¹ Xé Paulu dɛbe kpo Listra, emɔ nukplɔnvi dé do flɛn nɛ unkɔ un tɔn nɔ nyi Timɔti bɔ nɔnɔlɔ nyi Junu bodinu, bɔ otɔ lɔ nyi hɛlanu lɛ. ² Ŋɔvi xe lɛ Listra kpo Ikoni kpo de kun nu dagbé sin wu. ³ Amɛ mɔ un kɔtɔn wɛ Pɔlu do di nɛ ye kpe dewu bɔ ekplɛn, bo gbo adanɛ, do junu lɛ xé do flɛn nɛ de wutu, do ye mɛ bii nyɔɛnyi bo dɔ atolɔ hɛlanu lɛ wɛ enyi. ⁴ Hwé nu , yé do tolɔ mɛ gbɔn deɔ yé dɔ xo nugbo tɔn lɛ xé Aposolo lɛ kpo amɛxo aguntɔn lɛ xé do Jeruzalɛnu dɔlɛ de, nɛ yea wlé yé mɛdo asi sɛnsɛn de. ⁵ Ɗiɔn rɔrɔ wa na agun lɔdo nudidi mɛ bɔ xixia mɛ yé tɔn do su déji do hwé lɛ bi kpo nu. ⁶ Pɔlu kpo amɛ xé xodowé lɛ kpo yé gbɔn fliji kpo Galati sin amɛnganxolɛ jo, bɔ gbibɔ wiwé su ali do yé, dɔ nɔ kpɔn yea dɔ Mawu xo na do Azibo. ⁷ Xé yé wa Misi nugla mɛ deɔ ye tɛn Bitini yiyi kpɔn, vɔ Jezu sin gbigbɔ ka na yé ali a. ⁸ Bɔ yé gbɔn Misi wu bo yi tloasi. ⁹ Pɔlu mɔ numimɔ dé do zan mɛ, bɔ Masedwani sunnu dé wa cité, bo do kuku dé nɛ bodo, nɛ so axulɔ ba wa Masedwani nɛ yé a hlɛn mi gan. ¹⁰ Xé Pɔlu mɔ, nu mimɔlɔ deɔ, azɔn dokpo ye di dɔmi a yi Masedwani do ye mɔnu jɛ wu dɔ Mawu wɛ yɔ mi, bodɔ mi dɔ xo lɔ na yé. ¹¹ Ɗiɔ mi dohun bo wa tlaasi xé gogo Samotlasi kéé, bɔ anyihɔn do ye, bɔ yé wa Neapolisi. ¹² Bɛ sɛn flɛn un wɛ mi wa Filipi xenyi Masedwani sɛn anyigba xé nyɛ tohɛtɛhɛtɛ tɔn bo nyi Romanulɛ sɛntotutu, bɔ mi nɔ to nɛ mɛ na azan kpɛde. ¹³ Ɗo Sabti sɛn anyihihɔn mɛ, un tɔn sɛn to lɔ mɛ bo yi tɔnu, afi xe mi lɛ, vɛdo dɔ enyi adɛxotɛn ye tɔn, bɔ mi flɛn anyi, nɛ madɔxo na nyɔnu, xe wa kpa ta lɛ dee. ¹⁴ Ŋyɔ nu dé sin unkɔ nɔ nyi Lydi, bo nɔ jla adabɛ, bo sɛn to Tyatii mɛ, bo nɔ sɛn Mawu, edo todo mi bɔ axwétɔhun ji tɔn, bɔ edo todo nu xé Pɔlu dodɔ lɛ gan ji. ¹⁵ Xé edasi ta un kpo ahwédo un tɔn kpo vɔdéɔ, ebiɔ nuxé sin mi dé, bo dɔ nɛ mi kandé ji dɔ un, nyi amɛ kandeji na axwétɔ lɔ, bɔ mi dɔ nugboɔ, mi bowa hwécegbé nɛ mi a nɔflɛn bɔ ezi yé ji. ¹⁶ Ewa wɛ mɛ xé mido yi adɛxotɛn déɔ nyɔnu jɔ un jɔjia dé xé mɛ gbigbɔ afakikan tɔn té dé, wa dogo mi, amɛ nɔ na bɔ xwé un tɔn gbé mɛ lɛ nɔ mɔ nususu sɔ gbɔn afakikan un tɔn mɛ. ¹⁷ Ŋyɔnu mɔ un kɔ tɔn jɛ Pɔlu kpo mi kpo gido bodo xa do, dɔ amɛ xé lɛ lɔ yé nyi Mawu jixwésim tɔn, sin amɛ zɔnzɔn lɛ, amɛ xé lɛ wɛ do hlɛnga sin xo dɔ na mi. ¹⁸ Ŋyɔnu lɔ do mɔ dɔ na azan susu, bɔ esɛnxo mɛ na Pɔlu, élɛkɔ bodɔ na gbigbɔ un do sɛn na wé Jezu Klisi sin un kɔ mɛ, vodɔ tɔn sin mɛ, bɔ azɔn dokpo gbigbɔ lɔ tɔn do ganxixo nɛ mɛ. ¹⁹ Xé xwé un tɔn gbé nu lɛ ye mɔ bo dɔ nuxé nɔ dé alé na mi, tɔn sin mɛ deɔ, yé wlé Pɔlu kpo bo kplan yé, bosɔ yi tolɔ sin kpikple tɛn do axɔsu lɛ unkun mɛ. ²⁰ Xé yé kplan