¹ Amɛɖé lɛ sin Judé bo wa ɖo nukplɔn nɔvi lɛ bo ɖɔ nɛ a ma gbo ada sɔ gbɔn mɔsé sin sɛn ji a lɔ aka a mɔ whlɛngan a. ² Pɔlu kpo barnabasi kpo gbɛ xo yetɔn bɔ yé dɔn nu xɛ yé susu nɔvi lɛ wa sɔ gbeta ɖokpo bo ɖɔ Pɔlu barnabasi kpo nɔvi ɖe lɛ kpo na yi jeruzalɛm bo yi mɔ amɛzɔnzɔn lɛ kpo amɛganxo lɛ kpo ɖo xo lɔ wutu. ³ Xé cɔci lɛ zɔn yé ɖoran ɖe ɔ yé gbɔn fenisi kpo samari kpo bo ɖɔ na mayisenɔ lɛ yi Mawu ji se gbɛn ɖé enyi xomɛ jijɔɔɛɛ gangan ɖaxo ɖé na nɔvi lɛ. ⁴ Xé jɛ jeruzalɛm ɖé ɔ amɛ zɔnzɔn lɛ kpo hamɛgan kpo yi amɛjlo yetɔɔn bɔ yé ɖɔ nuxé Mawu wa na yé lɛɛ ɖé. ⁵ Unwɛ farizinnu xé yi Mawu yi sé lɛ ɖé yé domɛtɔ ɖéé cité bo ɖɔ ɖé e ɖo vivɛɛ ɖé ɖɔ yé a gbo ada na yé bo a tɛ ɖo yé ji ɖɔ yé ɖo na wa ɖo mɔsé sɛn lɛ ji dandan . ⁶ Amɛ zɔnzɔn lɛ kpo hamɛgan lɛ kpo yi kplé bo na bu tamɛ kpɔɔn sin xolɔ wu. ⁷ Xé yé ɖo xo lɔ ɖɔ kaka ɖɖé ɔ Piyɛ cité bo ɖɔ na yé ɖɔ nɔvi lɛ mi nyɔɛnyi ɖɔ sin kaka gan ɖé mɛ wɛ mawu can amɛ ɖokpo ɖo mi mɛ nɛ sɔ gbɔn awɔnnu ce mɛ ɔ mayise nɔ lɛ a se mawu xo bo a ɖo nuɖiɖi . ⁸ Bɔ Mawu xé nyɔn ayixa lɛ nyi ɖé ɔ ɖe kunnu na yé bo na ye gbigbɔ wiwe ɖi na xé é wa mi gbɛn ɖé. ⁹ Bɔ ka a do vo gbigbɔn mi kpo yé kpo mɛ a bo lɛɛ ayixa mɛɛ na yé sɔ gbɔn nuɖiɖi mɛ. ¹⁰ Din ɔ untɛ wutu mi ɖo tɛn mawu kpɔn bo ɖo agban xé mi kpo mi tɔgbé lɛ kpo ma kpéwu na hɛn ɖé ɖiɖa ɖo ta na nukplɔnvi lɛ . ¹¹ Vɔɔ mi vɛdo ɖɔ ɖi na xe mawu na whlɛn mi gan gbɛn ɖé ɔ mɔɔ ké é whlɛn yé can gan sɔ ɔgbɔn axuetɔ jezu sin fɛnumɛ. ¹² Amɛ lɛ bi huanyi cɛn cɛn cɛn bo lo ɖoto barnabasi kpo Pɔlu kpo ganxemɛ yé lo ɖɔ gesido kpo azɔn jawu xé mawu ɔwa ɖa mayisenɔ lɛ mɛ sɔ gbɔn yé yi ɖé. ¹³ Xé yé ɖɔ xo lɔ vɔ ɖe ɔ jaki yi xo bo ɖɔ nɔvilɛ mi ɖoto un. ¹⁴ Simɔ ɖɔ na xe mawu kpé ɖo mayisenɔ lɛ wu fifa a ɖé bɔ sɔ can amɛxé lɛ wu unkɔ untɔn na nɔ ɖé . ¹⁵ Kpo nɛ kpo ɔ xoɖɔɖɛtɔ lɛ sin xo wɛ mɛ ɖi na xe yé wlan gbɛn ɖɔ. ¹⁶ Do nɛ lɛ gido lɔ un na lɛkɔ wa bo na lɛ tun cɔci xɔ Davidi tɔn xé ɖo gba ɖé unɖ na fɔn ɛn bo na jlɛ ɖo. ¹⁷ Unwɛ amɛ xé kpo lɛ na ɖo axwuétɔ lɔ din kpo mayisenɔ xé wu yé yɔ nyikɔ untɔn ɖo lɛ ɖé kpo. ¹⁸ Mɔ wɛ axwuétɔ xé blo nu nɛ lɛ kpo xé yé ko ɖigesi xoxo ɖé ɖɔ. ¹⁹ Un wutu linlin cé nyi ɖɔ mi ka ɖo na flu ayixa na mayisenɔ xé ɖo kɔlɛ wa mawu dé alɛɛ ɖé. ²⁰ Vɔɔ mi ɖo na wlan nu na yé ɖɔ yé ɖo na cɔ yéɖéké lɛ ɖo ninɔmɛ xoɖi xoɖi vodun tɔn wu nɔ kpɔn yé a nɔ lɛ aga bo nɔ kpɔn yé a ɖu elan