¹ Yasua Nun izo binde na boro hinka tunandi tuguray ra danga lawrey-ko yaŋ, Sittim kwara ra ki donton. A ne i se: "Wa koy ga laabo guna, aran ma Yeriko fintal ay se. I koy ga zumbu waykuru fo kwaara kan se i ga ne Rahab. ² A ci Yeriko Koyo se ka ne: "Ma bay Israyla izey ra, cino ra boroyan furu ir laabo ra ka fintal." ³ Yeriko bonkono mo donton ga ne Rahab se: "I kaa tarey, borey din kan yan kaa ni do, kan yan furu ni fuwo ra, zama i kaa no ngey ma baabo fintal." ⁴ Waybora na bora hinka tugu, a ne i se: " Cimi no borey wo kaa ay kwaara, amma ay wo mana bay nan kan no in fun. ⁵ Hala i ga bino meyo daabu; borey din dira, ay si bey mo nan kan harey no i gana, amma wa te waasi aran ga toorey. ⁶ A ka gar mo, a ni tugu fuwo boŋ beene lin kwaariyan cire ra, kan yan i daake fuwo daabirjo boŋ. ⁷ Borey ni ce banda gana, ga fonda sambu kan ga kaa wurdun doo-meyo ga, I ye ga birno meyo daabu ngey fatta-yoŋo banda. ⁸ Wati kan se cine jirbi ga ba ga fintalko hinka din di, Rahab kaaru fuwo buŋ ka too i do. ⁹ A ne i se: "Rabbi na aran no laabo wo ay ga bay a ga, aran hamburukuma mo ni iri di. Laabo wo borey kulu mo biney go ga jijiri aran sabbey se." ¹⁰ Zama iri maa baaru mate kan cine Rabbi na teeku cira haro kogandi nda aran se, nda mo hankan aran te Amorancey koy hinka se, Sihon da Og, kan yaŋ aran hallaci parkatak. ¹¹ Laabaro to iri do, iri hamburu mo gumo, iri lakaley kulu tun mo aran sabbey se, zama iri bay kan Rabbi aran Irkoyo hinne no ga ti Irkoy beene beeney ra da ganda laabo bon. ¹² Sohon binde, ay ga ŋwarey aran ga, aran ma zee ay se Rabbi mayo bon, kan aran ga gomni te iri baabo windo borey se, mate kan cine ay na gomni te aran se da. ¹³ Wa tabbatandi ay se kan aran ga naŋ ay baaba day ŋya, day ŋya-izey arey da wayey, da mo hay kulu kan go ay baaba windo ra ma funa, aran si wi. ¹⁴ Albora hinka tu ga ne a se: " Iri ga hin ga jan iri fundey aran se, da dey aran mana hay kulu ci iri boŋ; waati kan Rabbi na iri no kwara, iri mo ga iri sanka tonandi nda adilitarey. ¹⁵ A ni zumandi nda korfo finetaro ga harey, zama a fuwo si kala kwaara binno boŋ. ¹⁶ A ye ga ne i se: " Wa gana tondi kuuko do harey kan ga naŋ borey kan yaŋ go ga aran ceci ma si koy ga kubey da aran. Aran ma tugu nodin kala jirbi hinza cine, kala wati kan se cine borey kan yan go ga aran ce banda gaana ye ga bara ka kaa, ga no aran ma aran fonda sambu. ¹⁷ Alborey mo ne a se: " Iri ga cia fansanteyan ni zeyaŋ bon, mata kan cine ni zee iri se da din bon. ¹⁸ Wati kan se cine iri kaa ga furo laabo wo ra, iri ma kaa ga gare kan ni na ni zu-cireyo wo haw ni finetaro wo ga kan ni go ga iri zumandi, nda mo, ni ma ni baaba, ni nyaŋo nda ni ŋya-izey, da ni baaba almayalo kulu margu fu wone ra. ¹⁹ Da ira boro fatta fuwo ra ga koy tarey, taalo ga ye a bon, iri wo ga goro hannante yan; nda mo i na iri ra afo wi kan go fuwo ra, laaliyaŋon ga ye iri boŋ, aran ga gooro hannante yaŋ. ²⁰ Da ni na sanno katarey, sanka kan ni na iri dan iri ma sambu ni se, a sino. ²¹ Rahab tu i se ga ne: " Ama ciya yadin mate kan cine aran ci da." A na iri gooro bani, a na korfo cira mo haw nga finetaro go. ²² I koy, i to tondi kuuko do, i jirbi hinza nodin, kala i ceci ka ye fu, zama i na i ceci nan go kulu, i mana hin ga diyey. ²³ Wato din ga no, i boro hinka bare, i zumbu ka fun tondo boŋ ka Urduno danŋandi. I ye ga kaa Yasuwa Nun izo do, ka deede a se hay kulu kan te. ²⁴ I ne Yasuwa se: " Sikka si no, Rabbi na laabo daŋ iri kambey ra, zama kwaara borey kulu biney go ga jijiri iri sabbay se.