¹ Wa kaa ir ma ye Rabbi Irkoy do ! Nga kan n'ir tooru, ay g'ir no baani, nga kaŋ n'ir, maray a g'iri biyey safar. ² A ga'ir no fundi, ne da jirbi hinka, jirbi hinzanta hane a g'iri kayandi, ir ga bafunay mo a jine. ³ Wa Rabbi Irkoy ceeci g'a bay ; a kayaŋo, ga tabbat sanda mo-boyaŋ, a ga kaa ir do danga beene hari cine , sanda zaa-zaa hari kaŋ ga laabo tayandi. ⁴ Ifo no ay ga te ni se Efraymu ? Ifo no ay ga te ni se Yahuda ? Zama aran naanayo go don sanda susubay buda-buda cine, wala sanda haranday kaŋ ga wasi ga daray. ⁵ Woddin se no ay g'i kar annabey do, ay g'i wi nda ay me sanney, ay ciitey mo ga bangey i bon sanda annura cine. ⁶ Zama ay ga baa naneyanŋ ga bisa sargay, nda Irkoy bayaŋ ga bisa sargay kan i ga ton. ⁷ Sanda boro laala yaŋ i n'ay alkawalo ceeri; waato ga no ture ay ga. ⁸ Jilaad boro laaley kwaara no. Kuri seeda yaŋ go a gahamo ga. ⁹ Alfagey marga jama go day sanda fondo kossey ko yan, i ga borey kossaarey ga wi Sichem fonda boŋ i go ga hasaraw dumi kulu te. ¹⁰ Alfagey marga jama ra, ay di hariyaŋ kaŋ meeri gumo : ne harey Efraymu go weykurtarey ga, Israyla mo go ga nga bon zibandi. ¹¹ Nin mo Yahuda,ni ga du ni taabo alhako, waati kaŋ ay ga ye ga kande ay jama ga fun day tamtaray ra.