¹ Li ya tie ke nilo pia bonkukuodi ya jiema i, O Diedo po, mi baa tie ya bima n ŋani ya yoma i. ŋan wuli mi kpama mi yoma nni, ki pugni li ŋubli, ² Ki gedi ki teni salga yidkaaba siiga nni, yendo. Salga yidka ba jobi li yoma, ke mi ŋmadi yeni mi kpama yeni li ŋubli, nuukuli, ki juu ma li padbinbindli po. Li padli ba waani ya jaandi n do O Diedo po, ki tiedi o balga yeni wan tieni ya ŋanma kuli. ³ Ban sieni ya yoma ke maa juu yeni tie Haarɔn yeni o bijaba ya yaama i. Mani tie ban paadi yaama salga yidkaaba po, ke maa taa yeni O Diedo paabu i. ⁴ Li ya tie ya paabu n tie yoma jiema, nani kpanu bii yoncagni yeni, li buali ke man ya tie ya dibima n ŋani ya yoma i. Li ba fidi ki ya tie kpanu keli ŋmadi yeni mi kpama, ama lan da tieni dabinli, li go ba fidi ki ya tie yoncagni yeni mi kpama, kaa tieni dabinli. ⁵ Li ya tie ke a taa yoma, ki puli kpanu, li yoma baa tie dibinŋanma yoma i, ke mi ŋmadi yeni mi kpama, ama, kaa tieni dabinli. ⁶ Li buali ke lan cabdicabdi boncaba i, ki wuli mi kpama. Li tie ya padli n tieni yeni mi yoma jiema n yeni. ⁷ A padli ya tie yoma, ke a jigi jali, li yoma baa tie dibinŋanma yoma i, ke bi wuli mi kpama mi po. ⁸ Yin cua yeni mi yoma paabu O Diedo po, ki teni salga yidka, wan gedi yeni ma li padbinbindli kani. ⁹ O ba jobi ma waamu O Diedo paabu po, ki juu ma li padbinbindli po, li nuulmanu ba mangi O Diedo pali. ¹⁰ Ya yoma n sieni kaa juu baa tie ki Haarɔn yeni o bijaba ya biinu i. Li biinu tie ban paadi yaama O Diedo paabu, li padjuukaali po i. ¹¹ Li ya tie yoma paabu i, yeni ya dibima n ŋani, O Diedo po, li ki buali ke lan tieni dabinli, kelima, li ki buali ke lan tieni dabinli bii siadi O Diedo paabu yaabu n buali ke salga yidka ń juu li padbinbindli po nni. ¹² Li buali ke lan cua yeni u kpaangu bonkpiala ki puni O Diedo bu paabu, ama, li ki buali ke lan juu lanya paabu li padbinbindli po, ke li nuulu ń mangi O Diedo pali. ¹³ Li buali ke ln tieni mi yaama ya paabu n tie yoma kuli nni. Mi yaama tie O Diedo ń den loli ya ŋantaado yeni yi yeni maalma i. Lanwani ii, yin da sundi ki tieni mi yaama yoma ya paabu kuli nni. 4 A ya cua yeni O Diedo po paabu ke bu tie a kpaangu bonkpiala, ŋan li buali ya bonluonkaali n ŋani, ke a sɔgi li bima. ¹⁵ ŋan tieni mikpama yeni li ŋubli, yeni i ke li ba tua ya yoma n ŋani, ki dagdi yeni bu paabu. ¹⁶ Salga yidka ba jobi ya yoma n ba dagdi li padli O Diedo po. O ba juu mani i lipadbinbindli po, man tua padjuukaali yaali n dagdi O Diedo po.