¹ Paulu ajisɛ ye ko se ndɔ onian wa, abi npa onian. Aman npa Jesu kristi owun ɔlɔhun bɔba, ɛnin ye ji i nde nipo oku). ² Owun gudugudu arakurin yan gbo a wa owun mi fun ijɔ ye wa, ni Galate ɛ. ³ Ore-ɔfɛ fun ɛ owun alafia lati ɔdɔ bɔba ɔlɔhun wa owun Jesu kristi oluwa wa. ⁴ Ɛnin ye o fi on papaa fun ɛsɛ wa ko fi gba wa kurɔ n'non aye iséku, yee gɛgɛbi, ifɛ ɔlɔhun bɔba wa. ⁵ Ɛnin yee ogo wa fun baie owun lailaie. Amin ⁶ Ana ya mi ntori ɛ yara dide ndɔ ɛnin pe ɛ sisi n'non ore-ɔfɛ kristi sisi n'non royin rere omurin ye ko se omurɛ ɛ. ⁷ Bi ɔtɛ jɛ ni ɛnin kan wa ni a yɔ yɛ lanu gbo an wo ni an kà nyi ifɛ irogin kristi pada. ⁸ Aman, bi ose ti awa ni abi angɛli kan lati ɔran wa, ni o wasu trojin rere ɔmirin fun yɛ pere ye a ti wasu fun yɛ lɔ jɛ ko di ɛni epe. ⁹ Bi a ti fɔ saju bɛni no tese fɔ isinki ni bi onikan wasu troyin ɔmurin fun ɛ pere ye ɛ ti gba ɛ lɔjɛ ko di ɛnin epe. ¹⁰ Nje isinhi onian ni emi ma nyinƒ lɔkan pada abi ɔlɔhun ɛ abi onian ni, emi ma fɛ wu ntori bi emi ma wun onian emi nka se iransɛ kristi. ¹¹ Aman onian ni yan, ma nwo kɛnan ni iroyi rere ye mo ti wasu, kose npa ti onian. ¹² Ntori kose, lɔwo onian ni mo ti gba a, bɛni an ko fi kɔ mi, a man npa fihan Jesu kristi ni. ¹³ Ntori ɛyɛ ti gbɔ oro mi, iwa-aye mi ngba ni gba jɔjɔ n'non, ɛsin ɛnin jù gan; bi mo ti se iwa inon fun ijɔ onian ɔlɔhun gbo ɔkɔja, àla ɛ gbo mo baa jɛ. ¹⁴ Mo pree ɔman ɛgbɛ mi yem n'non isinju lemeji ɔman yan ofin atɔwɔda tibɔla mi. ¹⁵ Aman ngba o wu ɔlɔhun, ɛnin ye o ya mi sɔtɔ lati inon yémi wà, gbo o pe mi npa ore-ɔfɛ ɛ. ¹⁶ Lati fi ɔman ɛ deree inon mi nwasu ɛ leeyi keferi yan lɛsɛkɛsɛ nko ba ara, owun ɛjɛ ɛjɛ papɔ ro. ¹⁷ Bɛni ko goke lɔ njerusalem tɔ ɛnin ye ase ajisɛ saju mi Aman mo lɔ l'arabia mo si ton pada wa, nyamasku. ¹⁸ Lanyi ɔdon mɛta, ngba yɛ ni mo goke lɔ njurusalɛm lati lɔ ki peteru. Mo si gbe ɔdɔ ɛ ɔjɔ mɛdogun. ¹⁹ Aman, emi nko ri ɛnimuin n'non ajisɛ omirin bikose Jakɔbu oman kunin oluwa. ²⁰ Nkan ye emi, mo kɔwe fu yɛ re ye, nkesii nwaju ɔlɔhun emi ko sia. ²¹ lanyi yɛ mo wa larɔ siria owun ti kilikia. ²² Mo si jɛ ɛnin ye, a ko man loju, ɛnin ijɔ ye wa n'non Kristi ni Judea. ²³ Aman gudugudu ɛnin ya ti gbɔ ni ɛnin ye abinon fun wa, ri ɛ a wasu igbagbɔ yɛ isinhi. ²⁴ A si nyin ɔlɔhun logo ntori mi.