¹ Yasua tun Sittim laabo ra za susubay da hiney nga da Israyla izey kulu. I kaa ga to Hurdun, nan kaŋ i kani cino ra haala ba i ga daŋandi. ² Jirbi hinza nda care game ra, sooje berey sobey ka jama zuure. ³ I na jama lordi ka ne: " Watin kan se cine aran di Alfaga beerey, Lawitey no ya, go ga Rabbi aran Irkoyo sundurko jare, aran ma tun aran nongoreyey ra ka daake i bande. ⁴ Amma wa jandi daŋ aran da game ra, kan ga too kambe-kar zambar hinka cine: Wa si maana ga bo, aran ma ka beey fondo kan aran ga gana nda, zama aran si fondey bey. ⁵ Yasua ne jaama se: "Wa aran bon hanandi, zama suba no Rabbi ga nga dambari harey te aran game ra. ⁶ Yesua salan Alfagey se ka ne: "wa alkawolo sundurko jare ka dira jaama jine." I na Alkawolo sundurko sambu ka furo jama jine. ⁷ Rabbi mo ne Yasua se: "Hunkuna no ay sintin ka ni sambu beene Israyla izey kulu jine, i ma du ka bey kan ay ga bare ni bande mate kan cine ay bare Musa bande. ⁸ Ni ga lordo wo no Alfagey kan yan go ga sundurko jare din se: "Waatin kan se aran to Urduno haro me ga, aran ma key a ra. ⁹ Yasua ne Israyla izey se: "wa maanu ga kaa ka maa hay kan Rabbi aran Irkoyo ci." ¹⁰ Yasua ne: " Woodin ga no aran ga bey kan Irkoy fundikoono go ran game ra, a ga Kanaanancey, da Hibancey, da Perizancey, da Jirgasancey, da Amorancey, da Yebusancey gaarey aran jine. ¹¹ Wa guna, RAbbi ndunŋa kulu Koyo sundurko ga furu aran jine hurduno ra. ¹² Sohõn binde wa sambu boro way cindi hinka Israyla kundey ra, kunda kulu ra boro fo. ¹³ Waati kan Alfaga kan go ga Rabbi ndunŋya kulu koyo sundurko jare, na nga cey sufu Urdun haro ra, Urduno haro mo ga fay i hiinka, harey kan ga guungurey ka fun beene, i ga kay nangu follon. ¹⁴ Borey kulu fatta ngey kuuru fuwey ra hala ngey ma Urdun daŋandi, Alfagey mo kan yan go ga sundurko jare go ga dira jaama jine. ¹⁵ Waatin kan se cine Alfagey kan yan go ga sundurko jare to Urdun do, nga no i cey sufu haro ra, ( zama Urduno haro si furo kala heemar kulu). ¹⁶ Harey kan yan goono ga gungurey ka fun beene tondey boŋ kay, i maargu nangu folloŋ, jandi kuuku furo i game ra, noodin Adma jarga kan ga maanu nda Zarethan; harey kan go ga kaa ka zumbu gooru beero teeko ra, kan ga ti ciiri teeko noya, ngey mo faay i hinka. Jaama daŋandi mo nan day ga saba nda Yeriko. ¹⁷ Alfagey kan yan go ga Rabbi sundurko jaare key Urdun bindo ra baatama kogga ra. Israyla kulu mo daŋandi ka bisa laabu kogga bon, kala jaama kulu na Urduno daŋandi ka baŋ.