1 Rabbi sanno kaa Oseya, Berri izo do, Yahuda bonkoney Ozia, Joham, Achaz nda Ezechia zabaney ra, nda mo Israyla bonkono Jeroboam, Joas izo zabana ra. 2 Sanni sintina kan Rabbi tonandi Oseya do, a ne a se: "koy ga sambu weykuru nda zanka yan kan i hay waykurey ra ga hiji, zama laabo go ga waykurey, borey fatta Rabbi bande" 3 A koy ga di Dilaïm ize weyo Gomer hiji nga mo hayi a se ize alboro. 4 Kala Rabbi ne a se: "Ni ma dan Jizreel; zama ne ga koy alwati keyna, ay ga Jehu windo gobu, kuro kan i mun Jizreel din sabbey se, ay ga Israyla windo mayra banandi. 5 Hane dine hane, ay ga Israyla birow ceri Jizreel gora ra. 6 Oseya wande ye ga sambu gunde koyne, a haye a se ize weyboro. Kala Rabbi ne: "ni ma a maa dan Lo Ruchama; zama ay si ye ga bakar Israyla windo se, Ay si ye ga yaafa a se mo. 7 Amma ay ga bakar Yahuda windo se; da Rabbi i Irkoyo no ay g'i faaba da, Ay si'i faaba da hangaw, walla mo takuba, walla wangu, walla bariyan nda barikaryan. 8 A na Lo Ruchama ka wa; a sambu gunde a ay a se ize alboro. 9 Kal Rabbi ne: "ni ma a maa dan Lo Ammi; zama aran manti ay jama, ay mo manti aran Irkoyo". 10 Amma kulu nda Israyla izey jaama ga ba sanda teeko me taso cine, kan i si hin nesi, yaddin mo no i si hinne ga'a kabu; I si ye ga ne i se: Aran manti ay jama ! I ga ne i se : Irkoy fundikono izo! 11 Yahuda nda Israyla izey ga care margu, ga jine boro dan ngey bon se, i ga fatta laabo ra; Zama Jizreel zaaro ga beri gumo.