amɛblɛblɛxo xo maɖixo nunywɛ amɛlɔsutɔn ɖe sɔ do gɛdɛ mibo nunywɛ nɛ ɔ nukplɔn amɛ agbɛtɔ lɛ tɔn ji wɛ eflɛn bo lɛ flɛn zɛnvlumɛ hlɔnhlɔn agbɛ ɔ mɛ tɔn lɛ ji e ka flɛn klisi ji a nɔkpɔn mi a ɖoto yee bo. ⁹ Do nu xe Mawu nyi ɖe ɔ bisese ko yi gbaza ɖo klisi mɛ na Mawu na nɔ klisu mɛ bisese ga. ¹⁰ Bɔ mi yi nu lɛ kpoo sese ɖo kpɔ xe mi te xɛ klisti lɔ ɖe mɛ. wɔ wɛ ɖo ta na gan lɛ bi kpo acɛkpikpa lɛ bi kpo. ¹¹ E ko gbo ada na mi ɖo kpɔ xe mi te klisti ɖe mɛ. E ka nyi ada xe agbɛtɔ lɛ nɔ gbo na amɛ ɖe kɛ a vɔɔ ada xe klisti nɔ gbo na amɛ ɖe wɛ bɔ e ɖe mi sin agbaza mitɔn agɔjijɛtɔ lɔ sin acɛ mɛ . ¹² Do nugbo mɛɔ a e ɖɔ Mawusinta na mi e ɖi mi kpo klisti kpo bo lɛ fɔn mi kpo e kpo sin ku sɔ gbɔn nuɖiɖi na Mawu xe fɔn sn ɖe sin hlɔnhlɔn mɛ. ¹³ Danyisan amɛkuku wɛ mi nyi ɖo agɔjijɛ mitɔn wutu ɖo mi ka nyi jwifu a mi ka nyɔ Mawu sɛn lɛ nyi a vɔɔ din loɔ Mawu blo mi lɛ wa agbɛ kpo klisti kpo bɔ e sɔ agɔjijɛ mitɔn lɛ kɛ mi . ¹⁴ WE ma xe mɛ e wlan agɔjijɛ mitɔn lɛ ɖo bo ɖo ahwɛ do mi ɖe ɔ bɔ titu tɔn lɛ ma sɔgbe xɛ a ɖe Mawu ka wema lɔ ɖo akluzu ji bo sunsun agɔjijɛ mitɔn xe deji lɛ ɖe bisese. ¹⁵ Klisi yi hlɔnhlɔn sin gan lɛ kpo acɛkpikpa lɛ kpo si sɔ gbɔn ku xe eku ɖo akluzu ji ɖe gblamɛ eɖu ɖo yee ji bo bɛ yee nyi togunmɛ agbawungba bɔ ye huzu nukpinkpɔn. ¹⁶ Hun enyi mɔlɔ nɔkpɔn mi a lɔn na amɛɖe na ɖɔ na mi ɖɔ nuxe wɛ nyɔ bɔ mi na ɖu alo xe ɔ wɛ nyɔ bɔ mi na ɖu eglo lɔ xwe zan xe wɛ mi na nyi alo sunzan jɛ ale alo sun waji alo gbɔjɛzan lɛ. ¹⁷ Nu nɛ lɛ nyi alindɔn nu xe na wa lɛ ɖé tɔn vɔ vɔ loɔ klisi wɛ nyi nujɔnu lɔ. ¹⁸ Nɔkpɔn mi a jo mɛ xe jlo amɛ ɖe ke sɔ hwe kpo sinsɛn kpo ɖe do bo awɛnsagun Mawutɔn lɛ na su axɔ untɔn mi. ¹⁹ Amɛ mɔwunkɔtɔn byɔ nu xe e ɖɔ mɔ lɛ ɖe mɛ bo nɔ huzu goyit gbɔn nunywɛ agbaza mɛtɔn mɛ. ²⁰ E nyi mi ku xɛ klisi na walɔ ayi hinhɔn mɛ tɔn lɛ ɔ hun nɔwutukɛ mi ɖo agbɛ ɖii amɛ xe ayi hinhɔn mɛ ɖo nukun tɛn ɖo ta na ɖe ɖɔ wun. ²¹ Nɔkpɔn aa zɛɛ bo nɔkpɔn aa tɔ aɖɛ bo nɔkpɔ aa tɔ alɔ bo. ²² Nù nɛ mɛ bisese nyi amɛblɛɖu ɖo zinzan yetɔn mɛ ɖi agbɛtɔ lɛ sin sɛn kpo nukplɔn amɛ yetɔn lɛ kpo. ²³ Do nugbo mɛ ɔ ekpɔn sɛn nɛ lɛ mɛ ɔ enɔ mɔ ɖɔ munywɛ demɛ ɖo ye nɔ ɖɔ ɖɔ amɛ lɔsu sinsɛn mɛ can amɛ ɖeke sɔhwe kpo yadona amɛlɔsu sin agbaza kpo sin xo. vɔ loɔ ye ka ɖo wunjijɛ voɖe kpan nukɔn jlo agbaza tɔn lɛ a.