¹ Musa Rabbi tamo buyaŋo banda, nga no Rabbi salan Yosuwa Nun Izo se, kan go Musa banda ka goye a se. A ne ² « ay tamo Musa bu. Ni ma tun sohoŋ ka Urdun wo danaŋdi ni da jama wo kulu, ka koy ga furo laabo kan ay ga i no din ra, ngey Irayla izey. ³ Nangu kulu kan aran ce taamey taamu, ay na no aran se, danga mata kan cine ay na ci Musa se da. ⁴ Aran hirro no, a ma sambu za tenera ga koy kala liban, kala Efrata isa beero ga, Hitancey labey kulu, kala ma koy weyno-koney teeku beero ga. ⁵ Boro kulu si hin ga kay ni jine ni nduŋa bafuna me muudu. Mata kan cine ay bara Musa bande, yadin cine mo no ay ga bara nda ni bande nda. Ay si nin taan ay si ni furu mo. ⁶ Ma gaabandi, ma te bina gaabi hanno mo, zama ni no ga naŋ jaama wo, ma laabo kulu kan ay zee da ay ga no i kaayey se. ⁷ Ni ya dey ma gaabandi, ma te bine gaabi hano mo, ma hagoy mo da Asarya kulu, ma te maata kan cine Musa ay taamo ni lordi nda, ma si kamba ni kamba ŋwaro wala ni kamba wua ga, kan ga naŋ ni ma zaada nan kan ni go ga koy kulu. ⁸ Ma si Asarya tira moorandi mo na meyo. Ni soobey ga fintal cini nda zaari, zama ni ma du ga hagoy da hay kulu kan i hantum a ra. Zama wato din ga no ni ga naŋ ni fondey ma te albarka, wati-dinga ni ma zaada. ⁹ Ay mana ni lordi ka ne? : "Ni ma ni bon gaabandi, min bina gaabandi mo? ma si humburu, ma si joote mo, zama Rabbi ni Irkoyo go ni bande, nan kulu kan ni goono ka koy ¹⁰ Kulu Yosua na wangu gŋaŋey lordi ka ne: ¹¹ "Wa sobey ga gana gatta bindo ra ka borey lordi ka ne: "Wa aran ŋwarey soola, zama jirbi hinza nda care game ra, aran ga Urduno danaŋdi ga koy ga zaama laabo kan Rabbi ir Irkoyo no ir se ir ma zaama a bon. ¹² Yosua salan Ruben izey se, nda Galate izey nda Manase kunda jara se ka ne: ¹³ "Wa fongu nda saano kan Musa Rabbi tamo na ran lordi nda da ka ne:" Rabbi aran Irkoyo na aran no fulanzamey, a na ran no mo laabo wo. ¹⁴ Aran wandey nda aran Izey nda aran almaney ga goro laabo kan Musa na aran no ga koy kala Urduno banda. Dey aran ma furu jine aran ŋya-izey jine nda aran wangu jiney, aran kan ga ti wangarey kulu, dey aran ma i gaakasiney. ¹⁵ Kala wati kan cine Rabbi nin ŋya-izey no fulanzamey danga mata kan cine a na aran no da din, kan ga nan ngey mo ma du laabo kan Rabbi ni no din; wato din ga aran ma ye ga bare aran laabo kan i na aran no din ra, aran ma ye mo wo kan Musa Rabbi tamo na aran no din ra, weyno-funay wurduno kambo harey. ¹⁶ I tu Yasua ka ne: " Hay kulu kan ni na ir lordi nda, ir ga te. Ir ga koy mo nangu kulu kan ni ne ir ma koy. ¹⁷ Mate kulu kan cine ir hangane Musa se da hay kulu ra, yadin cine mo no ir ga hangane ni se da; kala dey Rabbi ni Irkoyo ma baare ni banda danga mata kan cine a baara Musa bande nda." ¹⁸ Boro kulu kan ture ni lordey ga kan wanji ga hangan ni sanney se, hay kulu kan ni na ir lordi nda, bora din i ga wi. Ni ya dey min bon gabandi, ma te bin gaabi mo."