¹ Lan tieni ki pendi, ke Moyiisi yeni Haarɔn den gedi ki la Farawɔn, ki yedi, "O Diedo nɔbonli n ne, Israyeli Tienu yedi: 'Cedi n buolu ń gedi, bi bua bobni n po salga yidma mi fanpienma nni.'" ² Farawɔn ń buali, "ŋma n tie O Diedo? Li ba ga ledi i, min cengi o maama ki cabi Israyeli yaaba ban gedi? Mii bani O Diedo, n gɔ kan cabi Israyeli yaaba ban gedi." ³ Ke bi yedi, "Hebrewunba Tienu dɔgdi ti po. cedi tin gedi mi fanpienma nni ke ne yeni likani tie dana taa cenli, ki ban yidi salga, ki pugi O Diedo ti Tienu, ke wan da ti pua ti yeni i yianbiadi yeni ki jugsiega." ⁴ Ama, Ejipti badciamo den yedi ba, "Moyiisi yeni Haarɔn, be n cedi ke i bua buadi bi niba bi tuona nni i? Lebdi mani i tuona nni." ⁵ Ki go yedi, "Hebrewu niba ji yabdi ti diema nni, ke i bua cedi ban nɔli bi tuona." ⁶ Li daali mɔno, Farawɔn den ñani li ñɔbonli a tuona yudanba po yeni a tuona gɔndkaaba po. O den yedi, ⁷ "Laa ji tie nani kpiama, yin ji da lingi muadi ban pua i tankuomi. cedi mani bani mɔno ń gedi ki lingi ti muadi. ⁸ Yeni lankuli, yin niini ba ban pua ban den yi pua ya tankuomi banlu. Da tuo mani ban pua ke li waa ki cie li banlu, kelima bi tie kpadje danba i. Lanya po i ke bi miadi ki tua, 'Cabi ti tin gedi ki ban yidi salga, ki pugi ti Tienu.' ⁹ Pugni mani bi jaba a tuona, ban ya fiini a niinni, ki cedi ti maayoyuodi." ¹⁰ Lanwani ii, a tuona yudanba yeni bi gɔndkaaba ń ña ki puni bi niba laabaali. Bi den yedi, "Farawɔn ñɔbonli n ne, 'N ji kan cedi ban lingi muadi i po. ¹¹ Yinba mɔno ń gedi yin bani naana, ki ban lingi ti muadi, ama, bi kan wadi i tuona bá waamu.'" ¹² 2 Bi niba ń yadi ki kua Ejipti diema nni, ki ya lingi ti baadi ti kpaandi nni. ¹³ A tuona yudanba den fu yeni ba ki tua, "Sɔni mani ki gbeni i tuona nani ban den yi lingi i po ti muadi yeni." ¹⁴ Farawon tuonli yudanba den puagi Israyeli gɔndkaaba, ban den lugdi ya niba ki guuni ba bi tuonsɔnba yeni. Li tuonli yudanba den buali ba yognu kuli, "Li tieni ledi i, ke i ki fidi ki cedi ke bi pua lan buali ke ban pua ya tankuomi banlu , nani ban den yi pua maama yeni?" ¹⁵ Lanwani ii, Israyeli tuona gɔndkaaba den gedi ki la Farawɔn ki buudi ki fábni o kani. Bi den yedi, "Li tieni ledi i, ke i cagni i tuonsɔnba nanda? ¹⁶ Bi ji ki tieni a tuonsɔnba muadi, ama ki nan li ŋua ki maadi ti, 'Ya pa mani i tankuomi!" Bi ji pua tinba naacenba mɔno i, ama ke li nan tie a niba mɔno ya jalgi i. ¹⁷ Ama ke Farawɔn yedi, "I tie kpajedanba i! I tie kpadjedanba i! I yedi, 'Cabi ti tin gedi ki ban yidi salga, ki pugi O Diedo.' ¹⁸ Lanwani ii, ji ya gɔa mani i tuona po. Bi ji kan lingi muadi i po, ama i baa li pua yin den li pua ya tankuomi banlu i." ¹⁹ Israyeli gɔndkaaba ń gbadi ke Farawɔn yedi ba, "Ti kan wadi lan buali ke yin pua ya tankuomi banlu." Bi den bandi ke bi maama biagi ki pugni. ²⁰ Ban fii Farawɔn kani, ki ña, ke bi kadi yeni Moyiisi yeni Haarɔn ke bi se badidiegu cancanli. ²¹ Ke bi maadi Moyiisi yeni Haarɔn, "O Diedo ń lingi yiki jia yi ti buudi, ki cuo yi, kelima i cedi ki pua mi tofaama Farawɔn yeni o naacenba nintuali. I bubni ba jugsiega i ke ban kpa ti." ²² Ke Myiisi lebdi O Diedo kani, ki yedi, "N Diedo, be tieni ke a kuani ya niba ne mi janjanma nni? Be ya po ke a kuani nni liiga, ki sɔni nni? ²³ Hali min gedi Farawɔn kani ki maadi yeni o a yeli po, o cagni bi niba ne boncianla. Yeni mɔla kuli, amo nan da ki bobni a buolu faabma.