¹ Mɔ wɛ klisi ji ya do agba za mɛ mi sɔ ahuan nu ɖi klisi dɔ un kpo ɖo amɛ xe ji ya do agba za mɛ dé ɔ ka lɛ ɖo xo ɖé kpo agɔji jɛ kpo ba a . ² Do nu xe wu tu dé ɔ amɛ mɔ un kɔ tɔn ka lɛ do agbɛ na amɛ lɛ si mu ji jlo ba vɔɔ e do agbɛ na mawu si wan yiyi ³ Do azan susu ko wa yi xe mi sɔ blo ayi hɔn mɛ nu lɛ xe nyi agalilɛ ahan mu mu, xo mɛ sin kpo amɛ huhu kpo nu nɛ lɛ ka nyɔ ɔn do yé bi nyi nu amɛ sɛn lɛ. ⁴ Din ɔ e kpaca ɖɔ mi ka ɖo gbɛdo xɛ yé ba bo ɖo agbɛ yaka yaka zan xɛ yé ba . ye mɛ do nu nɛ lɛ na dɔ xo gblé gblé wutu wɛ yé ɖo mi zun. si mi wu. ⁵ Do nu nɛ lɛ, na na akɔn un ta na amɛ xe sɔ gbe bo na da ahwɛ na amɛ kuku lɛ kpo amɛ do agbɛ lɛ dé kpo . ⁶ Ne wu tu wɛ xo lɔ nyi di dɔ na amɛ kuku lɛ ga nɛ yeakpé wu bo da hwɛ na ye ca di amɛ do agbɛ do agba za mɛ dɔ un do yé do agbɛ do gbigbɔ mɛ ɖi mawu dɔ un. ⁷ Vivɔ nu nu bi tɔn ko go go un tu ɔ mi nyi amɛ kikɔn do gbigbɔ fa tu mɛ kpo susu xé nɔ xo adɛ dé kpo . ⁸ Sɔ vɔ nu lɛ bii ɔ mi do wan yiyi naz mi dé ke lɛ do wan yiyi nɔ cɔn hylan do susu ji. ⁹ Nɛ mi nyi amɛ jlo nami dée ké lɛ nɔ kpɔn mia hlun nu dɔ xɛ co bo yi mi ɖe ke lɛ bo. ¹⁰ Nu ni na vovo wɛ mawu na mi amɛ dokpo dokpo do na nyi nujikpɔn tɔ dagbe na nu ni na é mawu nɛ de vɔ nu de tɔn ji . ¹¹ Nɛ amɛ de do xo dɔɔ nɛ dɔ ɛ di mawu si xo dɔ un ,nɛ amɛ de do mawu zɔn wa nɛ wa kpohlɔnhlɔn mawu tɔn kpo xé jɛɛ ɖe kpo nɛ yé na kpa gigo na ma sɔ gbɔn jezu klisi xé nyi susu nɔ ɖe mɛ bo lɛ nyi ¹² Amɛ vivɛ ce lɛɛ é mi a dan daxo xe do mi gbo dé ɔ nɔ kpɔn ekpa ca mi na mi a dɔ nu xe ka jɔ kpɔn bo . ¹³ E nyɔ go de kpe kpe mɛ dɔ mi nyi klisi si a ya jiji lɛ mi ja wa na mi can mi a ja wa na hwé nu e na wa do gigo untɔn mɛ dé . ¹⁴ Nɛ yé zun do klisi wu tu ɔ yé do na mi do gbigbɔ gigo untɔn kpo gbigbɔ mawu tɔn kpo wɛ ɖo mi mɛ. ¹⁵ Nɔ kpɔn yé a nyi nɛ lɛ wa tɔ bo ajojija lɛ amɛ huhu lɛ nu nyaylan lɛ kpo nudo amɛ dé vo si xo mɛ lɛ kpo . ¹⁶ Nɛ amɛ de do ya ji do mi mɛ do klisi wu tu ɔ nɔ kpɔn e a wa hwinya nɛ bo nɛ da akpɛ na mawu bo ɖɔ ye yɔ nu kɔ xe do wé wu ¹⁷ Do hwɛ dida na jɛɛ glɔ do mawu si xé gbé bɔ ye na jɛɛ ji si mi ji bɔ na eka na nyi na amɛ xe gbɛ to do mawu si xo lɛ dé. ¹⁸ Nɛ e na sin awu hwɛ co bɔye na nyi amɛ kikɔn do kpo ɔ na ena nɔ na amɛ xe ma yi se dée. ¹⁹ Amɛ xe ɖo yaji do mawu si hwa nyi nyi mɛ mɛ sɔ ali dɔn untɔn bo sɔ na axwétɔ nu bii blo tɔ lɔ dé si alɔ mɛ.