¹ Nuami Ruta canaá den yedi'o : n bua min ligi a po u kuanu lan fidi a yema n ya ŋani . ² Diidi Boasa yua ke a den yi caa o kani ki ŋua o tuonsɔnla puoli ki liegi yeni tie ti kpiilo i ,dinne ñiagu o baa lendi o jalu nni i dii ³ Wuli ki tieni tolaali ki yie a tiaŋandi ki gedi o jalu po .ŋan daa cedi Boasa n bandi ke a ye li kani hal yeni ban pan je ki ñu ki gbeni ⁴ O ya gedi duani ŋan kpaagi ki diidi wan duani naan. ŋan nagini o taana po ki pindi o kpalibu ki bali ki duani.Wano mɔno baa maadi ŋan baa tieni yaali . ⁵ O den yedi n baa tieni wan maadi yaala kuli . ⁶ Oden gedi u jalu po ki tieni o cannaá n yedi'o yaali kuli ⁷ Boasden jeni ki gɔ ñuni ke o pal mangi ki gedi ki duani ki kpiani li ditinli kani .Ke Ruta tieni suoo ki ki cua o kani ki la o taana ki duani . ⁸ U yagusiigu ke i jiwaani kua Boas boncianli .ke o diidi ki sua o pua dua o taana po . ⁹ O den ke ŋma yo ? ke o ŋmiani min Ruta i a tuonsɔnlo .taa' n ki kubi kelima a pia u sanu ŋan taa'n ki nagini a kani . ¹⁰ Boas den yedi'o : U tienu n seligi'a n bisalo ,ŋan tieni yaali cie ŋan den kpia yaali kelimaa ŋaa lingi jawaaba yaabi luo bii ki pia . ¹¹ Muala n bisalo daa jie n baa tien ŋan bua yaala kuli kelima n dogu yaaba kuli bani ke a tie puomɔno . ¹² Li tie moɔmɔni ke n pia u sanu min taa ŋa ke ŋan tua n denpua ama nitɔ ye ki kpi yen'a a calo ki cie min . ¹³ Duani lan fandi ,saala o ya bua nani wan pia u sanu yeni wan taa ŋa ŋan tua o denpua li yaa tuo o po min nba n baa cedi wan kuani'a.Utienu fuo ye ti . ya dua hali lan faa. ¹⁴ O den duani o taana po i ke li fa kaa fa ke Boas yedi'o : daa cedi oba n bandi ke ompua dua n jalu nni . ¹⁵ O den guani yedi tandi a kpalibu . O den tandi ke o bigini i dii nani yiemu luobi yeni ki tun'o ke o gedi u dogu po . ¹⁶ Ruta den guani pundi o canaá Nuame kani ki yedi'o: Li den tie ledi n bisalo ? ke Ruta guani togid'o Boas n den tieni yaali kuli o po . ¹⁷ o gɔ den yedi'o: o puni 'n i dii yiemuluoba ,ki yedi ke n kan guani a po nuukuomu. ¹⁸ Lani ke Nuami yedi'o : n bisalo a yama n ya dua hal yeni ŋan baa bandi lan baa juodi maam kelima Boas kan fuodi kaa ŋanbi gbeni laa maama dinne.