¹ Boas den sedi u bulñɔbu kani lani ke yua ke boas den maadi ke pia u sanu opo yeni den cua pendi .ke Boas yedi'o; nagini ne ki kali .ke o nagini ki sedi. ² Ke Boas taa u dogu n nikpela piigi . Ki maadi 'ba kali mani ne ke bi kali . ³ O den yedi Elimeleki kpiilo yeni Nuami ñani muabi dogu ki kpeni ki kuadi t kpiilo Elimeleki kuanu . N bani ke n den tiadi ŋa i . ⁴ N yedi ke min maadi ŋa ke ŋan daa li kuanu u dogu n yaaba yeni a nikpela nuga nni . A ya bua daa ŋan daa a gɔ yaa bua ŋan waani min bandi kelima oba kuli naa pia sanu ki cie'a .li ya ñani a kani min tua .Ke o yedi n baa daa . ⁵ Boas den yedi'o : a ya daa u kuanu yaa daali Nuame kani ,ŋan gɔ daa Ruta li pakuali mo ya yaali ke o calo yeli n taa l faali kani. ⁶ Ke O ja yeni yedi : Lanwani n kan fidi daa kelimaa n jie n faali n t bodi i.N cabi ŋa u sanu ŋa daa kelima min kan fidi . ⁷ Li yogu Isaraheli dogu nni li ya sua ke a daa bonli bii i kpedi liebi bonli sieda bo tie ke yedi i siiga n pidi o taacaagu i ki teni o lielo lan bo tie sieda. ⁸ Yua bo pia u nuu ke wan di Elimeliki faali yeni bo yedi Boas : daa li kuanu ki pidi u taacaagu ki ten'o . ⁹ Boas bo yedi u dogu nni nikpela yeni u dogu yaaba : yi tie n sieda ke n daa Nuame kani li faali ke li tie Elimeleki ,Kiljɔnyeni Maclɔn yaali ¹⁰ k gɔ taa Ruta Muabi Malcɔn pakuali ki fidi doni o kpiemo yeli ke o faali n daa bia . ¹¹ U dogu yaaba yeni a nikpela bo yedi : U Tienu cedi o pua yua baa kua deni ne nni n yaa tie nani Raseli yeni Lea bani bonlie yaaba bo seni Isaraheli deni . Waani a paalu Efrta nni ki seni a yeli Betelem nni ¹² Ke a danba faali yaali ke u Tienu baa puni ŋa o pua ne po n ya naani nani Peree deni yeni yua bo mali Juda . ¹³ Boas bo taa Ruta ke o tua o denpua ,Wan bo kua o kani ki pia gbenma bo cabi ke Ruta cuo u tugu ki mali bonjaga. ¹⁴ Bi puobi bo yedi Nuame : li miali diedo n gaa ti kpiagidi ,wanu yua cedi ke a k luo u buolu dinne ,ke laa biga yeli baa tua dondili Isaraheli nni . ¹⁵ Li biga baa cedi a yami n guani ,o baa kubi'a a ciandugu nni kelima a biyuagi yua bua 'a n mal'o wani yua cie a po bijabimu lie . ¹⁶ Nuame bo gaa ki biga yeni ki ŋmabi ki tua biyuali . ¹⁷ O kunkuanyuagi nba bo puli 'o li yeli ki tua ki bonjaga mali Nuami ! ke bi bo yii'o Obedi . Ke o ji bo tie Isahi yeni David báa . ¹⁸ Peletisa yaabila yela nne: ¹⁹ Pere mali Htisironi ;hetisironi mali Rame ke Rame mali Aminadabi ²⁰ Aminadab mali nakɔn; Nakɔn mali Salomɔn ²¹ Ke Salomɔn mali Boas ,ke Boas mɔ bo mali Obed; ²² ke Obed mali Isahi ke Isahi ji mali David