¹ O Diedo den yedi Moyiisi, "Diidi, N cedi ke a tua nani U Tieni yeni, Farawɔn kani. A kpelo, Haarɔn n ba tua a sawalpualo. ² Fini n ba yedi min teni ya ñɔbonli ke ŋan maadi. A kpelo Haarɔn ba pua Farawɔn sawali, ki maadi o ke wan cedi Israyeli buolu ń ña o diema nni. ³ Ama, Mini n ba juagi Farawɔn pali, ki tieni yaalidgu banma bona, n paaciamu po, ti jawaandi ba kua ba, Ejipti tinga nni. ⁴ Ama, Farawɔn kan cengi a, Lanwani ii, N ba maani n nuu Ejipti diema po, ki jia ba ti buudi, ki cuo ba, ki ŋmali bi tuba, ki ñani n tɔgola, n buolu, Israyeli puolŋuani Ejipti diema nni. ⁵ N ya duoni n nuu, ki maani Ejipti po, ki ñani Israyeli yaaba bi siiga nni, Ejipti yaaba ba bandi ke Mini n tie O Diedo." ⁶ Moyiisi yeni Haarɔn den li tieni yeni i; bi den tieni nani O Diedo ń den bili o ñɔbonli ke ban tieni maama yeni i. ⁷ Ban den maadi yeni Farawɔn ya yogu, Moyiisi bo pia bina piiniini (80), ke Haarɔn pia piiniin n bina taa (83). O Diedo den yedi Moyiisi yeni Haarɔn, ⁹ "Farawɔn ya yedi yi, 'tieni mani yaalidgu banma' ŋan yedi Haarɔn, 'Taa a gbiamu, ki lu Farawɔn nintuali, un kpandi waa.'" ¹⁰ Moyiisi yeni Haarɔn den gedi Farawɔn kani ki tieni nani O Diedo ń bili ba ya ñɔbonli yeni i. Haarɔn den luni o gbiamu Farawɔn yeni o naacenba nintuali, ke u tua waa. ¹¹ Farawɔn mɔ den yini o yanfodanba, o sɔla yeni o ñɔgdanba, ke bi mo cua ki tieni li bancianma buolu yeni bi bulgbandi. 12 ¹³ Nani o Diedo ń den tuodi ki waani maama yeni, Farawɔn den juagi o pali, kaa bua wan cengi ba. ¹⁴ O Diedo den yedi Moyiisi, "Farawɔn pali juagi, ke waa bua ke wan cedi n buolu ń gedi. ¹⁵ Gedi Farawɔn kani ku siŋaagu nni, wan ña mi ñima nni ya yognu, ŋan tuogi o, ki taa ya gbiamu n den tua waa yeni. ¹⁶ ŋan yedi o, ' O Diedo, Ebrewuna Tienu n sɔni nni a kani, ke min yedi a ne, " Cedi n buolu ń gedi ki ban yidi salga, ki pugi nni mi tinfanma po. Ama hali yeni mɔla kuli, a naa bua ŋan cengi. ¹⁷ O Diedo yedi ne: "Min ba tieni yaali, ŋan bandi ke Mini n tie O Diedo n ne. N ba pua U kpenu ñima yeni min muubi ya gbiamu ne, u kpenu kuli ń tua sɔma. ¹⁸ U kpenciamu nni jami ba kpe, mi u ñima ń nuugi. Ejipti yaaba ba gbali ban ba tini maama ki ñu u kpenciamu ñima." ¹⁹ O Diedo go den yedi Moyiisi, "Maadi Haarɔn, ' mubni a gbiamu ki tandi u Ejipti Ejipti ñima po, bi kpeni, bi bɔndi po, bi laadi po, bi ñinbilkaama po, bi balaadi po, bi ñima ń tua sɔma. Yin tieni yeni, sɔma baba ń ya Ejipti diema nni, Bayeni ti tilondi nni yeni i tanfali nni.'" ²⁰ Moyiisi yeni Haarɔn den tieni nani O Diedo n bili ba ya ñɔbonli yeni i. Haarɔn den tandi u gbiamu, ki pua u kpenciamu ñima Farawɔn yeni o naacenba nintuali. Mi ñima kuli den tua sɔma. ²¹ Mi ñima nni jami den kpe, ke mi ñima nuugi. Ejipti yaaba den gbali u kpenciamu nni ñima ñuma, ke mi sɔma gbie Ejipti kaani kuli. ²² Ama, Ejipti ñɔgdanba yeni bi ŋantaadi danba mɔ den tieni li bancianma buolu, ke li ŋanbi ki juagi Farawɔn pali, ke o yie ke o kan cengi Moyiisi yeni Haarɔn, nani O Diedo ń den tuodi ki waani ke li ba tieni maama yeni. ²³ Lanwani ii, Farawɔn den guani ki kuni ki ban kua o dieli nni, kaa tiani yaali n tieni mɔno. ²⁴ Ejipti yaaba den gbi li kpenjaali po, ki lingi mi ñiñukaama, kelima bi den kan fidi ki ñu kpenu nni ñima. ²⁵ O Diedo ń den pua bi kpenu yeni falabiado, li den tieni dana lele i.