¹ Isɛɛn a bi nyin, ɛnɛn wa ngan. Fu ki pada wa oluwa Jesu-Kristi wu ki wa wa wu ɛ. ² Ko ma jɛ ni, ɛ daru n'nɔn isé yɛ nyan, n'nɔn ɛn yɛ nyan, lɛpa a fɔ, koma jɛ ni iwé yé a ɔjɔn ki waa a wa: Ndi yɛ ni ke se gbagbɔ fu ɔjɔ o ti dé. ³ Onikan ko tan yɛ jɛ n'nɔn kan. Ndi nbɛ ikaa ti wa o ti pɛn. ari ɛlɛsɛ fara nyan ɔman égbé. ⁴ Ɛnɛn yé a taka wu a didé si ɔlɔhun, wu kisɛn a joko dɔsɔ tempeli ɔlɔhun, wu a dée ara bɛɛni ɔlɔhun. ⁵ Ɛ man gbagbé, ni motifɔ nkan yɛ nyan fu yɛ, n'gbayé mo wa wù yɛ? ⁶ Isɛn, ɛman n'kan yé a dié ɔna, bɛɛni ki dée ɔna anfani. ⁷ N'di isɛ ki ma gburan ti dié isɛɛ, ikankosoni, onikan ni okinyan gbani titaan fu dé asokoyé ɔna ko fu tanɛ. ⁸ Ɛnɛn yé ko gburan fu ofi n'ko deé ara ɛ oluwa Jesu nko fa lɛyin lɛpa ɛmi anuɛ. Oluwa nkɔ ifi ran ki wa ɛ di gbada. ⁹ Ki waa a didési, n'kodi isɛ ésu wu agbara gudugudu, wu amɛn, ¹⁰ wu isɛ iyanu éké, wu ɛwa nyan n'nɔn ayirɛn lɛpaotitɔ. N'kan yɛ nyan, ayan ka di kibajɛ, ndi ke ayan ko nɛn ifɛ otitɔ, ndi kɛri igbala. ¹¹ Fu ndi, ɔlɔhun tutu nyan lɔ lɔna ki raa ndi ayan ko gbagbɔ n'nɔn ɛwa. ¹² Eré wa fu ɛ ni ye nko lɔ fu idajɔ ɛnɛn yé nyan konɛn otitɔ aman, kakabɛ ayan gbadɔn ayilɛpaotitɔ. ¹³ Aman a dupɛ layisimi lɛpa oré-ofɛ fu ɛnɛn nyan yé mo firan dara dara n'nɔn oluwa. Ndi ɔlɔhun ɔ nyan yɛ bɛɛni éso akusɛn igbala ndi nki man ɛmi wu ki gbagbɔ n'nɔn otitɔ. ¹⁴ Fu nkan yé a gbe gbataa oro nyi iré kifu gbaa ogo ti oluwa wa fɔ wa wu iwé a kɔn. ¹⁵ Ɛnɛn minyan, ɛ duro dara dara. Ɛ di mu ikan onia ayan sé yɛ ayan kɔn yɛ gbata afɔ wa wu éwé wa. ¹⁶ Ɛnɛn, oluwa Jesu-Kristi paa, wu ɔlɔhun bɔba wa yé firan wa wu ofuwa ara kilé fulɔ, wu igbokalé fu ɔla gbata ore-ofɛ. ¹⁷ Fu ɛ iso wu ki fu gu ɔkan yɛ n'nɔn isɛ iré wu afɔ.