¹ Mi vlɛ un ɖi na xe nyɛn can un nɔ vlɛ klisi gbɔn ɖe. ² Din lɔ un ɖo mi kpa ɖo mi nɔ flin un ɖo un ɖe kpe pe mɛ bɔ mi ɖo wa ɖo tito xé un sɔ ɖɛ na mi lɛ ɖe ji. ³ Vɔ un din ɖɔ mi nyɔɛnyi ɖɔ klisi wɛ nyi gan na sunnu ɖe kpe kpe sunnu nyi gan na nyɔnnu bɔ Mawu nyi gan na sunnu. ⁴ Sunnu ɖe kpe kpe xe ɖe aɖɛ xo alo e ɖo Mawu sin awɛndo bo cɔn nu ɖo ta ɖe e do winyan amɛxe kpa cɛ nɛ ɖe. ⁵ Vɔ ɔ nyɔnnu ɖe kpe kpe xe ma cɔ nu ɖo ta hwɛ co bo xo aɖɛ alo bo do awɛn Mawu tɔn a ɖe e do winyan amɛxe kpa cɛ nɛ ɖe. mɔ ke é lɛ nyi nɛ na exwlɛ ɖa untɔn lɛ. ⁶ Do nɛ nyɔnnu ɖe ma kpewu cɔ nu do ta untɔn a lɔ be nɛ kpà ɖà untɔn nɛ e nyi winyan na nyɔnnu ɖɔ nɛ kpa ɖa untɔn alo nɛ exwlɛ ta lɔ be nɛ nɔ bla ta ⁷ Sunnu ka ɖo na cɔ nu ɖo ta a ɖo eɖo ninɔmɛ Mawu tɔn bo nyi gigo na Mawu. vɔɔ nyɔnnu nyi gigo na sunnu. ⁸ Do yé ka ɖe sunnu tɔn sin nyɔnnu mɛ a vɔ ɔ nyɔnnu wɛ yé ɖe tɔn si sunnu mɛɛ . ⁹ Mɔ ke lɔ ye ka blo sunnu na nyɔnnu a vɔɔ ye blo nyɔnnu na sunnu. ¹⁰ Do awɛnsagun Mawu tɔn lɛ wutun lɔ nyɔnnu ɖo na nɔ acɛ sunnu tɔn glɔ bɔ e na nyi gesido ɖo ta nɛ. ¹¹ Vɔ ɔ ka nyɔn ɖɔ yé nɛ klan nyɔnnu sin sunnu wu a mɔ ke lɔ ka nyɔn bɔ yé na klan sunnu sin nyɔnnu wu ɖo axwétɔ unkɔn a. ¹² Do nɛ yé ɖe nyɔnnu tɔn sin sunnu mɛ can lɔ nyɔnnu wɛ ji sunnu bɔ xe lɛ bi sin Mawu de. ¹³ Mi lɔ su lɛ mi bui kpɔn ɖo Mawu sin un mɛ ɖe enyɔn ɖɔ nyɔnnu nɛ xo aɖɛ na Mawu xe ma bla ta a ɖe a? . ¹⁴ Agbɛ lɔ ka kplɔn mi ɖɔ winyan wɛ enyi na sunnu nɛ ɖa ɖiga ɖo ta nɛ a e? . ¹⁵ Agbɛ lɔ ka kplɔ mi ɖɔgigowɛ enyi na nyɔnnu ɖa ɖiga ɖo ta nɛ a e ? do ɖa untɔn le nɛ ɖi duku ɖɔwun. ¹⁶ Nɛ amɛ ɖe linɖɔ we na dɔnnu ɖo xo xe ji lɔ nɛ ɔ ka nyi walɔ mitɔn a mɔ ke ka nyi cɔ ci ɖe tɔn a. ¹⁷ Do nukplɔn amɛ xé lɛ mɛ lɔ un ka kanfu mia Do nɛ mi kple lɔ kɛ nyi ɖɔ mi nɔ nyɔ hu na xe mi san ɖe kɛ a vɔɔ mi nɔ ylan kpe de ji. ¹⁸ Hwɛ tɛtɛ un se ɖɔ nɛ mi yi kple ɖo cɔ ci lɔ kinklan wɛ nɔ nɔ mi mɛ bɔ unɖi ɖɔ e ɖo aliu. ¹⁹ Do e jɛ xɛ ɖɔ kinklan ɖe lɛ nɛ va mi mɛ na yé a ɖigesi amɛxe lɛ ɖu ɖo tintɛn kpɔn ji ɖé. ²⁰ Do nɛ mi kple lɔ kɛ nyi axwétɔ nuɖuɖu kɛ mi nɔ ɖu a. ²¹ Nɛ mi ɖo nuɖu lɔ amɛ ɖokpo ɖokpo ɖokpo nɔ whlɛndo nuɖuɖu ulɔsu tɔn ganxe mɛ amɛ ɖe ɖo xuvɛ ɖe amɛɖe nɔ nu ahan mu. ²² Mi ka ɖo xwé bo na ɖu bo na nu demɛ a? alo ɖo gble agun Mawu tɔn bo ɖo winyan do amɛ xe ma ɖo unɖe a lɛ ɖe a? untɛ un na ɖɔ na mi? ²³ Do nuxe axwétɔ kplɔn unɖe uwɛ unɖo kplɔn mi ɖɔ axwétɔ jezu ɖo zan xe mɛ ye wlé ɖé e sɔ kpɔnɔ. ²⁴ Xe e di akpɛ de ji vɔ ɖeɔ ekɛ mɛ bo ɖɔ xe wɛ nyi agbaza lan ce xe ye sɔ na ɖo ta na mi ɖe mi xwa xe boa nɔ sɔ flin un. ²⁵ Mɔ ke xe yé ɖunu lɔ vɔ ɖe e sɔ kɔkpo bo ɖɔ kɔ kpo xe uwɛ kancica yɔ yɔ ɖo ahun ce mɛ mi nɔ wa xe ga ɖe kpe kpe mɛ xe mi ɖo nui ɖe bo a nɔ sɔ flin un. ²⁶ Ganɖekpe kpe mɛ xemi ɖo ɖu kpɔnɔ xe alo mi ɖo nu kɔkpo xe ɖe ɔ mi ɖo do eku wɛn axwétɔ lɔ tɔn kaka kɔ lilɔ untɔn gan mɛ na wa. ²⁷ Wutu lɔ amɛxe ɖo ɖu ala e ɖo nu ɖo axwétɔ sin kɔkpo mɛ ɖo minɔmɛɛ xe ma jɛ a ɖe mɛ ɖe ɔ e jɛ agɔ do axwétɔ lɔ sin agbaza lan kpo ahun untɔn kpo. ²⁸ Amɛ ɖokpo nɛ biɔ unɖeke mɛ kpɔn gan ji co boa ɖu kpɔnɔ alo bo a nu ɖo kɔkpo lɔ mɛ. ²⁹ Do amɛxe bu kpɔn gan whɛɛ co bo ɖu kpɔnɔ alo bo mi a ɖe eɖu bo nu un su sin kojoɖoɖo. ³⁰ Do nɛ wutu wɛ amɛ susu ɖo mi mɛ bo gbɔjɔ amɛ ɖé j'azɔn bɔ amɛɖe ku. ³¹ Nɛ mi gba mi ɖeke lɛ mɛ kpɔn gan ji lɔ yé ka ɖo kojo na mia. ³² Nɛ ɖɔ mɔ lɔ nɔvilɛ nɛ axwétɔ ɖo kojo na mi lɔ e na dɔn to na mi bo na sɔ klpɔn mi na nɔ kpɔn yé a ɖo kojo na mi kpo anyihɔn kpo. ³³ Wuntu nɔvilɛ nɛ mi kple na nuɖuɖu wiwe axwétɔ tɔn ɔ mi nɔ nɔte kpɔn mi ɖe ke lɛ . ³⁴ Nɛ xuvɛ ɖo amɛɖe hu ɔ nɛ dunu ɖo xwe untɔn gbe nɛ nɔ kpɔn mi a kple na kojo ɖiɖo bo. nuxe kan nu ɖe ɔ lɛ xe mi wlan na un ɖe ɔ nɛ un waɔ un do ali xlɛ mi.