¹ li puoli po Dafidi den buali Li Miali daano ki yedi min do ki gedi Juda dogi nni docianyendu nni ? Li Miali daano den ŋmiano ki yedi do, Dafidi den yedi n baa do ki gedi le ? Li Miali daano den ŋmiano Hebilon. ² Dafidi ki doni ki gedi yeni o denpuoba bani bonbilie, Akinuama Jisiyeli yua ,yeni Abigayili Kameli yua n den tie Nabali pua. ³ Dafidi den teni ke yaaba n den ye yeno den doni ki yegi yeno, yua kuli yeni o diegu yeni bi den kali kali Hebilon dociamu nni. ⁴ Juda jaba den cua o kani ki gagido ke wan yaa tie o bado Juda diegu po. bi den waani Dafidi ke li tie Jabesi yaa niba yaaba n tie Galaati yaaba bani n den piini Sayula : ⁵ Dafidi den soani otondu Jabesi yaaba po. bani yaaba n ye Galaadi nni, ki den yediba Li Miali daano n yadi o yedi ŋanma yi po, kelima yi waani mi ŋanma Sayula po, yin den piini yi canba yua po. ⁶ Moala ke Li miali daano tieni o ŋanma yeni o teginma n po.n moko baa tieni yi po yaala n ŋani. kelima yin den tieni yaala yaa po. ⁷ ke yi nugi n yaa paagidi ki pugidi, ki tua jadanba kelima yi canba Sayula kpe, li tie mine ke Juda diegu yaaba gagidi nni ke min yaa tie bi bado. ⁸ ki sua li yogu, Neeli bijua Abineeli yua n den tie Sayula toatieba yudaano, den ta Isiiboseti ki teni ke o tagini ki pendi Manayima nni. ⁹ ki gandi ki dino li bali Galaadi yaaba po. yeni Gesuudi yaaba po, yeni Jesiriyeli yaaba po, yeni Efilayima yeni Benjamina yaala n tie Isalele yaaba kuli po. ¹⁰ Sayula Bijua Isiiboseti den pia bina piina yaa yogunu ke o den tua Isalele yaaba bado, o den yendiba binalie, Juda yaaba bebe n den se ki tuugi yeni Dafidi. ¹¹ yaa yoginu ke Dafidi den yeni Juda diegu Hebilon nni. li den tie bina lele yeni ŋaali luoba. ¹² Neeli Bijua ABineeli, yeni Sayula bijua, Isiiboseti niba den ñani Manayima ki cuoni Gabayono po. ¹³ Tiseruja bijua Joaba yeni Dafidi niba moko den cindi ki cuoni, bi den cendi bi yaba Gabayono ñinsanu kani, bi den sedi bine den se li naa ñinduoli bi ne ne po yaa ñinduoli ! . ¹⁴ Abineeli den yedi Joaba ke bi jawaaba n fii ki tuogi bi yaba ti nintuali nni ! Joaba den guano ke ban fii. ¹⁵ bi den fii ki cuoni ki togidi yaba ke bi coali kuli de, piiga n niba lie Benjamina yaaba po, yaaba n ye Isiibosedi po, piiga n niba lie Dafidi yaa niba po. ¹⁶ yua kuli den cuo wan baa koani yeni yua yeni yuli ki muu o logima nni ke bi kuli den taani ki ba ki kpe. bi den puni lan kaanu yaa yeli Heli katitasurimu (lan tie ti tanciandi kaanu) li den nagi yeni Gabayono. ¹⁷ lan daali toabu den bia, Dafidi niba den pua ki paadi Abineeli yeni Isalele yaaba. ¹⁸ Li kani den pia Tiseruja bijaba ni ta, Joaba , Abisayili, A sayeli, Asayeli taana den yua nani o muagu nni pialo yene. ¹⁹ o denŋuadi Abineeli ki kanjadi ganu ki buali jienu. ²⁰ Abineeli den noanli o puoli po , ki yedi nani li tie fine Asayeli, o denŋmiano ki yedi li tie mine. ²¹ ABineeli den guano ki yedi; guani ganu bi jienu ki cuo bijawaaba siiga ŋan ba yua, ki kpa ki ta wan pia yaala, ama Asayeli ki den bua ki lebidi ki ŋaa o. ²² ABineeli go den yedi Asayeli, lebidi ki ña n puoli po, ki ŋaa nni be yaa po ke baa pua ki kpa ŋa ki tinga ne po ? yeni n baa ti tieni lede ki suagi ki yugidi n nunga a yualo Joaba nintuali. ²³ Asayeli den yie ke o kan lebidi ki ŋaa o, li yaa po ke ABineeli den taa o kpaanli joma ki muu otuguni ke o kpaanli den ban ñani o puoli po, o den ba ki kpe likani li kani, yaaba kuli n den pundi Asayeli n den ba ki kpe naankani den yen sedi. ²⁴ Joaba yeni Abisayili den suagi ki ŋoa ABineeli uyieniu den kua yaa yoginu ke bi den pundiAmima kunu yuu n tuoli yeni Giyasi Gabayono fanpienma po. ²⁵ lan yen waamu Bejamina bila den cua ki taani ABineeli kani ke li tie nani gbananyendi bi den sedi li juali yuli po. ²⁶ ABineeli den yini Joaba ki yedi: ki jugisiega li baa suagi ki yaa bolindi ki kan cedi ? naani a ki bani ke li baa tua pabiicianli li juodima ? hali be yogu ne a baa waagi ki kan yedi biniba ke ban cedi ki da go ŋuadi ki beli bi kpiiba?. ²⁷ joaba den goa ki ŋmiano hali UTienu yua n fo po ! a yaa bi maadi binba kan cedi ki kan yaa ŋoa ki beli bikpiiba hali o siŋaagu. ²⁸ Joaba den piebi o naatunli binba kuli den sedi ki kaa go den ŋuadi ki beli Isalele yaaba, baa den suagi ki baa yaa pua ki kpaanba. ²⁹ ABineeli yeni o niba den cuoni ñamungu mifanpienma nni, bi den duodi Judana, ki tagi ki pendi Bitiron, ki pundi Mahanayina ³⁰ Joaba den cedi ki kaa go beli ABineeli ki guani ki taani biniba kuli, o den la dafidi yaa niba nni ke piiga n niyendo n ki ye, yeni ASayeli. ³¹ AMa Dafidi yaa niba den pua ki kpa Benjamina yaa niba yeni ABineeli po yaa niba kobita n piiluoba. ³² bi den tugi Asayeli ki ban piino o boali ka kula nni Betelema, Joaba yeni o niba den tieni ñamungu ki cuoni o yienu n den pudi yaa yogunu bi den pundi Hebilon.