¹ jama go ga janceyan te,woodi mo kaanu Rabbi se.waato kaŋ Rabbi maa ra, a futa beeri; Rabbi danjo di i game ra,hal a na i nangora caaso ŋwa. ² jama hẽ Musa ga.Musa na Rabbi ŋwaray danjo ma bu. ³ i na nango din ma daŋ tabeerra,zama Rabbi danjo dii i game ra. ⁴ Dumi waney kaŋ wan go isirayla izey game ra sintin ga bini,hal isirayla izey mo ye ga sintin ga hȇ ga ne:may no ga iri no ham iri ma ŋwa? ⁵ iri goono ga fongu hamisey kan iri goro ga ŋwa misira,kaŋ iri si ga dey baa dalla,laptanda,kanay,albasan. ⁶ sohon,iri biney go ga suugu: hay kulu si! mana hinne iri mayey go ga di. ⁷ Manna din mo ga to haam gure beeray.A alhalo mo go danga deeli cine. ⁸ zama borey no ga koy g'a kunna,i ga fufu n'da tondi yaŋ,waala i ma duru humburu ra,i ga hina kusu ra,i ga te maasa mo.A tabayan ga hima maasa kaŋ ton n'da jii. ⁹ Waati kaŋ harandan zumbu i nangora cino ra,manna mo ga zumbu. ¹⁰ Musa maa jama se kaŋ go ga hê,boro kulu n'ga armayalo ra,nga kuru fuwo me.Rabbi futa beeri gumo. ¹¹ Musa bina sara,a ne mo Rabbi se: i fo se no ni go ga ni goytero tabandi, i fo se mo ay mana dù sabbu ni jine,kaŋ ni na jaama wo kulu dake ay boŋ: ¹² Ay no na jaama wo kulu kunda jare? Ay no k'i hay? hala ni ma ne ay se: jaama wo sambu ni ganda ra, sanda mato kaŋ baaba ga nanandi jare,kala laabo kaŋ ni ze ni ma i baabey no din ra? ¹³ Man no iri ga du ham kaŋ ga wassa jaama wo kulu se. Zama i go ga hê ay banda, ga ne: iri ne ham iri ma na ŋwa. ¹⁴ Ay hinne si hin ga jaama wo kulu jare, zama a ga tin ay se gumo. ¹⁵ Da ya cin ne no ni ga te ay se, sobbay g'ay wi, ay ni ŋwaaray da dey ay du sabbu ni jine, ay ma si di massiba. ¹⁶ Rabbi ne Musa se: ma boro wayye margu ay jine,Israyla dottijey ra, boro yaŋ kaŋ ni g'a bay sanda dottijo yan kaŋ gonda hinni jaama boŋ; m'a kaŋdey ciitiyan kuru fuwo do, i ma kaa mo nin ni do i ma kay ni banda. ¹⁷ Ay ga zumbu, ay ga sanlaŋ ni se mo; ay ga biya kaŋ go ni boŋ sambu, ga dake i boŋ, kaŋ ga naŋ i ma jaama tiina jare ga ni ga, ni ma si du g'a jare ni hinne. ¹⁸ Ni ga ne jama se: wa araŋ boŋ hanna nan di suba se, wodin ga araŋ ga ham ŋwa, za kaŋ araŋ hě Rabbi hangey ra, ga ne: may no giri no ham iri ma ŋwa? zama iri go baani misira. Rabbi ga araŋ no ham araŋ ma ŋwa. ¹⁹ Aran g'a ŋwa manti jirbi fo hinne, waala jirbi hinka, waala jirbi gu, waala jirbi way, waala jirbi waranka, ²⁰ Amma handu fo sunmare, kala wati kaŋ kala a ma fatta araŋ niney ra,wala watikaŋ a fatta araŋ biney ra, zama araŋ na Rabbi kaŋ go araŋ game ra furu, da mo zama araŋ hě a jine ka ne: i fo se no iri fatta misira? ²¹ Musa ne: borey kaŋ yaŋ game ra ay go, ga to soodje zambar iddu,ni ma ne: ay gi no ham, i ma ŋwa handu fo sunmare! ²² Iri ga feeji n'da haw yan wi ise no hala a ma wasa ise? wala iri ga teeku a hamisey kulu margu i se no, hala a ma du ga wasa? ²³ Rabbi tu Musa se: Rabbi kamba ga dun-guriya no? ni ga di sohõn haya kaŋ ay cii ni se ga te wala a si te? ²⁴ Musa fatta ga Rabbi sanney ci jama se, a na boro way iyye margu kaŋ yaŋ ga ti jama dottijey, ka i kayandi kuuru fuwo windanta. ²⁵ Rabbi zumbu buru yunma ra, ga salaŋ Muse se; a na Biya kan go Musa boŋ sambu ga dake dottijo way iyye boŋ.Biya to ga zumbu i boŋ no, i na annabitaray yaŋ te amma a man kuu. ²⁶ Amma i boro way-iyya din ra,boro hinka goro gata ra a fo ma Eldad, a fa ma Medad, kaŋ yan boŋ biya zumbu zama i na i maayey hantum ba kaŋ i mana hin ga key kuru fuwo do; i na Annabitaray te mo i nangora ra. ²⁷ Aruwasu fo zuru ka,ga ci Musa se, a ne: Eldad n'da Madad go ga annanbitaray te i nangora ra. ²⁸ Nun izo yasuwa, kaŋ Musa goy ize no za a go zanka. a tu ka ne; Musa mi gaayi.! ²⁹ Musa ne a se: ni go ga canse ay se no? Don Rabbi jama kulu mate Annanbitaray; Rabbi ma nga biya dan i ga. ³⁰ Musa binde ye ngey nangora do,n'ga n'da Israyla dottijey. ³¹ Rabbi na haw fo fusu kaŋ fun teko do harey, a kande ise darfanda yan ga taŋ i nangey kulu ra, sanda zaari fo diraw no kaŋbey kulu haray. i go laabo se beene kamba-kar hinka. ³² Zaaro din kulu n'da cino din da a suba zaaro jama na darfanday kumna; boro kaŋ ma na ibo-bo kumna ga du tono way cindi gu. i ni yandi gata windanta n'gey boŋ se.