¹ Hilli daŋ ni meyo ra : sanda zeeban cine, ibara go zumbu Rabbi windo boŋ, zama i na ay alkawalo daaru, ga ay lordo tamu. ² I ga jinde sambu ay do hare: ay Irkoyo,ir Israyla ; Iri ga ni bay. ³ Israyla na hi hanno furu, ibara ga'a gana . ⁴ I na bonkooni yaŋ daŋ kaŋ manti nda ay sawara, i na jine boro yaŋ mo daŋ ay man bay, i na tooru yaŋ te nda ngey nzarfey da ngey wuurey mo ; woddin se i ga halaci. ⁵ Rabbi wanji ni handeyzo, Samariya : Ay binetuna koron i bon. Kala waati fo no i ga wangu ga ngey boŋ hananandi ? ⁶ Israyla do no a ga fun, kambe goy terri no na'a te, manti Irkoy mo no ; Woddin se Samariya handeyzo ga bagu-bagu. ⁷ Za kaŋ i na haw kan ga faru duma, i ga haw bambata wi mo, i si du alkama jeni; ay kulu kan ga zay si te garanti, da te mo , yawey ga a ŋa ⁸ Israyla kasi ceeri : i go dumi cindey game ra sanda sintili kaŋ boro kulu si baa. ⁹ Zama sanda ganji farkey kan go wani, i koy Asyria ; Efraymu na noyan te ga du coro yaŋ. ¹⁰ Ba kan i go ga noyan te dumey ra, ay ga i margu ne da kayna mo, i ga taabi mo bonkooni beero jarawo se. ¹¹ Efraymu na sargay fema boobo yan te zunubu se, sargay femey din mo na dan zunubu ra. ¹² Ba kan ay hantum a se ay hine saney kulu kan go ay lordey ra i na himandi sanda hay kan ga taji. ¹³ I go ga almane ya wi ga sarga ay se, i ma hamo mo ŋwa : Rabbi si ga'a ta. Sohõ Rabbi go ga fongu i taalo ga, a ga'i goje i taalo se : i ga ye Misira laabo ra. ¹⁴ Israyla dirgan boro kan na taka, a na bonkooni windi yan cina, Yahuda mo na wongu birni boobo te ; amma ay ga denj samba i kwaara ra.