¹ Anɔevi lɛ sɔ gbɔn nu xe kan gbigbɔmɛ nunina lɛ ɖee un ka din ɖɔ mi a nyi ɖemanywɛnyitɔ a. ² Do mi ny wɛ nyi ɖɔ hwenuxe mi ma ɖo nuɖiɖi a ɖe hunsinsɛn xe nyi maɖɔnu lɛ ɖe nɔ flu mi ye nɔ kplan mi gbɔn alɔkpa ɖé kpe kpe mɛ. ³ Din loɔ un yi wan na ɖɔ mi nywɛ nyi ɖɔ amɛ ɖé kpe kpe xe ɖo xo ɖɔ gbɔn gbigbɔ Mawu tɔ mɛ ɖe ka kpewu na ɖɔ ɖɔ jezu wɛ nyi axwetɔ nɛ ma nyi gbɔn gbigbɔ mɛ a. ⁴ Nunina hamɛ hamɛ alɔkpa sùsù wɛ tin. ⁵ Mɔ ke azɔnwatɛn alɔkpa alɔkpa wɛ tin vɔ loɔ axwétɔ ɖokpo lɔ wɛ. ⁶ Azɔn alɔkpa alɔkpa wɛ tin vɔɔ Mawu ɖokpo lɔ wɛ nɔ wɛɛ gbɔn amɛ ɖokpo ɖokpo. ⁷ Gbigbɔ mimɛ lɔ nɔ do aɖeke ɔ xlɛ gbɔn nunina deji ɖo lamɛ ɖokpo ɖokpo mɛ na ale amɛ bisese tɔn. ⁸ Do gbigbɔ mimɛ nɛ na amɛ ɖee xo nu nywɛ ɖaxo tɔn amɛɖee yi numɔ jɛ numɛɛ xo ɖiɖɔ gbɔn gbigbɔ ɖokpo lɔ mɛ. ⁹ Amɛ ɖevo yi nuɖiɖi gbɔn gbigbɔ mimɛ ɖokpo nɛ ke mɛ bɔ amɛ vo lɛ yi nunina azɔnhɛngbɔ tɔn dobu tɔn gbɔn gbigbɔ mimɛ ɖokpo nɛ ke ji amɛ devo yi ɖɔ ɖanyi amɛɖe vo lɛ. ¹⁰ Yi gesido gbigbɔ lɛ amɛvo yi gbe alɔkpa alɔkpa ɖido amɛ ɖe yi gbeglɔ mɛ ɖi ɖe . ¹¹ Vɔ loɔ gbigbɔ mimɛ ɖokpo lɔ jɛn wɛ wa azɔn ɖo nu nɛlɛ bisese mɛ bo na nunina amɛ ɖokpo ɖokpo kpo untɔn ɖo jlo un lɔsu tɔn mɛ. ¹² Di alexe agbaza nyi ɖokpo bo ɖo awujɔnu lɛ geɖe geɖe ɖe mɔ hake wɛ awujɔnu nɛ lɛ nyi agbaza ɖokpo lɔ tɔn ɖe nɛ. Mɔke wɛ e te ɖo klisti mɛ. ¹³ Do gbɔn gbigbɔ ɖokpo ji wɛ e do Mawu sin ta na mi ɖo agbaza ɖokpo mɛ e nyi jwifu nu lɛ alo glɛki nu lɛ kannumwɛ lɛ alo amɛ xe ɖo jolokoko lɛ ɖe amɛ nɛ lɛ bisese wɛ e sɔ gbigbɔ ɖokpo nɛ lɔ sɔ do Mawu sin ta na nyi bɔ mi na nyi agbaza ɖokpo bo na nu ɖo gbigbɔ ɖokpo lɔ mɛ. ¹⁴ Do agbaza lɔ ka nyi awujɔ nu ɖokpo ɖe kpowun a vɔɔ awujɔnu sùsù wɛ . ¹⁵ Enyi afɔ ɖɔ xe na nyɛ ma nyi alɔ a ɖe wutu un ka nyi awujɔnu agbaza tɔn a nɛ wɛ na zɔn bɔ e na nɔ ma nyi awujɔnu agbaza tɔn . ¹⁶ Enyi to ka ɖɔ xe un ma nyi unkun ɖe wutu un ka nyi awujɔnu agbaza tɔn a nɛ wɛ na zɔn bɔ e na nɔ ma nyi awujɔnu agbaza tɔn. ¹⁷ Enyi agbaza lɔ bisese nyi unkun ɖe nɔ kɛ nusise na nyi? enyi agbaza lɔ bisese nyi to ɖe fle kɛ nu hwlɛnkpɔn nawo te?. ¹⁸ Vɔɔ Mawu sɔ awujɔsu lɛ ɖo agbaza wu ale xe e jlo e gbwɛn ɖe. ¹⁹ Enyi ye mɛ kpoo nyi awujɔnu ɖokpo ɖe flekɛ agbaza lɔ te. ²⁰ Din lo ɔ awujɔnu sùsù wɛ tin vɔɔ agbaza ɖokpo gee wɛ . ²¹ Unkun ka kpewu na ɖɔ na alɔ bo ɖɔ un ka ɖo din ka ɖo din baa. ²² Vɔɔ awujɔnu agbaza tɔn xe ma ɖo hlɔnhlɔn ɖe kpe kpe lɛ ɖe nyi nù vivɛ. ²³ Mɔke xe mi ma nɔ ki ya na lɛ ɖe ɔ mi nɔ kpe unkun yewu hugan ɖe lɛ bisese. ²⁴ Xe ka lɛ nywɛ kpɔn tawun ɖo agbaza mitɔn wu lɛ ɖe mi kɔnnɔ wle yɛyi na yée sɔ mɔ a Mawu blo alo e to agbaza lɔ gbɔn alɔkpaɖe na e na nɔ wle yɛyi na awujɔnu xe yɛyi hwedo lɛ ɖe hugan ɖe lɛ bisese. ²⁵ Na nɔkpɔn kinklan na nɔ agbaza lɔ mɛ bo vɔ loɔ awujɔnu atɛnmɛ atɛnmɛ xe lɛ bisese na kpe unkun ɖo yeɖeke lɛ wu gbɔn agbaza ɖokpo lɔ mɛ . ²⁶ Nɛ awujɔnu agbaza lɔ tɔn ɖe ɖo awuvɛ se lɔ awujɔnu xe kpo lɛ ɖe bisese wɛ nɔ se awuvɛ xɛ enyi e ka wle yɛyi na ɖokpo lɔ xe kpo lɛ ɖe bisese nɔ jɛ a wa. ²⁷ Din loɔ agbaza klisi tɔn wɛ mi nyi bɔ amɛ ɖokpo ɖokpo nyi awujɔ nu ɖo agbaza nɛ lɔ wu. ²⁸ Do agun mɛ lɔ Mawu blo titomɛ amɛzinzɔn lɛ tɔn hwɛtɛtɛ gbe yiɖɔ Mawu tɔn lɛ bɔ d'éwu bɔ nukplɔn amɛtɔ lɛ nyi atɔn gɔɔ nɛ gidomɛ amɛxe ɖo nunina azɔn dobu tɔn lɛ ɖe wɛ jɛ flɛn bɔ yée amɛ xo ɖo acɛ bo nɔ gbɔ azɔn na amɛ ɖe xodo alɔ gɔ na amɛtɔ lɛ kpo agunji kpɔntɔ lɛ kpo kpo yée amɛxe e na nunina gbé atɛnmɛ atɛnmɛ dibo lɛ ɖe xodo. ²⁹ Amɛ bisese wɛ ka nyi amɛzinzɔn ɔ? amɛ bisese wɛ ka nyi gbeyiɖɔ tɔ ɔ? Amɛ bisese wɛ ka nyi nukplɔn amɛtɔ ɔ? Amɛ bisese wɛ ɖo acɛ xe nɔ wa azɔn dobu ɖe?. ³⁰ Amɛ bisese wɛ ka ɖo acɛ xe nɔ gbɔ azɔn ɖe? amɛ bisese wɛ ka nɔ ɖɔxo ɖo gbe atɛn mɛ atɛn mɛ mɛ ? Amɛbi sese wɛ ka nɔ ɖé gbe nɛ lɛ glɔmɛ mɛ ?. ³¹ Enyi mɔ hunto unkun mitɔn nɛ ɖivɛ ɖo nunina xe ɖo ta na bisese ɖé wu -Din ɔ un na do ali xe mi na gbɔn bo na kpe nu xe nyɔ hugan nu lɛ bisese wu ɖe xlɛ mi.