¹ O Diedo den yedi Moyiisi, ² Maadi Israyeli yaaba, ke yua n pia paabu kuli, ke bu tie o pali nni paabu, mini ya po, ban ga. ŋan ga li paabu n po. ³ Ya paabu ke a ba ga bi kani n ne: wula, ŋanjilfa, yeni ti kumɔndi ⁴ Ya caba / siema n naani tawalgbanbɔngu, yaama n mɔni ki tuudi, yaama n mɔni cococoli, Leni gaali, ti ŋɔkobdi; ⁵ ban sɔdi ya patona gbandi yeni ban sɔdi, ki tutu yaadi, mi ñima nni yangbandi; Acasia daadi, ⁶ Salga yidma fidsankpama, ya ŋubli n pia u nuulmanu; ⁷ Oniksi tana yeni ya tana n pia mayuli, ban ba kpaa yaa salga yidkaaba yudaano tialakaadi po. ⁸ Li buali ke ban bobni n po u kaagagdiŋamu, min fidi ki ya ye bi siiga nni. ⁹ Bi ba ŋanbi, ki tii u kaangagdiŋamu yeni u tiadi nani min waani lan ba cɔlni ya nannanli yeni maama yeni i. ¹⁰ Bi ba kpa ku kpagu yeni Akasia daadi i. ku fagmu ń ya tie nuukpanduna lie yeni bɔgdima, ku yabnu, nuukpandunli yeni bɔgdima, ku sedma mo nuukpandunli yeni bɔgdima. ¹¹ Ban kpaa kuniinni yeni niinpo kuli yeni wulamɔnli, ki kogni ki cebni ku polu po yeni wula. ¹² I ba duadi wula biana na, ki kpaa ku kpagu po, ku kunnaadi po, biana lie poyenpo, biana lie, potɔpo ¹³ Yin bobni Akasia daapanda, ki duadi a wula. ¹⁴ I ba kuani wula daapanda a biana nni ku kpagu kuni po, ŋan todi ku kpagu tugma po. ¹⁵ Adaapanda baa ye ku kpagu biana nni i. Li ki buali ban ñani li daapanda ¹⁶ Yin tieni ku kpagu nni Min ba teni a ya yikodi tanpaba, ¹⁷ Yin tagi ku kpagu biili yeni wula mɔnli. li fagmu baa tie nuukpanduna lie yeni bɔgdima, li piamu mo nuukpandunli, yeni bɔgdima. ¹⁸ Yin tagi Ciherubenba bile ki duadi wula ñima ku kpagu biili kunliedi po. ¹⁹ Yin tieni Ciheruben yendo li biili kunyendu, Ciheruben tiano mo, u kunliedu. Li ba duadi yeni li biili lan ya tie tutulyengu i. ²⁰ Ciheruben ba fiini o fiabi, ki pibni ku kpagu biili. Ciherubenba baa see ki nua bi lieba i, ke yuakuli ciini li biili sinsiiga nni. ²¹ Yin taa li biili, ki biini ku kpagu polu po, ki tieni ku niinni Min ba teni a ya yikodi tanpaba. ²² N ya ba kadi yeni yi kuli, li baa tie ku kpagu kani i. N ba sedi ku kpagu biili po, ki maadi yeni yi. Li baa tie Ciherubenba bilie siiga nni i, ku kpagu biili po, ke N ba maadi yeni yi, yaali n nua Min ba bili yi ya yikodi kuli, Israyeli yaaba po. ²³ Yin kpaa Akasia daadi taabli. Li fagmu baa tie nuukpanduna lie, li piamu nuukpandunli, li sedma mo nuukpandunli yeni bɔgdima. ²⁴ Yin duadi wula ki pibni li, ki go kpa wula ki lindi li polu. ²⁵ Yin kogni bongudli yaali n pia nuupuogu piamu, kilindi, ki duadi li wula. ²⁶ I ba tagi wula biana na, ki kpaa li kunnaada, li taana kani. ²⁷ Yin kpaa a biana maama ke daapanda ba fidi ki kua, ŋan todi taabli tugma po. ²⁸ Yin bobni Akasia daadi a daapanda po, ki duadi a wula, ban ya fidi ki tugi taabli yeni li daapanda. ²⁹ Yin bobni salga yidma tiadi nani mu pulmu, mu tadbuomu a tadkuana, yaadi n ba todi ban cabi salga daama. Lanya tiadi kuli baa tie wula tiadi i. ³⁰ Yin ya tiani yognu kuli ki bilgi taabli po mi yema kpanu N nintuali. ³¹ Yin duadi wula ñima ki tagi u fidsantuankaanu. I ba tagi Li fidsantuankaanu ke u pia u taali yeni u ñiali, u beni, yeni u puugu likuli ń taani ki ya tie tutulyengu. ³² U ba tɔa beni luoba i; beni taa u fidsantuankaanu poyenpo, beni taa mo potɔpo. ³³ U benkpialu baa pia kɔpi ataa i, ke a naani yeni Amandi bonluanli, ke li pia u cuokaanu yeni ku puugu, yeni kɔpi ataa ki bentianga mo ya po, ki pia u cuokaanu yeni ku puugu. Li baa tie yenma, u fidsantuankaanu lan beni luoba yeni kuli. ³⁴ U fidsantuankaanu mɔno, u siiga nni baa pia kɔpi ana i, ke a naani amandi luanli, yeni u cuokaanu yeni ti puudi. ³⁵ I cincinbenliedi taankaanu baa pia gbinli, ya benliedi n tua mo ya siiga baa pia gbinli. Li bentaali mo yaali n tuugi yeni li fidsantuankaali benjali mo baa pia gbinli ke li tie nannanyengu. li baa tie yeni, i li fidsantuankaali benluobdi yia n tuugi yeni lifidsantuankaali benjali kuli po. ³⁶ li gbina yeni li beni kuli baa tie bontutulyengu i, ki duadi yeni wula ñima. ³⁷ i ba tagi li fidsantuankaali yeni li li fidsanleledimu, ki tuani mu mun ya tieni mi yenyenma. ³⁸ mu babmu yeni mi fantama tadbuomu mo ba tieni yeni wula ñima i. 9 I ba taa ya wula kpiagu n pundi cilo piita (30) ki tagi u fidsantuankaanu yeni u bonbaanbidi. ⁴⁰ Yin mondi, u tagma ń cɔlni min waani ya nannanli li juali po yeni.