¹ Din ɔ mi amɛxe nyi agumɛɖxo lɛ ɖe wɛ un ɖo xo ɖɔ na. nyɛ lɔ su agumɛɖax wɛ un nyi un nyi kunnuɖetɔ awuvɛ xe klisti mɔ lɛ ɖe tɔn bo lɛ ɖo mima ɖo sùsù xe na wadoxlɛ ɖe mɛ. nɛwutu wɛ un ɖo ɖɔ na mi agunmɛ ɖaxo lɛ ɖɔ . ² Mi nɛ kpɔn amɛxe mawu sɔ do alɔ mɛ na mi lɛ ɖe ji ganji ale xe na alɛngbɔ kplantɔ nɔ cɔ alɛngbɔ xe e sɔ do alɔmɛ nɛ lɛ ɖe gbwɛn ɖɔwun mi. sɔ jlo ɖagbwe sɔ kplenukun ye wu alexe mawu jlo gbwɛn nɔkpɔn e a nyi gan wɛ e hu amɛ bɔ e blo mɔ bo mi wa azɔn mitɔn kpo bibi ɖo nù wu kpo nɔkpɔn e a nyi akwɛ wɛ mi xodo bo. ³ Nɔkpɔn mi a kpa acɛ gannaganna ɖo amɛ xe e sɔ do alɔ mɛ na mi bo ɖɔ mi nɛ kpe nukun do yée wu lɛ ɖe bo. mi nyi kpɔndewu na alɛngbɔ lɛ. ⁴ Nɛ ɔ hwenu xe alɛngbɔcɔtɔ lɛ sin gan na wa ɖée mi a yi axɔ sugbakɔn sùsùnɔ lɔ tɔn xe ma sàa gbeɖe a ɖe cɔn na mi. ⁵ Mɔ ɖokpoke, mi amɛ winnyawinnya lɛ mi sɔ miɖe lɛ hwe ɖo amɛganxoxo lɛ glɔ mi sɔ miɖeke lɛ hwwe bo na nɔ wa azɔn xɛ miɖéke lɛ ɖo mawuxo wena lɔ mɛ ɖɔ : mawu nɔ gbɛ xo goyitɔ lɛ tɔn lobo nɔ nyɔ xomɛ ɖo amɛ xe nɔ sɔ yéɖeke lɛ ɖe wu. ⁶ Hun mi bo sɔ miɖeke lɛ hwe ɖo mawu sin alɔ syɛnsyɛn lɔ glɔ nɛ e a sɔ mi su ɖo ganxemɛ e jlo do ɖé. ⁷ Mizlɔn lɛnkpɔn lɛnkpɔn gban mitɔn lɛ mitɔn lɛ bi sese ɖo mawu ji ɖo unwɛ ɖo unkun kpe do miwu. ⁸ v 8 Mi nɔ wunzɔn mi cɔ miɖeke lɛ ɖo kɛntɔ mitɔn awovi lɔ ɖo lɛɖo mi ɖi kinnikùnni xe ɖo adan ji bo ɖo amɛ na tlɛndu ɖe ɖɔ wun. ⁹ Mi slɔ afɔvi do nùɖiɖi mɛ bo nɔ te gliwun ɖo awovi unkɔn ɖo mi nywɛ ɖɔ mi nɔvi xe gbakpe agbɛ lɔ mɛ lɛ ɖe awuvɛ ɖomkpo unkunmɛ lɔ se gbe jɛn wɛ ye jya. ¹⁰ Enyi mi ji ya na ganxixo kpɛviɖe bɔ nɛ gido ɔ ;mawu xe nyi fɛnu nɔ bi ɖe ylɔ mi na mi a ɖo mima xɛ ɖo sùsù untɔn mavɔmavɔ lɔ mɛ lɔ unlɔsu na wa azɔn ɖo mi wu bɔ mi na nyɔ kaka yi viɔnu e na blo bɔ mi na nɔte gliwun e na mi hlɔnhlɔn e na ɖo aglin dotɔn syɛnsyɛn lɛ ji. ¹¹ Hlɔnhlɔn nɛ nyi untɔ kaka sɔyi nɛcɛ. ¹² Anɔ evi silasi gbe jinɔtɔ lɔ wɛ do sɔ yia lɔ bɔ un wlan wema kpɛvi xe ɖo hlan mi. bo na do awusyɛn mi ɖɔ fɛnu mawu tɔn tite wungbe lɔ nɛ. mi nɔte gliwun d'émɛ. ¹³ Agun babilonu tɔn xe mawu can alexe e can milɔsu gbwɛn ɖe dogbe ɖo hlan mi. ¹⁴ Mi ki si na miɖeke lɛ ɖo wan yiyi mɛ bo sɔ ɛ dogbe nyi na ɖeke lɛ fifa nɛ tiin na amɛ xe nyi klisti tɔn lɛ ɖebi.