¹ Mélé to anikoɖi lé Christo mé, nyé mélé ɖajéo ŋƒé jijinya lé ɖi ɖansé co gbɔgbɔ kɔkɔé mé. ² Ké tanyé méla nuhaha gã lé kiki vévésésé héli héli lé ŋƒé jimé. ³ Médi bé wo teŋ la nu nuŋ yi ma mà kiki Christo ni fofo ki lɔlɔ ta ŋƒé dumé tɔwo ŋtila ki nu jrojro ta ⁴ Wo nyi Isral viwo wo ci gan wonyi Mawu ki amé caca kɔkɔé ki kadodo, ésé ki nu nana Mawu subɔsubɔ kiki ŋgbé dodo. ⁵ Mia tagbé tagbé wo ké Christo jɔ co lé amégbétɔ mé wo ké nyi Mawu ké lé éta ni énuwo wa kafui tègbɛ, Amen. ⁶ Menyi wola gblɔ bé Mawu ki ŋgbé dodo égéo. Ményi amésiamé ké lé Isral yi le nyi Isral tɔ o. ⁷ Ményi wo kéŋkéŋ nyi Abraham ki jijimé viwo wonyi évia wo ŋtɔŋtɔ vɔa Isaac ki jijimé wo la yɔ wo" ⁸ Woa gblɔ bé ɖévi kéwo co amégbétɔ mè la ményi Mawu ki vi. Vɔa là wonyi ŋgbé do vi kéwo cɔ bé jijimé viwo. ⁹ Yi élé nyi ŋgbédodo ki gbé lé épéamé mava Sara ajivi" ¹⁰ Ményi néné o vɔa Rébécca fɔ ŋucu ki fu mia tɔ Isaac. ¹¹ Womé kpɔ ji ɖéviɖé o wo mékpɔ wɔ nu nyui alo nu bara yi Mawu ki tamé ɖɔɖo cɔ kudo akɔdada na teŋ vɛmé ményi dɔwɔwɔ ta o vɔa lɔlɔ ké wo cɔ yɔwo. ¹² Wo gblɔɛ nɛ kongbévi atéŋ subɔ ɖévi" ¹³ Alé tutu sigbé lé ké wo ŋlɔ: "Mélɔ Yakobo yi mécri Esau. ¹⁴ Léké mi la gblɔ mɔ? Nu ŋu dé ényi Mawu ki nu majɔ majɔ? Ya ma va emé gbéɖéo. ¹⁵ Élé gblɔ ni Mosé ma kpɔ eŋblɛ ni améké mélɔ yi masé vévé ni améké mélɔ " ¹⁶ Éya méco améké mélɔ alo améké lé ƒudu vɔa Mawu ta la ké kpɔ eŋblɛ ¹⁷ Ŋɔŋlɔ lé gblɔ ni Pharaon bé "ŋƒé lɔlɔnu àkoŋka yi mé cɔ yi ji ni ŋƒé ŋusé na wɔdɔ lé mia mé yi ŋƒé nyikɔ na gba ɖé anyigba kpata ji" ¹⁸ Mawu kpɔ eŋblɛ ni améka éjro a yi asé tamé améké éjro a. ¹⁹ Élava gblɔ nuŋ miéjɔ ta égbɔ lé kpɔŋ ŋƒé vodada yo? amé kala yi atéŋ aɖu yiki jojro jio?" ²⁰ Akpa saga amégbétɔ mɛmiɛ ényi ni acaka Mawu wo? Améké mé écu vɔdé amékala agblɔ bé amé kala woé méwo? Miéjɔta yi éwɔŋ néné? ²¹ Ézé métɔ ŋusé ɖé ékujia bé yi la cɔè awɔ ézé ŋtɔŋtɔà? ²² Lé ké mia gblɔ mɔ ni Mawu di bé yi la zɛ yi ki jicu ni miatéŋ anya yi ki ŋusé édoji kiki jigbɔɖi sugbɔ jicu ki zé wo dada tro ni énugbégblé a? ²³ Léké wola gblɔ mɔ ni atéŋ na mia nya yi ki éga kpɔkpɔ lé ŋtikɔkɔé mé na améké wo lw kpɔ eŋblɛ na ké édadro hoho ni yi ki ŋti kɔkɔé? ²⁴ Léke agblɔ mɔ ni ewɔ ké ni mi égbɔ yɔ amé mégni yudatɔwo mé ɖéɖé o vɔa lé trɔsubɔlawo mé? ²⁵ égblɔ bé lé azétɔ wo mé: "mayɔ ŋƒé dukɔ amékéwo ményi ŋƒé dukɔ o. Elɔ nyui ké wo mé lɔ na wo. ²⁶ Éla lé néné giè ké wo gblɔ nɔ wo.Mi mé nyi ŋƒé dukɔ o giè wo la yɔ bé Mawu ki via gbé" ²⁷ Yézaya lé afa avi ɖo Isral "ni ɖéviwo ki gbɔ susumé alé bé aputa ki kié éné anyi ɖika akpɔ hɔhɔ ²⁸ Aƒétɔ la aɖocojo kiki amékéwo lé anyigba ji lé nɔnɔmé pɛpɛpɛ. ²⁹ Lé ké Yézaya gblɔɛ jɔkongbé éné, ni Eƒétɔ aʋafia médasi jijimé viwo lé mia ki mé, ŋgbé ni mi o ɖé mia trɔzu Sodom yi mia ɖi Gomorah" ³⁰ Lé ké mia gblɔ mɔ? Trɔ subɔla wo ké mélé di nya jɔjɔɛ o nya jɔjɔɛ ki hɔsé ³¹ Vɔa Isral lé di ésé kiki jɔjɔɛ mélé va nɔ wo. ³² Mièjɔ tao? ɖoa wo mélé di kiki hɔsé o vɔa to dɔ wɔwɔ mé wo klikpé ké ɖa. ³³ Léké wo ŋlɔɛ mi kpɔ mécɔ ékpé ɖé Zion ké ɖàa kiki agojé ki kpé. Améké la hɔ yiji séla ma ɖu ŋkpiè."