¹ Lanya daali, puoba lele ba taani ki cuo jayendo, ki bibi o, ki yedi o, "Tinba n baa lingi ti jiema ki di, tinba n baa yiendi ti yula. Ama taa ti tin tua a puoba, ki ñani tipo i fee." Jerusalema niba yaaba n sani ki ciadi. ² Lanya daali, O Diedo ba cedi li benkpeli ń pudi ya benpaanli n ŋani ki go pia ti kpiagdi, mi diema nni tiidi luana baa mani boncianla yaaba n sani ki ciadi Israyeli diema nni po. ³ Lanwani ii, li daali kpendi, ke yaaba n sieni, ki ye Siyɔn nni, yeni ban ŋa yaaba, ke bi ye Jerusalema nni, bi ba yini bani i, bi gagdiŋanba, bi ba diani bi yela Jerusalema nni, mi yema nni kuli. ⁴ O Diedo ya ŋuudi ki ñani Siyɔn bisiaba jɔgindi, ki cedi ke ti buudi fawaama piebi nani mu yeni, ki ŋuudi ki kɔdi, ki ñani ya sɔma n wuli Juda diema nni yeni. ⁵ Lanwani ii, O Diedo ba tagi Siyɔn juali po kuli, yeni li nitaanli nni ya muñiigu n ba legni li nitaanli, nani talwadi yeni, u yensiinu, ku ñiagu mo ya tawalgu n co u mupienu, ki yendi li nitaanli; O Diedi kpiagdi baa tie nani kpalcianbu yeni, ki ŋaagi li nitaanli po. ⁶ Li ba tua wuonkaanu, u wulgu po u yensiinu, ki go tua kalkaanu, ku faagu yeni ki taaga po.