¹ Israyeli bijaba yaaba n yeni Jakɔbu, ki kua Ejipti nni yeni bi diedi nni yaaba kuli: ² Rubeni, Simeyɔn, Lefi, yeni Juda, ³ Isakari, Sebuluni yeni Benjamini, ⁴ Dani, Nafitali, Gaadi yeni Aciheri. ⁵ Ya niba n bo tie Jakɔbu puoli ŋuani kuli den tie niba piilele. Josefi wani den tuodi ki ye Ejipti nni i. ⁶ U yogu ń suagi waamu, Josefi, o ninjaba yeni lanya nifiima kuli den kpe. ⁷ Isreyeli yaaba den maa ki pugidi, ke bi nibima yabdi ki pugdi, ki baa ya paalu n yabi; bi ji den gbie yeni mi diema kuli. ⁸ Lanyognu, ke li sua ke badciantɔa n ji diedi Ejipti bali, li den tie yua n ki bani Josefi yema maama. ⁹ Wan yedi o dogtieba, "Diidi mani, Isreyeli yaaba yabi ki cie ti ki go paa ki cie ti. ¹⁰ Cua mani tin juogi ki bandi tin baa ye yeni ba maama mi yanfuoma nni. Lanyaaka bi ba ya maa ki pugdi, tɔbu ya baá, ban taani ti yibala po ban pua ti ki fie, ki yendi ti diema tinfanma. ¹¹ Ke lugdi a tuona yudanba, ki ba waani ba fala boncianla yeni a tuonpaala. Isreyeli yaaba n maa Pitoma yeni Ramisesi dogciami, yii n tie Farahɔn ŋalmandogi. ¹² Ama, yeni Ejipti yaaba n den li wangi ba falaciamo kuli, Israyeli yaaba den li maa ki pugdi, ki yadi ki gbie mi diema. Lanyapo i ke Ejipti yaaba den fiini nanga Isreyeli yaaba po. ¹³ Ejipti yaaba den bili Isreyeli yaaba ya tuona n paa boncianla. ¹⁴ Bi den biagi bi yema yeni a tuonpaala nani li tantaali, i tankuomi puama yeni i kuani nni tuona kuli. Ban den bilgi ba ya tuona kuli den paa paaa. ¹⁵ Lanwani ii, Ejipti badciamo den juogi yeni Hebrewu madmaanba; yendo den yi cihifra ke tɔa mo yi Puha. ¹⁶ O den yedi ba, " I ya maandi Ebrewu puoba, yin ya diidi ban mali ya yognu. bi ya mali bonjaga, yin kpa ga, li ya ti bonpuoga yin ŋa ga kan ya fo." ¹⁷ Ama bi madmaanba yeni den jie U Tienu kaa tie nani o badciamo ń yedi ba maama; bi den ŋaani mu bonjamu yeni mu miana i. ¹⁸ Ejiti badciamo den funi yeni bi madmaanba ki yedi ba," Li ga ledi i, ke yii kpa mu bonjamu ki ŋaani mu ke mu fo?" ¹⁹ Ke bi madmaanba jiini, " O badciamo, hebrewu puoba ki tie nani Ejipti puoba yeni. Bi pia u gbanmanu, ki ba fidi ki mali kaa buali madmaanlo po. Yeni ti ba pundi kuli ke bi mali ki gbeni o." ²⁰ U tienu den guu bi madmaanba. Hebrewu yaaba den mali ki pugni ki go paagi ki pugni. ²¹ Kelima bi madmaanba den jie U Tienu, ke o puni ba ti madi, ki diadi bi diedi. ²² Farahɔn den ñani li ñɔbonli, ki cabi o dogtieba, " Ban mali ya bonjaga kuli, yin lu ga u kpenciamu nni, ama yin ŋa mu bonpuomu mun ya fo."