yé́ bosɔ yi hɛ dɔtɔ lɛ un kun mɛvɔ déɔ, ye dɔ amɛ xé Junu lɛ wɛ yé nyi bo do hun nyan nyan wa to lɔ mɛ, na mi. ²¹ Yé do nuxé ma sgbe al dé kpln mi bodɔmi nɛ yi jisé bowlé unkun do yé wu, do nu zɔn deɔ Romanulɛ mi nyi ²² Ɗiɔ to gun lɔ cité do Pɔlu kpo Silasi kpo wu, bɔ hɛdɔtɔ lɛ zɛ awu yé tɔn lɛ, bodo sɛn dɔ yé nɛ xo kpo ati kpo. ²³ Xé yé xo ́yévɔ, yé sɔ ye yi do gankpa mɛ, bo dɔ na gankpa nu cɔtɔ lɔ, bo dɔ nɛ cɔ yé ganji i. ²⁴ Xé wɔ yi sɛn xé dɔ esɔ́ yé bosɔdo gankpo xé do atɛntɛn dé mɛ, bo sɔ kpɛ un kpɛ do afɔ na yé. ²⁵ Ɗo zanxoxo mɛ, Pɔlu kpo Silasi, yé do adɛ xo, bo ji kpikpa han lɛ na Mawu, bɔ gan mɛ nɔtɔ lɛ do flɛn bo do yé kpɔn. ²⁶ Ɗo gan xixo nɛ mɛ hunhun gangan dé wa bɔ ganxixo lɔ sɛn bibɛ hwenu hɔ jɛmɛ, bɔ azɔn do kpo ahɔnlɛ yé hun yé deké lɛ, bɔ amɛ bii sin gan lɔ tun sin yé wu. ²⁷ Bɔ xé gankpa nu cɔtɔlɔ fɔn sin amlɔ mɛ bo mɔ dɔ gankpa lɔ, sin hɔnlɛ do hunhun deɔ edi hwi bo na hwu adeke lɔ. ²⁸ Pɔlu daxa kpo gbé sɛnsɛn de kpo bodɔ nɔ kpɔn ablo bada dé xɛ ade ké wé bo, do mi mɛ bii mi do fi xé. ²⁹ Bɔ ganxɔ ji kpɔn tɔ lɔ, biɔ kanrigbɛn, bo blo kaba kaba é yi xɔlɔ mɛ, bo jɛ sisɔsisɔ ji, boyi jɛ klo do Pɔlu kpo Silasi kpo fɔnu. ³⁰ Bɔ ekplan yé tɔn bo dɔ, axwetɔ nɔ un na wa bo na mɔ hlɛngan? ³¹ Yé dɔ nɛ dɔ, di nu na axwétɔ Jesu na amɔ hlɛngan kpo xwétowe kpo. ³² Yé dɔ axwétɔ sɛn xo nɛ, un kpo amɛ xé lɛ kpo do xwé un tɔn gbé lɛ de kpo. ³³ Ganxixo ji kpɔn tɔ lɔ kplan yé do zan nɛ mɛ do ganxixo nɛ mɛ, boyi bla mlɛn lɛ na yeé bɔ yé dasita na, un kpo xwétɔn gbé nu lɛ kpo. ³⁴ Ganxixo ji kpɔn tɔ lɔ kplan Pɔlu kpo Silasi kpo yi xwé un tɔn gbé bo na yé nududu, bɔ jijɔɛ gan gan dé wa un kpo xwé un tɔn gbé amɛ lɛ kpo ji, do ye mɛ bii dinu na Mawu. ³⁵ 35 Xé ayihɔn dé, hɛdɔtɔ lɛ ye zɔn amɛ dó hlan ganxɔ kpɔn tɔlɔ, bodɔ mi jo amɛ lɛ do, nɛ ya jo. ³⁶ Ganxɔ ji kpɔn tɔlɔ wa yi dɔ xo xé lɛ na Pɔlu, bo dɔ, hɛdɔtɔ lɔ lɛ zɔn amɛ do hlan un bo dɔ ma jo mi do nɛ mi a jo di, diɔn mi na jo do vivo mɛ. ³⁷ Vɔ Pɔlu dɔ, yé xo mi do ablɔ mɛ, mi amɛ xe nyi Romanu lɛ xé ma wa nu bada dekpekpe a deɔ, bɔ ye sɔ mi yi do gankpa mɛ, diɔ yé na wa dé mitɔn do bibɛ mɛa? gbéde ka nyi mɔa! yé lɔsu lɛ nɛ wa bo wa de mi tɔn>> ³⁸ Azɔn vilɛ yé lɛwa, bowa dɔ xo lɛ bii na hɛdɔtɔlɛ, bɔ bu jɛ yé ji, do yé se dɔ Pɔlu kpo Silasi kpo nyi Romanu lɛ. ³⁹ Hɛdɔtɔlɛ yé wa dekuku na yé, bɔ xé yé tɔn sin gankpo lɔ mɛ dé, yé biɔ sin Pɔlu kpo Silasi kpo dé dɔ yé nɛ tɔn sin tolɔ mɛ na mi ⁴⁰ Pɔlu kpo Silasi kpo yé tɔn sɛn gankpa lɔ mɛ bo kponta Lydie Sɛn xwé gbé, xé Pɔlu kpo Silasi kpo yé yi flɛn nɛ deɔ, yé mɔ nɔvilɛ, bɔ yé fa ji na yeé, bɔ nɛ gido yé jo sin to lɔ mɛ.