¹ Handu iyanta jirbi waranka-cindi-fa hane, Rabbi na nga sanno tonandi Annabi Haggay do ka ne: ² "Salan Zorubabel Seyaltiel Izo kan go ga Yehudia may se, da Alfaga beero Yesuwa Yehozada izo se da jama kulu kan cindi mo se ka ne: ³ May no cindi aran kan bay ka dii windo wo a waato darza? mate no aran goono ga diya da koyne sohon? Aran dyan ga manti hay fo yaamo no a ga hima aran jine? ⁴ Sohon key Zorubabel, ni bina gaabandi, yadin din no Rabbi ci, ni binna gaabandi, Josuwa Jotsadak Alfaga bero Izo, te bine gaabi, laabo izey kulu, yadin no Rabbi ci, wa goy zama a bumbo go aran bande, yadin no rabbi kundey koyo ci. ⁵ Mata kan cine ay na alkawlo sam bu aran Kayeey se za wato ka cine i go Misira ra, I Biya go aran game ra, wa si hamburu!" ⁶ Wone no Rabbi kundey koyo ci ka ne: " Hino koyne, a cindi kayna ay ga benne nda ganda jiijirandi, ga teekoy mo kogandi. ⁷ Ay ga Dumey kulu jiijirandi, i arzarkey mo kulu ga bare ka kaa ay do harey, ay ga ay fuwo mo tonandi nda darza, ya no Rabbi kundey koyo ci. ⁸ Nzarfu ya a wone no, Wura mo ay wone no. Yadin no Rabbi kondey koyo ci. ⁹ Fuwo ne wo darza ga beeri nda sintiney wana, yano Rabbi kundey koyo kulu jiine bora ci, da mo newo no ay lakalkana no, ya din no Rabbi kundey koyo ci. ¹⁰ Dariyus jiiri hinkanta handu yagganta,jiirbi warankanta cindi taacanta ra no Rabbi sanno kaa Annabi Haggay do ka ne: ¹¹ "Wone no Rabbi kundey koyo ci: Sohon kala aran ma Alfagay han asaria cina ra kane: ¹² "Da boro fo gonda ham kan ga hanane nga kwayo kamba ra, nga no bora lamba buuru wala hawru,wala rezan-hari, wala jii, wala nwaari kulu kan dumi no, hayey wo ga hannane wala? " Alfagey ne : " han" ¹³ Haggay ne:" Da boro fo lamba buuko ga nga no a ziibi, a kaa ga lamba hayey wo ga, i hima ga ziibi wala?" Alfagey ne: " I ga ziibi ya." ¹⁴ Wato dinga Haggay tu ka ne: "Yacine borey wo gono nda, I fo no dumi wone yan wo ga hima a jiine, ya no Rabbi ci, hay kulu kan ga ti i kamde sargey kan i ga no a se kulu zibante no." ¹⁵ Soyon key, aran ma lasabu gumo wone, ka di ay kan ga te hunkuna! hala i ga tondi fo daake tondi bon Rabbi fuwo cinaro-ra. ¹⁶ Di kaa hadin neesiji gusam waranka do, i si garre kala gusam way, Da i kaa ga haari nesiji 50 guuru tukku beero do, i si garre kal nesiji 20. ¹⁷ Ay na aran kaar da guuru kan hay, da bunkusyan, da garri mo aran kambe goyey kulu ra. Wodin kulu sabey se, aran mana ye ga kaa ay do, ya no Rabbi ci. ¹⁸ Wa laasabu nda laakalkaney ka di hay kan ga te hunkuna, za handu yagganta zirbi waranka-cidi-tacanta ra, za zaro kan ina Rabbi sududu yan fuwo sintin, wa laasabu laakalkaney ra! ¹⁹ Nwari ga cindi barmeyra koyne? Ba Reyzin nya mo, da jeejey nya, da grenadin nya mana hay kulu hay, amma za hunkuna, ay ga aran albarkandi." ²⁰ Rabbi sano ye ga kaa Haggay do koyne sorro hinkanta , hando zaari waranka-cindi-tacanta hane: ²¹ "Ci Zorubabel Yehu jine bora se:" Ay ga bene nda gadey jinzi. ²² Ay ga koytarey mayrey zeeri, dumi cindey mo mayrey ay ga i gaabo halaci. Ay ma ia wongu torkey da borey kan yan gono i bon zeeri, bariyey da borey kan go bon, boro fo kulu nga nya-izo takuba do. ²³ Zaro din hane, mata kan Rabbi kundey koyo ci, ay ga ni sambu Zorubabel, Syatiel ay tamo izo, ya no Rabbi ci, ay ga ni cia mo lamba, zama ay ka ni suban." Yadin no Rabbi kundey koyo ci.