¹ Hoho mé la Mawu ponu ni mia tagbé wo to nyagblɔɖi mé tɛgbɛ lé nu popo vovo wo mé, ² vɔa le ŋkéké kpɔtɔamé la égblɔ ni mi to évia ɖika ji yi nyi ecrɔɖutɔ le nanɖé kpékpé mé to yiji Mawu wɔ hihéa ³ yi nyi Mawu ki ŋti kɔkɔɛ nɔnɔmé tutu éléna nuwo kpata ɖédu to yi ki nya gbɔgblɔ ki ŋusé. Ké éklɔ ŋuti vɔ co nuvɔ mé la éva niɛ nuɖusi mé lé fia nyinyi lé téƒé bloblo. ⁴ Etrɔ zu améŋga ni dɔla wo ni écrɔ nu ɖutɔ ki nyikɔ éhɔasi cɔ wu wo ⁵ Dɔla kala yi mégblɔ gbéɖika kpɔ: "woé nyi vinyé égbé la métrɔ zi tata wo?" Cɔ yi yijia: "manyi étɔ nɛ anyi vi nuŋ?" ⁶ Aléké Mawu cɔ évi kélé kélé va hihéamé, égblɔ bé "Mawu dɔla wo kéŋkéŋ asubɔɛ ⁷ Ni dɔlawo égblɔ bé "améké la wo dɔla kéwo gbɔgbɔ la kiki yiki subɔla la ézo ki aɖé". ⁸ Ni évi ki nya la égblɔ bé "wo fia ɖupé Mawu lé tɛgbɛ, wo fiaɖupé yɔ fũ kiki nu nyuiɛ wɔ wɔ ⁹ élɔ nu fɔjɔɛ wɔwɔ yi écri nu majɔ majɔ wɔ wɔ yi Mawu éfé Mawu sia mi nɔ kiki ami ki jijɔ cɔ wu hadola wo wo" ¹⁰ Kélé kélé la Aƒétɔ ɖo gɔméɖo kpé ɖé anyigba jiŋgɔ nyi éƒé la lɔ ki dɔ wɔwɔ ¹¹ wola crɔ vɔa wo ya acia agbé wo la ku tagbé kéŋkéŋ sigbé awu éné ¹² wo la ŋlɔ wo sigbé awu gã éné wola trɔ sigbé awu éné vɔa léké élé la néné élé yi éƒé épé wo ayi ɖăa" ¹³ Vɔa dɔla kala yi Mawu mégblɔ nɛ kpɔ: "va niɛ ɖé éƒé nuɖusi mé kaka mawɔ éƒé futɔwo éƒé afɔ tutu nu?" ¹⁴ Dɔla kéŋkéŋ ményi gbɔgbɔ ké subɔ na améo kiki kéwo dɔna yina bé alébéni amékéwo ji ni ɖéɖé kpɔkpɔ ki doményi nu?