¹ Sayula ya kuuma puoli po, ki sua Dafidi den lebidi gi guani wan den tuogi yeni sikilagi Amaleki yabi danan lie po. ² danan ta po,oja den ñani Sayula toacagili po ki cua ke o tiadi toatadi ke mi tama ye oyuli po, wan den pundi Dafidi kani o den poadi ba o nunga po gi labini gi tinga po wani o yaa ba. ³ Dafidi den yedi o,"a ñani le ?" o den guani o," n sani ki ciadi Isidayeli toacagili po yo, ⁴ Dafidi den yedi o n mia ŋa waani nni acenli po ŋan la yaala", o den guani ki yedi o, Biniba sani butoabu kani niba boncianla gbali ki ba niba boncianla kpe Sayula yeni o bijua Jonatan moko kpe" ⁵ Dafidi den yedi o jawaalo yeni, atieni lede ki bandi ke Sayuli yeni o bijua Jonatan kuli kpe. ⁶ ojawaalo den guani ki ŋmiani o, nden se Giliboa juali yuli po, ki nua Sayula ba ñii o kpaali po, yeni ki nua ke ti toateli yeni bitanjaba ki den foagi ban nando. ⁷ wan den ŋmadi ki ki laa nni o den yini nni n den ŋmiano ki yedi mini ne. ⁸ o den buali nni ki yedi a tie n ŋme yo? n den goa ki ŋmiano n tie Amaleki yua. ⁹ o den yedi nni lanwani ŋan nagini ki kpa nni kelima n nunga banbiga cuo nni, ba ke n da ye yeni limiali. ¹⁰ n den nagini o kani ki kpa o, n den bani ke wan gbali maama po ke o kan suagi ki yaa ye, n den ñani o badi fogiliga yaaga n den ye o yuli po. yeni o biana o nugi po, n taa li kuli ki cuani fini n daano kani. ¹¹ Dafidi den cuo wani o ba yaa tiadi ki dadi ki padi, yaaba n ye yeno kuli mo den tieni nani wan tieni maama yeni. ¹² bi den ye yeni mi kuuma pabiicianli hali o dajuagu, kelima Sayula yeni o bijua Joanatan yeni Li Miali daano niba po. yeni Isalele yaaba diegu po, kelima bi den gbali ki ba ke bi ku ba yeni ki jugisiega. ¹³ dafidi den yedi yaa jawaalo n cuani o po yi labaali yeni a tie li po yua yo? o den yedi n tie caano yaa biga Amaleki yua. ¹⁴ dafidi den yedi li ga lede ke ŋaa den pia o jejiegu ki tandi a nugu Li Miali daano ngagidi yua po, ki kpa o. ¹⁵ Dafidi den yini bi siiga nni niyendo ki yedi o, nagini ki kpa o, li joa den pua Amaleki yua ke o kpe. ¹⁶ Dafidi den yedi ke o soama n guani ki ba o yuli po. kelima a ñoabu maadi ki tuogi yeni fini aba, kelima a yedi n den kpa Li Miali daano n gagidi yua. ¹⁷ diidi Dafidi n den ñani yaa ku yani Sayula yeni o bijua Joanatan po. ¹⁸ ki den teni li lanbonli ke ban bangi Juda bila, li tie li dabanli yaa yanbu, bi den diani la biniteginkaaba kadaagu nni. ¹⁹ Isalele toatieba gbali ki ba ki kpe li juali yuli po. li galedeke laa jakoanda gbali ki ba ki kpe yeni ?. ²⁰ ban da waani li labaali Gadi, ŋan da cedi li labaali n yayadi Asikalono nni, ke Felisita yaa jafanba n dati mangi bi pala li po, ki yaa jie ke laa jifola bisiaba n da ti yedi ke bipaadi. ²¹ fini Giliboa juali mangu n da go baa a po ki buali taaga, ki buali yaa kuani yaa bon londi ciala n baa ti tua apada paabu ! kelima lan kane ke a Jakoanda gbankoandi ba Sayula gbankoandigu, ke mikpagagidi kaama sedi lan kani. ²² o liiga yaaba n duoli sdoama n wuli naakani, o liiga yaa jakoanda n cie kpama n ba naakani, Joanatan dabanli yaali n ki den suligi ki doa puoli, yeni Sayula jugisiega yaaga n kan yen guani fanma. ²³ Sayula yeni Joanatan yaaba n den bua yaba, ki tie yaaba n bua bi yaba ban ye ki fo yaa yoginu. ba mikuuma njni baa paadi yeni bi yaba, bi den jaligi ki cie li fenfenli bi den pa ki cie li yangbanbili. ²⁴ Isalele jafanba mua mani Sayula po wani yua n den yiendi yi yaa tiadi n moani ki ŋani, yua n den tiendi wula ki maandi yi tiadi po, ke li ŋani. ²⁵ li gaa lede ke laa jakoanda ba butoabu nni ki kpe yeni ? li ga lede ke Joanatan ba a juana nni ki kpe nande ? . ²⁶ li koani nni fini Joanata n nunjoa po, a buama n po den pia mi ñuadima ki cie bi puoba yaa buama. ²⁷ li tieni lede ke a jakoandiciama ba ki kpe yeni ? li ga lede ki bi toatiadi bodi ? .