¹ Ké étɔ bé, mi ma gbɔ tèŋ lié o la mi bu tamé bé ni la nyɔwu la na miɛ yi ɖika lé Athènes ² Midɔ Timothé moa fofo kiki dɔwɔtɔ ni Mawu lé yiki nyamé Christo ni na doŋsé mi yi na gbɔ tumi to mia ki hɔsémé énya gbɔgblɔ ɖéwo lé gblɔ bé "midɔ Timothé mia fofo kiki dɔwɔtɔ ni Mawu" ³ Mi wɔ kélé améɖékpékpé ŋgblɔ caca lé yi ki vévésésé mé o mia ŋtɔ mi nya bé milé ni néné ki nu. ⁴ Nyawo là ké milé kiki mi la milé jɔkoŋgbé lé gblɔ ni mi bé midina kpéfu ki fu wo yi éva yi mé sigbé mia ŋtɔ mi nyiɛ éné. ⁵ Néné ki nu tala ké nyé ma gbɔ téŋ lié o la ma natré madɔ woa gbɔ ni mi to mia ki hɔsémé ta ményɔa téla, témikpɔ ɖé nubu ji yi mia ki dɔ zu gbalo. ⁶ Vɔa Timothé ké écoŋ mia gbɔ va la, écɔ nya nyiiɛ va ni mi to mia ki hɔsémé kiki to lɔlɔ, égblɔ ni mi bé milé ɖoŋku miaji le ŋkuɖoɖo nyuiɛ tɔ élé di bé akpɔ mi sigbé mi ca milé bui éné. ⁷ nényi néné la fofo lé doŋdomé ni mia ki fukpékpé wo kiki vévésésé wo mi gbɔ doŋusé mi lé mia ki hɔséta. ⁸ Fifi la milé agbé ni milé klikpa lé Aƒétɔ la mé. ⁹ Lémon miawɔ kaka adakpé ni Mawu léké milé kpɔ jijɔ ɖé mia ŋu lé yiki ŋkumé? ¹⁰ Eza kiki ŋɖɔ milé ɖékuku nɛ kiki ŋusé bé na nami égbé bé mia kpɔ éƒé ŋkumé énuké kpɔtɔla mia cɔ kpé mi ki hɔsé. ¹¹ Mia ki Mawu kiki étɔ yiŋtɔ kiki mia ki Aƒétɔ Yésu afia mi mia ki mɔ. ¹² Aƒétɔ nawɔ mia ci kiki lɔlɔ sɔgbɔ ɖé mia nɔnɔwo ni amésiamé léké milé wɔɛ ni mia ca éné. ¹³ Awɔ ké ni acɔ fakɔ ni mi ni wogbɔ kankumé ni mi o lé kɔkɔɛ nyényé mé lé Mawu ki ŋkumé kiki étɔ lé mi ki Aƒétɔ ki trɔtrɔ va Yésu kiki ti ki amékɔkɔɛ wo.