¹ Ɔma yémian lɔbuɛ lɔbuɛ, gudugudu yɛ kɛmɛ di akɔnɛ! Ɛti man, Awa yé a kɔnɛ yaɛ, ɛjɔ tiwa n'kolé pé ɛnɛ yé bɔyɔɛ. ² Asina kipɔ kipɔ bi ɔnikan fafɔ ni kosina, opé n'tiko jɛ ɔgan wu gudugudu ahaɛ. ³ Bi asisi ɔpa Ihin lanu asi ni kofu buɛ, akatiko mojuto gudu-gudu ahaya. ⁴ Ejéni mato omiyan! An laku, ni Atɛgu kilé ya ni fuya lɔ. Aman wu ɔpa kélé ni anfua tutuya lɔ, ni n'kofoju fu idi ɛnɛ ati lɔɛ a woɛ. ⁵ Edé gbo, jɛ akansɔni idi kéké kan n'nɔ aha ni, Aman n'kotiko gnan wu n'kan lakuyan. Ejéni! Ina kéké kan ni bi ɔgban ni igbo laku n'kojo. ⁶ Edé gbo wa bi inaɛ ni, n'bɛ ni iséku agbé ɔwa lɔsɔ aha ni agbin aha gudu gudu ignan wa sisi ina n'nɔ ayé wa ni lati ɛjɛ kibi titi fu di ɛjɛ iku ina yɛ ti n'di iya papa ni. ⁷ Ɔnian eda n'kotiko fɔfu iyan yan ni an ka gbuan fu wuhu, iyan akoya wu ɛyɛ ya, ejo ya ati ijan ya. ⁸ Aman ignan, ɔnikan katiko gbɔ ko buhu! N'kan iséku yé ka joko jɛhɛ ni, ni ɔkɔ fu ewé yé a panɛhɛ. ⁹ Wu ignan Akɔhi oluwa wa wu bawa wu ignan yɛ asépé fu ɔnian yé ɔlɔun da n'nɔ awohan ahaɛ. ¹⁰ Ibuku wu epé an tu lɔsɔ anu kanso yɛ ni! Ɔma yémian lɔkui lɔbui yɛ kosian. ¹¹ N'jɛ omi kidɔ abi omi kikoho n'kotiko san lɔsɔ pala yɛ? ¹² N'jɛ egui ɔpɔtɔ n'kotiko soɛmɛɛ? N'jɛ sapao n'kotiko so baba? Bɛ ni pala omi iyɔ katiko fu omi kidɔ. ¹³ N'jɛ oloyɛ kan wa lɛmɛji yɛ? N'jɛ oliman kan wa? Bi bɛni n'kɔdee gbata iwa kisianɛ, wu iwa kiɔɔ yɛ asee wu ɔgbɔ. ¹⁴ Aman bi onɛ owu kija wu inɔ kibi lɔkan si ɛnɛbɔya, ɛm€se kɛsan. Emeji afɔ wá lɔtitɔ! ¹⁵ Ɔgbɔ yɛ kɔtiloke wa, titlɛ ni ɔjɛ ɔnta n ni, ɔjon ɛlɛmi iseku ya ni. ¹⁶ Bi ɔnian ya anjou, bi anwo ni anka kɔja liwaju ɛnɛbɔya, midau wu iwa ibajɛ ni ɔwabɛ. ¹⁷ Aman ɔgbɔ oke afu ɔkan miman ni ni amu ayɔ wu kidɔ wa awo ni koso ɔnian yan taman, ɔkɔ fu oju ihe ɔlɔun ni abi iwa kisianyan. Kadan ahaɛ lɔtɔ wu ɔnian yan. Ni kɔjɛ isɛku. ¹⁸ Ɛnɛ yɛya fian ayɔɛ anpin ayɔyɛ lɛmɛji ya ni, bɛni n'kan kigbin yanɛ wu isiso yé ankaɛ iwa dada yani.