¹ Amma: ci ni ŋeyze alborey se! Ruchama: ci ni ŋeyze weyborey se! ² Wa kakaw da aran ŋya, wa kakaw da zama nga wo manti ay wande no ay mo manti a kurŋe, a ma nga waykurtara nda nga zinateriyaŋo nan ! ³ Da manti yaddin ay ga a ka konu, sanda zaaro kan a ka ŋdunya ra cine, ay ga himandi sanda teneera cine, ay ma himandi sanda gangani koogo, wato ga ay ma nan hari jaw ma si. ⁴ Ay si bakar a izey se mo zama weykuru izeyan no. ⁵ I ŋaŋo te weykuru, nga kan ni hay na nga boŋ hawandi, zama a ne : ay ga koy ay arusey bande zama ngey no goono gey no han kan ay ga ŋwa da han kan ay ga han, da hay kan ay ga ay bankarey te nda, da ji, da hari kaaney kan yan ay ga han. ⁶ Woddin sabey se no ay ga fonda daabu da karji yan, ay ma cinari kuku dan a jine, hala a si ye ga di nga fondeyzey koyne. ⁷ A ga nga arusey hamney amma a si to day; a ga i ceci amma a si diyey. Waato ga a ma ne: ay ga ya ay kurɲe zeena do zama noddin no ay mã kani ga bisa sohon. ⁸ A mana bay kan ay no go ga no alkama, da hamno da jiyo, da nzarfu da wura booba kan borey salle Baal se. ⁹ Woddin se no ay ga ay alkama da ay rayzin haro ku, ay si nan i ma te ngey alwaato ra, ay ga feeji hamno da lin bankarey kan go ga gaa a ma koono daabu ga kaa a ga. ¹⁰ Sohon binde ay ga haawo bangandi a arusey jine, boro kulu mo no si hine ga kaa ay kamba ra. ¹¹ Ay ga farhã dumi kulu ka a bina ra, sanda batey kan yaŋ a ga te handu kayyan tajey se, da fulanzam zaaro woney, da batu cindey mo. ¹² Ay ga ay reyzin kaley da tuuriizey kulu kan go i ra halaci; kan a ga ne kan ay alhako no kan ay arusey na ay no, Ay ga i ciya saji, kan ganji almaney no ga i ŋwa. ¹³ Ay ga'a gobu zaaro din kan ra a koy ga dugu ton Baal se ma ga, han din hane kan a taalam ga kambe korbey da nga jindi hiirize yaŋ dan, ga nga arusey gana, day a dirgan ay ga. ¹⁴ Woddin se ga koy nda teneerara ay ma salay a bina se. ¹⁵ Noddin mo ay g'a no a reyzin kaley nda Ako gooro mo i ma ciya a se beeje windi me : a ga doonu ay se sanda a zankatara waate cine, sanda mate kan a te zarro kaŋ a go ga fatta Misira laabo ra. ¹⁶ Rabbi Irkoy ne: handin hane ni ga ne ay se ni kurŋe, ni si ye ga ay ce ni jine bora koyne. ¹⁷ Ay ga Baale mayo ka a meyo ra, hala i ma si ye ga i ce koyne. ¹⁸ Handin hane ay ga alkawali dan ngey nda ganji-hamey, nda beene curey, da almaney kan ga ganda bire laabo boŋ game ra. Ay ga hagoy, nda takuba, wala wangu kulu banandi i laabo ra, ay ma i ma foulanzam mo lakkal kaney ra. ¹⁹ Ay ga ciya ni aruso hal abada se, adiltaray, da cini ciiji, da suji da bakaraw wane. ²⁰ Ay ga ciya ni aruso nanay wane, hane dine hane ni ga Rabbi bay. ²¹ Rabbi ne : zarro din ay ga yadda ga te, ay ga beeney se, ngey mo ga ta laabo se; ²² Labbo mo ga ga te alkama, nda ji, da reyzin hari se, ngey mo ga te Jizreel se. ²³ Ay ga Lo-Ruchama tilam laabo ra, ay ga bakar a se mo; ay ma ne Lo-Ammi se ay jama, ngey mo ga ne ay se : ir Irkoyo.