xé mɛ ɛ ahun ci ɖé bo nɔ kpɔn yé a ɖu ahun bo. ²¹ Sin kaka xoxo ganmɛ ɔ amɛ ɖo to ɖokpo ɖokpo mɛ bo nɔ xia mɔse sin osɛn lɛ ɖo cɔci xɔ mɛ gbɔjɛzan gbé tɛgbɛ. ²² Xo lɔ jɔji na amɛ zɔn zɔn lɛ hamɛganlɛ kpo cɔci bi kpo bo yé sɔ judi xé nɔ yɔ ɖɔ barsabasi kpo silasi xe nyi gan ɖo cɔci lɔ mɛ ɖé bɔ ɔyé sɔ yé bɔ ɖo Pɔlu kpo barnabasi kpo wu bo zɔn yé ɖoran antioɔ. ²³ Ye wlan nuxé bo ɖɔ amɛzɔnzɔn lɛ hamɛgan lɛ kpo nɔvi lɛ ɖo ran nɔvi xé ma nyi junulɛ a ɖe ɖɔ antioci siri kpo silisi kpo do goe ɖoran mi. ²⁴ Mi se ɖɔ amɛɖe lɛ xé mi na gbe ɖé kpékpé a ɖe yé jo sin mi de bo wa flu mi kpo nukplɔn amɛ xo ɖe lɛ kpo bo flu lindɔn mitɔn. ²⁵ E nyɔ na mi mɛ bi bɔ mi nɔ kpɔ bo sɔ amɛlɛ bo zɔn yé kpo amɛ nyi wa na mitɔn lɛ barnabasi kpo Pɔlu kpo ɖoran mi. ²⁶ Amɛxe lɛ wɛ sɔ agbɛ yétɔn ɔ na ɖo axuetɔ mitɔn jezu klisi sin sin nyi kɔ wutu . ²⁷ Ni zɔn jude kpo silasi kpo bɔ yé can yé na ɖɔ xo ɖokpoɔ lɛ na mi. ²⁸ Do e nyɔɔ unmɛ na gbigbɔ wiwe kpo mi kpo ɖɔ mi ka na agban kpinkpɛn ɖé na mi bo sɔ ɔ zɛ gbɔn osɛn vivɛ lɛ wu a. ²⁹ Yé lɛ nyi ɖɔ nɔ kpɔn mi a ɖu elan xé yé sɔ ɔ savɔ na vodu lɛ ɖé bo nɔ kpɔn mi a nu ahun bo nɔ kpɔn mi a ɖu elan xé mɛ wɛ ahun ci ɖé bo nɔ kpɔn mia lɛ aga bo. nɛ mi wa ɖo osɛn nɛlɛ ji ɔ e na nyɔ na mi e yi zanɖe. ³⁰ Din ɔ yé jɛ ali bo yi antioci bɔ yé kplé amɛ lɛ bo sɔ wéma lɔ na yé. ³¹ Xé yé xiɛ ɖe ɔ eji jɔ yé ɖo afukan mɛ xo gbé lɛ wu. ³² Jude kpo silasi kpo xé nyi xoɖɔɖɛ ɖɔtɔ lɛ ɖé ɔ yé kanfu nɔvi lɛ kpo xogbé susu kpo bo sɔ do hɔn hlɔɔn yé. ³³ Xé yé nɔ flɛn ɖo azan ɖé lɛ mɛ vɔ ɖe ɔ amɛxé dé yé yi lɛ ɖé lɛ ɛ ɖo ye ɖo rlan amɛxé zɔn ye ɖo rlan lɛ ɖe de ɖo fifa mɛ . ³⁴ E jlo silasi ɖɔ é na ci flɛn. ³⁵ Vɔɔ Pɔlu kpo barnabasi kpo ci antioc kpo amɛ susu kpo ɖo flɛnnɛ ɔ yé do kplɔn na bo ɖo mawu xo ɖɔ. ³⁶ Azan ɖé lɛ gido ɔ Pɔlu ɖɔ na barnabasi ɖɔ ɖe mia lɛ kɔ yi kpɔn vilɛ ɖo to xé mɛ mi ɖɔ mawu xo te lɛ ɖé bo a kpɔn na xe fɔn gbɛn de. ³⁷ Barnabasi din na kplan jan xé nɔ nyi maki ɖé bɔɖo yéɖéké wu. ³⁸ Vɔ Pɔlu ka jlo ɖɔ nɛ xo do mia do sin kaka pamfili wɛ e lɛ kɔ sin gido na yé bɔ ka kpé do yé wu bo wa azɔn ɖé xɛ yé a. ³⁹ Nu gbɔɛ ma se biɔ ye mɛ bɔ yé klan sin yé ɖé ke lɛ wu barnabasi kplan Maki bɔ un kpo é kpo do tɔjihun bo yi ciplo. ⁴⁰ Vɔɔ Pɔlu kplan silasi bɔ xe nɔvi lɛ sɔ do alɔmɛ na mawu sin fɛnu vɔ ɖe ɔ yé jɛ ali . ⁴¹ Pɔlu gbɔn siri kpo silisi kpo bo do hɔnhlɔn cɔci lɛ.