¹ ɛninmiya, (temiya) igbagbɔ yɛ n’nɔn Oluwa wa Jesu Kristi ologo komanin ni eyi ɛnin omoin ya loju pee bubɔɛya. ² Kagbin ni onikan ye bɔ iroka golu gbo ɔwɔ toko olowo lakun ɛ deba yɛ ndi ipade yɛ ni onika ye kɔwɔ nkan gidi ɛ gbo de, ³ Ni gudugudu yɛ eŋi oju fu oni toko lakun ni ɛfɔ fu ni : wɔ wa joko mini, l’aye onia pataki ya ! ni ɛfɔ fu oniya ni : wɔ, dio nba ! ni bii joko nlɛ labɛ ɛsɛ mi ⁴ N’nɔn yɛ feé, ɛ ke yi ni ɛ ŋa arayɛ lɔtɔ ɔtɔ nɛ ? ke se iseé iseku ni a fu yɛ se bɛ ɛ ? ⁵ ɛ gbo ɛyɛ temi ya gbo mo fian iréé ɛ : Ɔlɔun ko ŋa oniya loju aiyé ya ni aya ka di olowo n’nɔn igbagbo wu ajogu ijɔba ye o léi fu ɛnin ye fian ya ɛ ? ⁶ Ni ɛyɛ ɛ tɛ̀ oniya ! ke se olowo ya ni aya fu ipa jɛ yɛ ni fa yɛ lɔ nle ɛjɔ ya ? ⁷ Ke se aya ni aya bajɛ ekɔ ire yɛ ? ⁸ Bi ɛ mu ofi Ɔlɔun ɔba ye iwe kima ni wa wa fian ɛnin ekeji ɛ bɛni araɛ paapaa ɛ sɛ, ɛ se ire nɛ. ⁹ Ama gede bi ɛ san ara ɛ lɔtɔ ɔtɔ ɛ dɛsɛ kan nɛ, ofi nko jebi yɛ. ¹⁰ Ndi ni bi onika a tɔ ofi gudugudu ama gede o bekun akan, ɛnin yɛ jebi ye bɔ ya ɛ gbo ni. ¹¹ Alɔjɛni ɛnin fɔ ni ikɔ gbedɔn se agbere ni ɔ sin fɔ ni ikɔ gbedɔn pa onia. Bi iko se agbere ama o ponia, o lofi ni. ¹² ɛɛfɔ ni ke se bɛni ɛnin ye aya ka fu ofi fɛɛ pejɔ fuɛ. ¹³ Ndi ni ejɔ kipa ka saanɔn fu ɛnin ye kasanɔn ɛnin. Aanɔ a jayé idajɔ. ¹⁴ Ɔmon yemiya, keni ere fu onian ni kɔfɔ ni "mɔnin igbagbo" bi kɔnyan dee inɔn iseɛ ya? Igbagbo yɛ n'ko tiko gbanin la? ¹⁵ Kamu ni onikan kɔnin n'kan ye n'kɔru ati ye n'kaa jɛ lɔjɔ lɔjɔɛ. ¹⁶ N'jɛ ɔtɔsi ni kɛfɔ fu ni: "odugba ɔjɔ ireo kɛjɛ kɛmɔn layɔo!" Bi eke fuu n'nɔn n'kanye onidiɛɛ? ¹⁷ Bɛni ti igbagbɔ gbo: bi kɔnyan dee inɔn isewa, yɛ ni igbagbɔ ye kuɛ. ¹⁸ Bɔyaï onikan n'kɔfɔ ni: 'ti onikan ni igbagbɔ, ti onikan kise" man bi oluwaɛ ni ko dee igbagbɔɛ fu mi layi se n'kan kan ni emi man nyan igbagbɔ mi dee fu n'nɔn ise mi. ¹⁹ Ɛgba gbɔ ni ɔlɔun kanso ni ɔwa? osian. Ɛmi iseku ya gbo man bɛ ni ojo aafu aa ya nyan. ²⁰ Alayi nin oye! ɔjɛ wa wo iyi apɛrɛ titan ni iman ni igbagbɔ layi si ise ni asan? ²¹ Basi Abrahamu gbagbo wa se fu jɛ olotitɔ l'oju ɔlɔun? N'dii iseɛ ni, n'gba ye omu ɔmanɛ fu se ɛbɔ n'ta pɛpɛ. ²² Oyi, igbagbɔɛ ati iseɛ sukuu: igbagbɔɛ to n'kipe n'di n'kan ye aase fu tɔɔ yaɛ ni. ²³ Bɛ ni an mu amusɛ n'kan ye an kɔnɛ: "Abrahamu gbagbɔ n'ta ɔlɔun, ni ɔlɔun kan kɔn olotitɔ n'di igbagbɔɛ" ni ɔlɔun pe ni n'ja ti wu. ²⁴ Eyii isiin, onian ni ɔlɔun da man ni olotitɔɛ, kose n'di igbagbɔɛ geee aman n'di iseɛ ya gbo. ²⁵ Bɛ gbo ni oyifu Rahabu ala luwa ɔlɔun gba ni olotitɔ ni n'di ye ɔgba iransɛɛ ɔman Israɛli ya ni omu ya sa gbɔnan ɔmɔin. ²⁶ Gɛgɛ bɛ ni aa ye kɔnin ɛmi ti kuɛ bɛ gbo ni igbagbɔ ye ko si iseɛ ti ku.